𝒀𝐞𝐬 𝒕𝐨 𝑯𝐞𝐚𝐯𝐞𝐧

YOU ARE READING

Fanfiction

Cold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...

#1970s #angst #coldwar #drama #jungkook #kookv #onesidedlove #sacrifice #taehyung #taekook

Part 21

Start from the beginning

by AureumV

"ကျွန်တော်တို့ အိမ်ငှားကြမလားဟင်"

"ဟင်.. Anton ဘာပြောတာလဲ"

"ဪ.. လူဝီဗီးလ်မှာပဲ အိမ်သပ်သပ်ငှားနေကြမလားလို့လေ။ အမှန်အတိုင်းပြောရရင် ခင်ဗျားနဲ့ သူဌေးမင်းအတူရှိနေသ၍ ကျွန်တော်ကြောက်နေရမှာ"

Taehyung အားနာပေမဲ့ ချက်ချင်းအဖြေမပေးနိုင်။ သည်အိမ်ကြီးထဲကနေ အကြိမ်ကြိမ်ထွက်ပြေးဖူးပါလျက် အခုလိုအပြီးတိုင်ထွက်သွားဖို့ရာကျ သူနောက်တွန့်နေမိသည်။ ချစ်သည်ဖြစ်စေ မုန်းသည်ဖြစ်စေ သည်အိမ်ကြီးထဲ သူကြီးပြင်းခဲ့ရသည်။ သည်စံအိမ်ထဲက လေကို ရှူရှိုက်ခဲ့ရသည်။
အမှတ်တရတွေက မလှသော်ငြား ဖျောက်ဖျက်လို့မရ။

အထူးသဖြင့် Jeon JungKook. သူ့ကို ကိုယ်ထားခဲ့နိုင်ပါ့မလား။ ကိုယ်ဘယ်နေရာရောက်ရောက် ညတွင်းချင်းလိုက်ရှာတတ်သူ၊ ကိုယ့်ကြောင့် ညမအိပ်ဘဲ နေနိုင်သူ။
ကိုယ့်ကို အလိုအပ်ဆုံးသူ။

မနေ့ကတင် ဆရာ၀န်ပြောတာတွေလည်း ကိုယ်ကြားခဲ့သား။ Jeon JungKookနှုတ်ဖျားက ဝန်ခံပြောဆိုခြင်း မရှိသည့်တိုင် ကိုယ့်ကိုလိုအပ်နေကြောင်း ကိုယ်သိလို့နေသည်။
ယတိပြတ်ထားသွားဖို့ရာ လွယ်ကူမနေပါ။ ချစ်ခြင်းမှာမှ သံယောဇဥ်ရှိတာမဟုတ် အမုန်းတရားမှာလည်း သံယောဇဥ်ရှိနိုင်ပါသည်။ အမုန်းတရားကတစ်ဆင့် စွဲလမ်းတတ်ပြီး မုန်းလျက်နှင့်ပင် ထိုလူကို တမ်းတနိုင်ပြန်ပါသည်။

"အဲ့လိုလုပ်လို့မရဘူးလားဟင်"

Antonက ညုတုတုအသံနဲ့ ပြောလာတော့ Taehyung အံ့ဩလို့သွားသည်။ ဒါက သူ့ပုံစံသူ့အကြိုက်ဟုတ်မနေပါ။

သည်အချိန်မှာ သူ့စိတ်အာရုံက ထွေပြားလျက်ရှိပြီး လူနာဖြစ်နေသူ Antonကိုပင် အကောင်းမြင်နိုင်ဖို့ ခဲယဥ်းပါ၏။

"ကိုယ်မင်းကိုနားလည်ပါတယ်။ အခုတော့ ကိုယ့်မှာ အိမ်ငှားဖို့စရန်ငွေတောင် မပေးနိုင်သေးဘူး"

"မဟုတ်ဘူးလေ။ ငွေက အရေးမကြီးပါဘူး။ ကျွန်တော့်မှာ အတော်အသင့်ရှိပြီးသားပါ။ အဓိကက Taehyung သူဌေးမင်းအနားက ထွက်လာဖို့ပဲ"