خبر صحفي (قيد التعديل)

الفصل الرابع

البارت الرابع💜✨

"صلت عليك منابرٌ ومآذنٌ
" وخلائقُ الدُنيا وهاماتُ القِمَم.." ﷺ💜✨

******************

لم تصدق ما يحدث وهى تنظر له في صدمة أهذا هو "يونس العمايري" واللعنة كيف له أن يكون المالك الجديد للجريدة بالتأكيد هذه ليست مصادفة وغمزته الوقحة خير دليل على هذا، أخرجها من شرودها هزة كرم لها وهو يخبرها بإنتهاء الاجتماع نهضت معه للخارج وهى مازالت تنظر له ثم ما إن خرجت من غرفة الاجتماعات التفتت إلي كرم وهى تصيح:

"كرم انت سمعت اللى حصل جوا ده انا ....

قاطعها كرم وهو يجذبها بعيدا حتى وصل إلى مكتبهم وأدخلها ثم اغلق الباب ونظر لها:

" زينة اهدى علشان نعرف نتكلم ونشوف هنعمل ايه انا كمان مصدوم زيك ومكنتش متوقع حاجه زى دى بس اهى حصلت ومنعرفش برضو هو ناوى على ايه فانتِ اهدى ومتخافيش من حاجه "

"انا مش خايفه من حاجه يا كرم ... الموضوع وما فيه انى اتفاجأت مش اكتر واكيد دى مش صدفة واحد لسه كاتبه عنه خبر امبارح الاقيه تانى يوم بقا صاحب الجريدة اللى شغاله فيها وبعدين ده بصلي وابتسملي وكمان غمزلي يعني اكيد قاصد"

تقدم كرم منها واجلسها على الكرسي وجلس مقابل لها وأمسك بيدها :

"حبيبتي اهدى خالص ومتفكريش في اي حاجه وايًا كان اللى بيفكر فيه او اللى جاى علشانه هنعرفه مع الأيام، انا جنبك متقلقيش من حاجه تمام؟"

نظرت له زينة ابتسمت له بإمتنان ثم قامت بشد بوجنتيه:

"ربنا ميحرمنيش منك ولا من وجودك جنبي يا احلى كرميلة في الدنيا دى كلها "

زمجر كرم وقام بإبعاد يدها عن وجهه:

"اوعى بس ايدك دى وقولتلك 100 مرة بطلى تقولى كرميلة دى شايفانى عيل صغير قدامك"

ضحكت زينة عليه فهو دائما ما يتذمر حينما تناديه بهذا الاسم:

"قول مهما تقول انت كرميلة وهتفضل كرميلة بالنسبالى"

وفجأة انفتح الباب ودلفت نانسي:

"شوفتو اللى حصل ولا الخيال انا اول مرة اشوف يونس العمايري ومتوقعتش يبقا handsome بالشكل ده لا وكمان هيبقا المدير الجديد بتاعنا ياايي بجد"

نظرت لها زينة باشمئزاز بينما قلب كرم عينيه بملل ووجه حديثه لزينة:

"لو خلصتى انا طالع تعالى اوصلك في طريقي وبالمرة اعدى اشوف بطوط علشان وحشتني"

"اه خلصت هلم حاجتى واجى تكون طلعت العربية من الجراچ"

"اشطا"