...مشا البيت ديالو لقا ضو مطفي ..دخل بشوية لقا كوثر ناعسة و فحضنها ولادها مخشيين فيها بقا كيشوف فيهم مدة و تحرك بدل حوايجو غير بشوية و نعس فوق الفوتوي...صبح صباح جديد و ناضت كوثر تسلتات من حدا ولادها لي كانو ناعسين حتى كتفاجأ ب طه قدامها كيلبس حوايجو ...بقات كتشوف فيه مدة و هو ضارعندها و ابتاسم ليها ...قرب منها و جلس حداها و هي غير كتشوف فيه بجمود و شيء من الخوف ...
طه: سمحيلي على داك نهار كانت لحظة غضب
كوثر: عمرك هزيتي عليا يدك ...شنو تبدل ؟
طه: الشيطان لعب عليا
كوثر : نفس الشيطان لي خلاك تغبر عليا و على ولادك ؟
طه: ماتحرفيش لهضرة اكوثر السماحة و طلبتها
كوثر :(كتشوف فيه بحزن ) تبدلتي عليا بزاف ا طه
طه:(هز يدها و باسها) ماتبدلتش عليك ...غير مع لخدمة اما راه انا نفس شخص لي عرفتيه ...الله اسامح
كوثر: (تنهدات كتشوف فيه ) الله اسامح
طه: وجدي راسك باش نهبطو نجلسو مع مالين دار شوية
كوثر : واخا
...خلات ولادها ناعسين ووجدات راسها و خرجات معاه...وصات الخدامة عليهم و نزلو يفطرو و منين سالاو دخلو للصالة كاملهم جالسين عائلة و كيهضرو و يتجمعو و ضاحكين حتى نطق الحسين
الحسين : الصراحة اللمة العائلية ماكاينش بحالها و بعد غربة طويلة رجعت بين ناسي و حبابي
جمال : هادا هو الفضل اخويا و حتى من ولادنا يعرفو بعضياتهم
الحسين : و هادشي علاش جمعتكم ليوم ...كيما كتعرفو عندي ولد واحد و رضا راه ولدكم و عزيز عليكم
جمال: الله اودي مقامو من مقام ولدي طه
رضا: بارك الله فيك اعمي (كيشوف ف هدى لي كتبادلو نفس النظرات)
الحسين : احم اوا جينا طالبين راغبين فيد بنتي هدى لولدي رضا على سنة الله و رسوله
كوثر ابتاسمات و شدات ف هدى لي قلبها ايسكت بالفرحة كتشوف ف خوها لي حتى هو مبتاسم حتى كيسمعو صوت الغالية كدوي برزانة
الغالية: و لكن راه مايمكنش
الحسين : علاش اختي الغالية فين المشكل
جمال : مالك الغالية شتك كدوي و انا هنا
الغالية: لا ماشي هكك و لكن واش نعمة ماقالتلكم والو ؟
الحسين : شنو اتقولكم
الغالية : بلي رضعت عواطف من حليبي شهر كاملو فاش كانت نعمة على فراش الموت كنت كنرضعها هي و طه و مانديرش بيناتهم الفرق
____
عم السكون فالمكان كان سكوت لي تابعو استيعاب لهاد الهضرة لي ماقادرينش يتقبلو جوج اشخاص نواو يتزوجو فما بالك شخص لي دار الذنب ...
YOU ARE READING
الـــــعـار ❤️🔥 (أخذت زوجي )
Short Storyبين عاقبة الخيانة و صدق المحبة يلعب القدر لعبته بين ثلاثة اشخاص ليكونوا ضمن سلسلة العار ❤️🔥 قصة واقعية بقلم لاذع ( سكينة سليماني )