Contract with the Young Master ( CVS #1 ) Completed ✓

CHAPTER 42

"Itutuloy mo pa o tatanggal na kita ng dila?"

"Ah yeah, whatever! Ang kj naman."

At muling ibinalik ni Tyron ang paningin sa aking cellphone.

Siniko ko si Travis na s'yang katabi ko sa couch.

"Hoy! Anong ibig sabihin ni Tyron doon? Anong wala ka pa ring nadidiligang halaman? Kailangan ba 'yon? Saka anong una si Ianna?"

Hindi n'ya ako sinagot, bagkus ay kinuha ang mga portfolio na nasa ibabaw ng mini table sa harap bago nilagay sa lap ko.

"Anong gagawin ko dito?"

"Kainin mo nang manahimik ka."

"Travis naman eh!"

"Travis naman eh!" He mocked me. "Huwag mo akong ma-Travis Travis naman eh d'yan ah. I-arrange mo 'yan at huwag kang magtanong ng magtanong. And make sure matapos mo 'yan in 30 minutes."

"30 minutes?"

"20 minutes."

"Sabi ko nga 30 minutes!"

Narinig ko ang pagtawa nina Tyron at Sage sa kabilang couch. At nang tingnan ko na silang dalawa, iwas na ang mga tingin at kunwari ay busy sa ginagawa.

Sumimangot ako.

Nakakainis! Pinagkakaisahan nila akong tatlo. Nakakainis!

Kahit napipilitan ay sinunod ko pa rin ang ipinapagawa sa akin. Padabog na sinalansan ko ng nasa tamang ayos ang mga portfolio sa dati nitong kinalalagyan.

"Nililiwas ang usapan, halatang ayaw sa'kin ipaalam," bulong ko habang nakasimangot.

Ganyan ba ang he will make it up to me na pinagsasabi n'ya? Tsk! Galing magsalita, wala namang ginagawa. Pwe! Tapos ano pang sabi no'ng sinalo n'ya ako? Naaalala ko pa 'yon eh! Na hindi n'ya hahayaang mahulog ako at kung mangyari man handa s'yang saluhin ako para sabay kaming mahuhulog?

Pa-fall talaga, amp!

Sana na-aapply din sa real life 'no?

"Gawin mo na 'yan para matapos ka kaagad."

Pasekreto akong umirap.

"Oo na po, Young Master!"

Habang ginagawa ko ang trabaho ko, naglalayag ang utak ko sa kung saan. Inisip kong mabuti kung saan ko nga ba narinig iyong nadiligan ang halaman na phrase, tulad ng sinabi kanina ni Tyron.

Ginalugad ko na lahat ng kabalbalang naririnig ko kay Alexis noon kapag nagchichismisan kami sa trabaho. Hanggang sa...

Tila may umilaw na bombilya sa aking utak dahil naalala ko na kung anong ibig sabihin no'n.

Dati kasi ay may ka-fling si Alexis sa internet. Hindi n'ya alam na babae pala 'yong ka-fling n'ya na akala n'ya ay boylet dahil sa profile pic nito na pogi. Iyon pala cross role player meaning lalaki ang profile pic pero babae ang gumagamit ng account. Sinabihan kasi si Alexis na gusto daw magpadilig ng flower, eh inosente po talaga ako at si Mareng Alexis lang ang nag explain sa'kin ng ibig sabihin niyon.

Umalpas ang pilyong ngisi sa aking labi ng may kalokohang pumasok sa isip ko.

"Ibig bang sabihin..." Inangat ko ang tingin papunta sa lalaking busy sa kanyang laptop. Ngumisi ako ng nakaloloko bago inosenteng nagtanong. "Virgin ka pa Sir Boss? OMO!" Kunwari pa'y nagulat din ako sa aking isiniwalat at naitakip ko ang aking mga palad sa bibig.

Ang galing kong um-acting! Pang amas award na. Char!

"Walang nangyari sa inyong dalawa ni Ianna noong kayo pa? Narinig ko kasi kayo ni Tyron noon na nag-uusap about sa s*x, oh teka, hindi ko sinasadyang marinig ang pinag-uusapan n'yo ah. Tigang ka raw kasi Travis. So, it means, ang tanda mo na pala pero virgin ka pa? Tibay ng junior mo ah, nakaya n'ya 'yon?"