بَعيد عنك .

9

-

11:16 صباحاً

فهد ينادي و هو يدخل : يمه ؟ يمه !!

سمع صوت امه الي استوقفه قبل لا يدخل الصاله : فهد لا تدخل دقيقه

استغرب فهد : ليش؟؟

امه بعد ثواني من الصمت نطقت : الحين ادخل

عقد حواجبه و دخل : بالله ؟

ام فهد : الناس تقول السلام عليكم اول

فهد قلب عيونه و اشر على بنات اعمامه الي جالسين معاها و مع امهاتهم : بالله عليك يمه مخليتني انتظر برا عشان هذول ؟؟

ام جبر : ما يحلون عليك لازم يتغطون

فهد ناظر بالمحجبات الي متغطين و الي متنقبات و الباقي بدون حجاب عادي : مو من زينهم ترا ع اناظرهم

ام فهد : بدينا

بيان الي كانت جالسه على جنب تكلمت لما ما انتبه لها فهد : فهيدوو كيفك ؟؟

فهد التفت لها و ضحك بخفه : بيان و وجع زمان عنك يا بنت !!

بيان : انت قاطع مو مشكلتي ذي

فهد : التهيت والله ولا تعرفيني احب صلة الرحم

بيان ضحكت : محد بكبر قلبك

ام منصور : وانتي الصادقه طيب و يعرف الاصول

ام جبر : يمه فهد ما ناوي تتزوج و تستقر ؟

فهد ضحك : لا طبعاً الزواج للفاشلين

ام منصور : سبحان الله كأني اشوف منصور و محمد

ام جبر : نفس الحاله مع جبر مدري ليه يحسسوني الزواج سجن ولا كأنه حياة و راحه

ام كمال : خلوهم على راحتهم باقي صغار على مسؤولية الزواج و الهم ذا كله

فهد قرب لها و باس راسه : والله انك احلى خاله بالدنيا و بس

ام كمال مسحت على خده : حبيبي انت

ام تركي : استحي على وجهك يا ولد و احنا ايش ؟

فهد : اسكتوا عن سيرة الزواج ذي و انا احبكم

ام فهد : من زين حبك ؟ انقلع بس

فهد قلب عيونه : بلا زواج بلا سوالفكم ذي نسيتوني على وش جيت اصلاً !!

ناظر بالملابس الي حاملهم بيده و بعدها قرب من امه يعطيهم لها : خذي يمه ذا يونيفورم تميم بس غسلوه و اكووه و خلي اي شخص يحطه بغرفته او غرفتي مافي فرق