ကိုယ့်ကို ဤမျှလောက်ထိ စွဲလမ်းနေပါသော လူတစ်ယောက်အား ငေးမောကြည့်နေမိသည်မှာ အထူးအဆန်းဖြစ်ပါရဲ့လား။ လူဝီဗီးလ်တစ်မြို့လုံးမှာ ဩဇာအရှိဆုံး မြို့မျက်နှာဖုံးရှင်က သူ့အတွက်ပါတဲ့လေ။ သူ့တစ်မျက်နှာတည်းကို ကြည့်ပြီး နှစ်လရှည်ကြာစောင့်နေခဲ့သူအပေါ် သူယခုမှ စိတ်ယိုင်သည်ဆိုတာဟာ အချိန်အားဖြင့် နောက်တောင်ကျနေပါသည်။
တစ်ချိန်တည်းမှာပင် အဖေ့အပေါ်မှာ အားနာစိတ်ဖြစ်သွားသည်။ နောက်ဆုံးတော့ ကိုယ်အဖေ့အတွက် လုပ်ပေးမည်ဟု မျှော်လင့်ထားသမျှ ကိုယ်ပဲအရှုံးပေးလိုက်ရသလို။ သူအနိုင်ပိုင်းနိုင်လိမ့်မည်ဟု တွက်ထားခဲ့တာ။ တကယ်တမ်း ကိုယ်ရှုံးသွားချိန်မှာတောင် ကိုယ်ဟာ ရှုံးရကျိုးနပ်သည်ဟု ထင်နေမိဆဲ။
သည်တစ်ခါတော့ စိတ်သန့်သန့်နဲ့ ရင်ခုန်ချင်လိုက်တာ.. ကောင်းကင်ဘုံပေါ်ကသာ အဖေကြည့်နေလျှင် ကိုယ့်ကို နားလည်ပါ့မည်လား။"ခင်ဗျားက အဲ့လိုကြည့်နေတော့ ကျွန်တော် စာအုပ်တောင် ဖတ်လို့မရတော့ဘူး"
"အရေးမကြီးပါဘူးကွာ။ မင်းက ကျောင်းသားလည်း မဟုတ်တော့တာကို"
အဲ့လို မထီတထီပြောတတ်သည်ကပင် Jeon JungKook၏ ဆွဲဆောင်မှုတစ်မျိုး ဖြစ်ဟန်တူပါသည်။ ယခင်ကတော့ ဒါကို အမြင်မကြည်စရာ တဇွတ်ထိုးအကျင့်ဟု တရားသေ မှတ်ထားရင်းက သူ့အတွေးအမြင်ဟာလည်း ပြောင်းလဲလာခဲ့သည်။
ဆေးမိသူတစ်ယောက်လို လွယ်လွယ်ကူကူပြောင်းလဲတာများ ဖြစ်နေမလား။ သိပ်လွယ်လွန်းတယ်ဆိုပြီး Jeon JungKook အထင်သေးသွားရင် ရှက်စရာဖြစ်နေဦးမှာ။"ဘာတွေ အဲ့လောက်စဥ်းစားနေတာလဲ အသည်းရဲ့"
"ကျွန်တော်ရုတ်တရက်ပြောင်းလဲသွားတာကို ခင်ဗျား အံ့ဩမနေဘူးလား"
သိချင်လွန်းလို့ ဟန်တောင်မဆောင်နိုင်ဘဲ မေးလိုက်တော့သည်။ သူ့ပြောင်းလဲမှုတွေအပေါ် Jeon JungKookက အလိုက်တသိဖြစ်လွန်းနေတော့ နားလည်ရခက်လွန်းပါသည်။
လူသတ်လက်နက်တွေကို နေ့စဥ်နဲ့အမျှ ထုတ်လုပ်နေသူက သူ့အတွက် သူတော်စင်တစ်ယောက်လို သဘောကောင်းနေတာ မထူးဆန်းလွန်းဘူးလား။
YOU ARE READING
𝒀𝐞𝐬 𝒕𝐨 𝑯𝐞𝐚𝐯𝐞𝐧
FanfictionCold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...
Part 30
Start from the beginning