كذبل فيه عويناتها الرماديتين بكل غنج و دلع و اصابعها كداعب بيهم خصلات شعرها الاسود كعتمة الليل فليالي البيض الكاملة...لايح يد هنا و يد لهيه على الفوتوي و مرجع راسو لور...
طه : برمي معاك جوان و جيبيهلي...حسن ماتبقاي مطرطقة فيا عينيك
عواطف: تارا يلي بتسويه مو عادي ...قوم من على تختي و اطلع
طه:(تنهد و هز راسو كيشوف فيها بعينين ذابلين) نوضي
عواطف:(طرطقات فيه عينيها) اطلع من غرفتي
بقا كيشوف ف يدو و هو يجبدها معاها بتصرفيقة حتى داخت و تلاح شعرها على وجهها و جبدها من رقبتها لعندو حاط جبهتها على جبهتو كيشوف الدم نازل من نيفها و عينيها مصدومين و مغرغرين بدموع
طه: عواطف انا مكنعاودش هضرتي ...الى عاودتها عرفيها تهديد حيت فالمرة الثالثة اتندمي..(بهمس) عنداك يحسابلك انا واحد من لحوالة لي عشتي معاهم ...عارفاني شنو كنسوا و هيبتي هي لي جابتك نهار لول حتى لقيتك فوق فراشي ....
عواطف:(بصوت مغنغن و بكلمات باكية) نتا مريض ...(حسات بضغط يديه و غمضات عينيها) صافي ماغاديش نعاود سمحلي...(شافت فيه ) بغيتي تشرب شيحاجا مع جوان
طه:(ابتسامة جانبية) تصرفيقة سرحاتليك لسان ابنت العم...(ضربلها جوج صبعان ف راسها) كيعجبني دماغك حيت خفيف (طلق منها)
عواطف: (هربات وجها منو كتشوف فيه و تنهج ) عيب عليييك انت انسان متزوج ...اذا عرف عمي و ابوي غادي تكون فظيحة (خبعات وجهها دغيا منين شافت يدو جايا عندها)
حسات ب لمسة حنينة فوق راسها ...خلاتها تحيد يدها من وجهها و هي كتبكي لقاتو كيدوز على شعرها و مبتاسم
طه: (بنبرة فحولية ) جيبيلي البيرة مع الجوان ...
______
ناضت برماتلو جوان مع البيرة و هي كترجف حطاتهم ليه و هو بقا كيكمي و يشرب ...مكيهضرش و حتى هي بحالو غير كتشوف فيه..طه: ماكنتش عارفك بنت عمي و ياريت ماعرفتهاش...(شاف فيها بعينين حومر) ماباغيش نضيع زواجي بيدي و لي وقع بيناتنا نسايه...انا مانصلاحش ليك ...داري وولادي عطيهم بتيقار
عواطف: أنا ما أجبرتك على شي
طه: و حتى انا مابززت عليك حتى حاجا ...تهليت فيك و تمتعتي كيما انا تمتعت...
عواطف:(قربات منو كتهمس حدا شفايفو) يكفيني بلي باقي عاقل انني متعتك...الريال يلي ماتمتعو مرتو أگدر اعرفو من نظرة...عندك مشكلة كبيرة فحياتك الزوجية
طه:(شدها من شعرها بعنف جارو لور و هي كتنين بالالم حط شفايفو على عنقها و كيهضر) هانتي قلتيها مزوج...خطيني عليك حيت الى شديتك ف جنبي ماغاديش تفكي ...
ناضت خلاها تماك كتشوف فيه ...سمعات لباب تزدح تيقنات انه خرج من دار ...ابتاسمات و عضات شفايفها بنشوة من يوم يومها كيحمقها الراجل المتسلط و المتجبر...العنيف لي كيبعثر انوثتها و كيخليها خاضعة ليه...كتعجبها الحاجة الصعيبة لي ماشي فيد كولشي ...فلحظة فكرات ف مراتو و طاحو فبالها تساؤلات انه باش حسن منها باش يكون هو حداها و هي لا ...من المفروض هي بنت عمو و اولا بيه و باغاه...حطاتو فراسها و ماقدراتش تحيدو...اما هو رجع لدار و طلع لبيتو لقا كوثر باقا فايقة و جالسة ف الكنابي...هادي عادتها مكتنعس حتى كيدخل لدار...
DU LIEST GERADE
الـــــعـار ❤️🔥 (أخذت زوجي )
Kurzgeschichtenبين عاقبة الخيانة و صدق المحبة يلعب القدر لعبته بين ثلاثة اشخاص ليكونوا ضمن سلسلة العار ❤️🔥 قصة واقعية بقلم لاذع ( سكينة سليماني )