كيتمشى على رجليه بشوية ف شارع ...فيدو قرعة د شراب و كيتمايل ف طريق ...عينيه حومر بالسكرة و الغصة و دموع متلألئين فيهم ...ماهامو حتى واحد و حتى حاجا من غير انه يوصل و يحيد هاد العبئ من على كتافو و لي ماقادرش حتى يتقبلو...السخونية لي كيحس بيها مامخلياهش يتنفس على قبل جوج حوايج انه عشق بنت طلعات فلخر ختو و على قبل لمرأة لي مزوج بيها و ربي خدالها حقها منو ب ابشع الطرق ...باغي ينسا لقا القرعة و الكاس طريق ساهلة ...وصل للشقة كان الحال كيظلام بقا كيصوني و متكي على الحيط ...ماحلاتش ليه لباب و تفكر بلي اصلا عندو سوارت ...جبدهم و بدا كيحل خدا مدة طويلة و نفس عميق باش تحل ليه لباب و دخل ...لقا دار كاملها ورود و نفاخات و موسيقى و شموع ...دازت من موراه و طرطقات واحد المفاجأة فوقو و هي كتنقز و ضاحكة...
عواطف: اناااا حاااااملة هههه (عطاتو الطيسط بين يديه) غادي نديرو العقد قبل مانولد و ماتخافش دابا حتى واحد ماغادي يعتارض لينا (شادة ف كرشها ) هازة طرف منك احبيبي كيف جيتك
طه :(وسع عينيه ف الطيسط صدمة مور صدمة طايحين عليه ) حاملة ؟
عواطف: اه حاملة عرفتها نهار لكسيدة و قلت نخليها مفاجأة عندي شهر دابا ههه (شدات فيدو) مالك ؟
طه: (حيد يدو من يدها) كان خصك تقوليها
عواطف: شو صاير لعگلك ؟ (شداتو من وجهو) مالك علاش كنتي كتشرب ؟
طه:(دفعها عليه شوية و هو كينهج) خصك طيحيه...
عواطف:(بصدمة ) طه ؟ شنو كتقول ؟ علاش انطيحو ياك غادي نتزوجو
طه: ماغاديش نتزوج بيك ...
عواطف: هههه واش عارف شنو كتقول ا طه شوف فيا (كتحركو) انا حاملة بولدك واش سمعتيني
طه:(غوت فوجهها حتى بدات تترعد) مااااااكاااااين لا ولد لا زبيييي دااااااك لولد مااااغاديش يتخلق لدنياااا مابغييييتووووش كتفهميييي ماباااغيييهش...(شدها من شعرها) غاااادي طيحيييييه و لا انفرعك..
عواطف:(بداو عينيها كيدمعو) شنووو تبدل شنوو ؟ ياك قلتي كتبغيني و غادي نتزوجو ياك هادشي لي قلتيلي (نزلات على يدو كتبوسها) ليرحم بيها لوليدين نبوسلك حتى رجليك ماتسمحش فيا كنبغيييك و مابغيتش نتفرق عليك
طه:(دفعها و كينهج و عروقو برزو) كنت غييير كندوز الوقت اناااا ماكانبغييييكش كاع مراتي هي كوثر هي لي عندي معاها لولاد نتي غير شيااااطة كتفهمي..لعبووو فيك و حتى انا لعبت فيييك ماغاديش نجيبك ضرة على مرتي فهمييها و هاد الولد ايطيح كتفهميييي خصوووو يطيييح
عواطف: (حطات يديها على فمها و كتبكي بحرقة) واش تسطيتي اويلي شنو كتقول ؟؟؟؟ (كضرب فوجهها و تهبطو بلخبيش) واااااااااااش حماااااااقيتي اطه ماااااتقولش ليا ضربتي كاع لي دوزناااااه ف زيييييروووو ماتقوليش بلي لي عشتو معاك غير لعب
YOU ARE READING
الـــــعـار ❤️🔥 (أخذت زوجي )
Short Storyبين عاقبة الخيانة و صدق المحبة يلعب القدر لعبته بين ثلاثة اشخاص ليكونوا ضمن سلسلة العار ❤️🔥 قصة واقعية بقلم لاذع ( سكينة سليماني )
