...بقات غير كضحك و هو كيلعب معاها ...توحشاتو بزاف و رغم انها كتبغيه و كتحماق عليه الا انها كتحتارمو و تحشم منو ...سالاو الدوش ديالهم و خرجو نشفو راسهم و لبسو حوايجهم...جابت بانيو صغير فيه لملحة و ماء سخون و خشا رجليه فيه و هي كتكمدهم ليه ...و كضحك معاه ...
طه: عاوديلي شنو درتي فغيبتي ؟
كوثر: حتى حاجا من غير دار و دراري ...مرة مرة كنخرج مع خالتي الغالية و لا هدى ... (شافت فيه ) و نتا ؟
طه: انا غير الخدمة ...
كوثر: الله اعاونك عليها ..
....بقا كيشوف مدة فعينيها...ديك البراءة لي ف عينيها من سنوات شافها و باقي كيشوفها ...دغيا حيد عينيه و بلع ريقو و خرج رجليه ...
طه: فين مهدي ووجدان ؟
كوثر: وجدان عند هدى و مهدي كيلعب لتحت
طه: يالاه نتعشاو باش تنعسيهم بكري و ترتاحي
كوثر:(ابتاسمات ) هي لولة ..
دازت الليلة عادية بين العائلة و منبعد كل واحد مشا لبيتو ...صبح صباح جديد وقفات طوموبيل قدام الفيلا د ايت زاكور و خرج منها راجل كبير معاه ولد و بنت ...دخلو لدار ف ترحيبات جمال و مراتو الغالية لي ماقداتهم فرحة ...
جمال: مرحبا بيك ف بلادك اخويا ...و الله حتى توحشتك و غيبتك ضراتني بزاف
الحسين: لهلا اخطيك اخويا سنين هادي ماتشاوفنا عارفها صعيبة و لكن هاني رجعت و جبت لولاد يتعرفو على عمهم وولاد عمهم دنيا و زمان هادا
جمال : خير مادرتي...
الغالية:(كتشوف ف بنت الحسين) تبارك الله ما شاء الله غير نعمة ف ايامها ...صدقو لي قالو لي ولد ماماتش (باستها ف حناكها) الله احفظك ابنتي من كل عين شينة
جمال: هادي ماشي ديال ايت زاكور هادي اماراتية قحة ههه (كيشوف ف الولد) هادا هو لي من صلبنا الشوفة ديال با الله ارحمو
رضا : ههه الدم كيدوز اعمي
جمال الله احفظكم اولادي ...
...دخلات هدى و كوثر و طه لعندهم باش اسلمو عليهم كانت مفاجأة ليهم حيت ماعارفينش بلي ايجيو عندهم ضياف و ماشي اي ضياف و انما عمو وولادو لي ماشافوهم من صغر و موحال واش عقلو عليهم ...لكن المفاجأة لكبيرة هي ديال طه لي كان كيشوف ف عواطف بعينين مجمدين و هي كذلك...طاحت عليه شوفتها بحال الصاعقة لدرجة ماقدروش يحيدو عينيهم....حركاتو كوثر عاد مشا سلم على عمو و وولد عمو لي كان اكبر منو اما عواطف ف كانت قدو بنت التمنية و العشرين...وقف عندها و مداتلو يدها مبتاسمة بزز منها ...
عواطف: انا بن زاكور (كتحقق ف عينيه) عواطف ...سميتي عواطف
طه:(ابتاسم ليها ) مرحبا بيك ابنت العم انا طه (جر كوثر ) و هادي مراتي كوثر و هادا ولدي مهدي و بنتي وجدان...مرحبا بيكم عندنا...مفاجأة زوينة هادي ...(كيشوف ف عمو وولد عمو و عائلتو مرفوع) الله اخلينا ديما مجموعين...
YOU ARE READING
الـــــعـار ❤️🔥 (أخذت زوجي )
Short Storyبين عاقبة الخيانة و صدق المحبة يلعب القدر لعبته بين ثلاثة اشخاص ليكونوا ضمن سلسلة العار ❤️🔥 قصة واقعية بقلم لاذع ( سكينة سليماني )
