"မင်းကတော့ တကယ်ကို အကြောက်အလန့်မရှိဘူးပဲ။ ကိုယ်မင်းကို အမြင်ကတ်ပုဒ်မနဲ့ မထုတ်ပေးချင်လို့ရတယ်နော်"
"အောင်မာ.. သူကပဲပြောရတယ်ရှိသေး။ အမြင်ကတ်ရဲရင် ကတ်ကြည့်ပေါ့"
နှုတ်ခမ်းတချွန်ချွန်နဲ့ သူ့ကို အားရပါးရရန်တွေ့နေသော ရင်ခွင်ထဲက အကောင်ငယ်လေးအား သူငုံ့ကြည့်နေမိသည်။ သည်ကောင်လေး သူ့ရင်ခွင်ထဲရောက်နေပါတယ်ဆိုတာက သူ့အတွက် အသစ်အဆန်းခံစားချက်ဖြစ်နေဆဲ။ ဘယ်တော့မှလည်း ဟောင်းနွမ်းသွားမည်မဟုတ်တော့။
အိပ်မက်လား လက်တွေ့လား စမ်းတဝါးဝါးနှင့် အချိန်အတိုင်းအတာတစ်ခုကို ဖြတ်ကျော်ပြီးခဲ့ချိန်မှာတော့ Kim Taehyungက သူ့အတွက် လက်တွေ့တရားဖြစ်သည်ကို သူယုံရပါတော့သည်။"စတာပါကွာ။ ကိုယ်ကဖြင့် မင်းကို ဘယ်လောက်ထိတောင် ချစ်လိုက်သလဲ။ မင်းလူသတ်လည်း ကိုယ်က အလောင်းလိုက်ဖျောက်ကူဦးမှာ"
"ဒါတော့ နည်းနည်းများသွားပြီ။ ကျွန်တော်က လူသတ်စရာလား။ အသည်းက နုနုလေးကို"
"ဟားဟား.. ဟုတ်ပါပြီကွာ"
အသည်းယားလွန်းလို့ ထိုကောင်လေးကို ရင်ခွင်ထဲက ဆွဲထုတ်ပြီး နှုတ်ခမ်းပါးလေးအား တတိတိ နမ်းမိတော့သည်။ မထိတထိနှင့် တုံ့ပြန်လာသော သူ့အနမ်းလေးက တကယ့်ကို ချိုချိုမြိန်မြိန်လေးရယ်ပါ။ ချိုလှပါချည်ရဲ့ဆိုတဲ့ သကြားလုံးကို သကာရည်ပြန်လောင်းထားရင်တောင် ဤမျှချိုနိုင်လိမ့်မည်မထင်။
"မင်းကို ချစ်လွန်းလို့ ဘယ်လိုလုပ်ရပါ့။ ကိုယ် ဒီထက်ပိုပြီး လောဘတက်လာရင် ဘယ်လိုလုပ်မလဲ ကိုယ့်အသည်းရယ်"
"တစ်ခါတလေတော့လည်း လောဘတက်ကြည့်လို့ရပါတယ်။ ကျွန်တော် စိတ်မဆိုးပါဘူး"
အသံတိုးလျလျလေးက သူ့သွေးကြောထဲကို စွမ်းအင်အပြည့်ပါဝင်သော ဆေးတစ်ဖုံ ထိုးသွင်းပေးလိုက်သည့်နှယ်။
အင်အားအပြည့်နှင့် လက်တစ်စုံက ပုခုံးသားနှစ်ဖက်ကို တင်းတင်းဆုပ်ကိုင်ထားလျက်ရှိပြီး မျက်ဝန်းများကလည်း မျက်တောင်ခတ်ဖို့ပင် မေ့မေ့လျော့လျော့ရှိနေကြဟန်။
မျက်လုံးချင်းပြောသောစကားများကို နှလုံးသားဖြင့်သာ နားဆင်နိုင်သည်။ ဒီရေအလား တရိပ်ရိပ်မြင့်တက်လာသော အချစ်စိတ်တွေက သံကွန်ချာခုနစ်ထပ်ကာလျှင်တောင် လုံလောက်နိုင်လိမ့်မည်မထင်။
YOU ARE READING
𝒀𝐞𝐬 𝒕𝐨 𝑯𝐞𝐚𝐯𝐞𝐧
FanfictionCold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...
Part 33
Start from the beginning