كتحسي بلي وقفتي على حافة النهاية فلحظة كتخطف فيها روحك و كتخليك تايهة ماعارفاش شنو مصيرك من بعد ...و كل شاة كتعلق من كراوعها و كل ظالم كيلقا مصيرو.... الشمس حارة كتحرق و طريق بسراب الصهد تجملات و فيها طوموبيل تقلبات ...روايد طارو منها و زاج تشتت فالارض...حلات عينيها بثقالة باش و دم دايز من جبهتها...كتحس بالالم و صحتها كاملها مدغدغة...ضارت كتشوف فيه حداها راسو طايح على البولة ديال الطوموبيل و راسو كاملو دايز بدم ...نطقات بخوف و دموع باغية تحركو و ماقادراش....طه ...
فلاش_باك ...
قبل من لكسيدة و قبل من هاد نهار بشهور ويام غادي نعاودلكم قصة ماشي بحال خوتها قصة لي بحليب الام و الخالة تنسجات...و فيها قلوب تحطمات و شهوة تشبعات و تغرزات... و عيون بكات بالفرحة و خدود بالحشمة توردات...
فندق طنجة ...كان هابط من طوموبيلتو بلباسو المعتاد طقم اسود و شعرو مطلعو لفوق و التغوبيشة ف جبهتو ...تكلف الشيفور ب طرموبيلتو و ناس لي خدامين فلوطيل هزوليه حوايجو...عارفينو كليان و كيتهلاو فيه مزيان ...دخل و قبل مايمشي ديريكت الشومبر ديالو جاه اتصال و جلس ف الفوتوي كيتكلم...كانت امرأة قدامو كتشوف فيه و تبتاسم...ممشوقة القوام شعرها اسود و عينيها رماديتين...ماداهاش فيها و حتى هي هبطات راسها كتشوف فالمجلة ديالها ...سالا الاتصال ديالو و حط تيليفونو و طلع راسو لفوق مغمض عينيه...بقا هكك مدة حتى جات المشرفة على ليشومبر و نطقات
...بن زاكور ؟
طلعات راسها دغيا و حتى هو طلع راسو و نطقو فدقة ....وي ؟ ...شافو ف بعضياتهم باستغراب عاد حققو ف عينين بعضياتهم و دازت ابتسامة موراها ...شافت فيهم المشرفة و نطقات ...
...كنظن ليشومبر ديالكم بجوج واجدين ؟ مي سمحولي نتوما كتجيو لبعضياتكم شيحاجا ؟
طه : (هز تيليفونو و ناض ) شنو رقم الشومبر ؟
المشرفة: 13
ناضت حتى هي و خدات تيليفونها بلا ماتلفت ليه و دازت من حداه شوية بقا كيصوني ليها تيليفون و شافت فيه عاد انتابهات بلي ماشي تيليفونها يعني تيليفونها بقا عند داك الشخص لي بالنسبة ليها مجهول ...تبعاتو باش تعطيه ليه لكن طلع ف لاسانسير...طلعات حتى هي و توجهات للغرفة ديالو منبعد ما عقلات على رقمها...وصلات ليها و دقات و حل ليها ...
عواطف: اعتذر... اعتقد ان هاذ موبايلك!
طه : تخالطو لينا ؟ ...اطط نجيبلك تيليفونك ...(رجع جايبو ليها لقاها دخلات لشومبر و كتشوف فيها ) ديزولي مانتابهتش
عواطف: عادي ..كنظن الصدف بتجمعنا
طه:(ابتاسم كيطلعها و ينزلها...ماينكرش انه انثى متفجرة بالانوثة و غزااالة) عادي .. تشربي شيحاجا ؟
عواطف:(ابتاسمات عاضة شفايفها) الى ماعندكش مشكل مور مانشرب ندير ليك مساج (مدات يدها ل عنقو) عنگك بيوجعك شي ؟
YOU ARE READING
الـــــعـار ❤️🔥 (أخذت زوجي )
Short Storyبين عاقبة الخيانة و صدق المحبة يلعب القدر لعبته بين ثلاثة اشخاص ليكونوا ضمن سلسلة العار ❤️🔥 قصة واقعية بقلم لاذع ( سكينة سليماني )
