و فعلا من داك نهار و علاقتهم بلا حدود...شهر و هوما على هاد لحال لقا فيها شنو بغا و لقات فيه شنو بغات علاقتهم ولات قوية لواحد الدرجة لي لي شافهم فزنقة كيقول هادو مزوجين...كيفهمها و كتفهمو كتحس بيه و كيحس بيها ...الجنس كان جامعهم و لكن حتى العواطف تغلغلات لقلبهم...فجهة اخرى مابقاش كيجي للفيلا و همل مراتو وولادو...كوثر كذبل نهار على نهار و قلبها كيتكال...ماعرفاتش مالو حدو كيحلف و يقول ليها ماكاين والو و هي كتآمن بالله ...كتصلي و تبكي على اهمالو ليها و لولادها و صابرة بلي قسم ليها فيها الله ...مكتبغيش تبين قدام عائلة راجلها خصوصا قدام هدى لي كانت غارقة ف حب رضا و حتى هو كيبادلها نفس الشعور غير مامعتارفينش لبعضياتهم... واحد صباح كانت عواطف ف الفيلا و حتى طه و كاملهم تجمعو...بقاو كيتعاودو و يضحكو و رضا كيعاود طرائف الصغر و طه كذلك و كل مرة كيعاود كيشوف ف عواطف...
رضا: انا عاقل على نهار لقيتي طحين و بقينا كنلعبو بيه سلخة لي عطاتنا الوليدة الله ارحمها مابحالها سلخة
عواطف: ههههههه لا و الاحلى من هاذ الوالد لي كان كيخبينا عندو
رضا : و نتي كتبكي غا على حوايجك لي وسختي ههههه
عواطف: معلوم انا لابسة فستان احمر ...قيسني ف اي لون عداه
طه: اصلا اللون احمر غزاااال علييييك بزااااف (بلا مايشعز طولها)
كوثر:(شافت فيه باستغراب و ضحكات ) سعداتك اعواطف طه مكيقولش هضرة زوينة لاي واحد ...
عواطف: عههههه انا بنت عمو دمو و لحمو ههه
هدى:(شافت ف كوثر لي كانت حزينة بزاف) و لكن الصراحة لحمر كيجي مع كوثر فاش كتلبسو كتنور الدار ههه
الغالية: بناتي بجوج غزالات الله افرحهم ياربي
كوثر:(باقا كتشوف ف طه و نظراتو لعواطف و ايضا عواطف كتشوف فيه و كتحدر عينيها) عواطف ماقلتيش لينا مكتفكريش تزوجي ؟
عواطف؛ حاليا لا ... مازال ماكنفكر و لكن الى فكرت غادي تعاونيني ف دهازي ياك
كوثر:(بفرح و نية ) طبعا كولشي على حسابي انا ماعنديش خواتات و هدى ختي (شدات ليها فيديها ) و حتى نتي اتكوني ختي
عواطف: (تلاشات ابتسامتها) شكرا (سحبات يديها دغيا )
...ناضت عواطف باش تمشي بحالها و رضا هو و طه مشاو بعيد كيهضرو بقات غير كوثر و الغالية و هدى ...لاحظو تغيير ف ملامحها و بلي تبدلات عليهم
الغالية: بنتي مالك وليتي ضعيفة و ماعاجبك حال
كوثر: حتى حاجا اميمتي الغالية...غير راك عارفة مع دراري
هدى: لا لا شيحاجا اخرى هادي
كوثر: ماعرفت مانقولكم...
هدى: غير دوي ...
YOU ARE READING
الـــــعـار ❤️🔥 (أخذت زوجي )
Short Storyبين عاقبة الخيانة و صدق المحبة يلعب القدر لعبته بين ثلاثة اشخاص ليكونوا ضمن سلسلة العار ❤️🔥 قصة واقعية بقلم لاذع ( سكينة سليماني )
