𝒀𝐞𝐬 𝒕𝐨 𝑯𝐞𝐚𝐯𝐞𝐧

YOU ARE READING

Fanfiction

Cold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...

#1970s #angst #coldwar #drama #jungkook #kookv #onesidedlove #sacrifice #taehyung #taekook

Part 19

Start from the beginning

by AureumV

Audie၏ မျက်ဆန်နက်နက်က ဘယ်ညာမြန်မြန် ရွှေ့လျားသွားသည်။ အမူအရာကို မသိမသာ ခပ်လျင်လျင် ပြန်ထိန်းလိုက်တော့ Taehyung မရိပ်မိတော့။

"မဖြစ်လို့ပါ။ သိတဲ့အတိုင်း သူဌေးမင်းက ကျွန်တော်တို့ကို အသက်.."

"ကဲ..ကဲ ငါလိုက်ခဲ့မယ် ဟုတ်ပြီလား"

Anton သတိရလာသည်အထိ သူစောင့်နေလိုက်ဖို့ ကောင်းသည်။ သို့သော် စောင့်နေရမည့်အစား ဆေးရုံက သူနာပြုလေးကို အိမ်ကြိုးဖုန်းနံပါတ်သာ ပေးထားခဲ့လိုက်တော့သည်။
ဘယ်ဖုန်းလာလာ သူကိုင်လေ့မရှိသော်လည်း အခုတော့ ဖုန်းခေါ်သံကို စောင့်ရပြန်ဦးမည်။ သည်အသေးအဖွဲ့လေးတွေကအစ တာ၀န်ကြီးလိုက်တာ..။

"သခင်လေး လမ်းမှာဝင်စရာတော့ မရှိပါဘူးနော်"

"အိမ်ကိုသာ မောင်းစမ်းပါ။ အိမ်ပြန်မရောက်ခင်လည်း ဆေးရုံက ဖုန်းဆက်ထားပါဦးမယ်"

"ဟုတ်ကဲ့"

တကယ်တော့ Audieလည်း ဘယ်ကိုမှ ဝင်စရာမရှိဖို့ပဲ မျှော်လင့်နေခဲ့တာ။
အမိန့်ကို ဆန့်ကျင်ပြီးတော့ပဲဖြစ်ဖြစ် သူဌေးမင်းခံစားနေရတာတွေကို သခင်လေးသိဖို့ ပြပေးချင်တာ သူ့ဆန္ဒ။ နည်းနည်းလေးပဲဖြစ်ဖြစ် သူဌေးမင်းကို မြင်ပေးရင် ဘယ်လောက်ကောင်းလိမ့်မလဲ။
နည်းနည်းလောက်ဆိုလျှင်တောင် သည်လက်ထပ်ပွဲကို တားပစ်နိုင်လောက်သည်။

သခင်လေးက နှလုံးသားတံခါးကို အတင်းစေ့ထားရသူပါ။ ဘေးကကြည့်နေသူတိုင်း မြင်နိုင်ပါသည်။ တံခါးချက်လေး ဖွင့်လိုက်ရုံနဲ့ သူဌေးမင်းကို အပြည့်အဝမြင်နိုင်မည့်အရေး သူဘာလို့ မကူညီနိုင်ရမှာတဲ့လဲ။
____

Taehyung အိမ်ရှေ့ကို ရောက်ချိန်မှာ ကားတစ်စီးထိုးရပ်ထားတာတွေ့သည်။ နက်ပြာရောင် ဂျစ်ကားလေးဖြစ်ပြီး ထိုကားကို တစ်နေရာရာမှာ ရင်းရင်းနှီးနှီးမြင်ဖူးနေသည်ဟု Taehyung ခံစားမိသည်။
ဘယ်သူ့ကားလဲဆိုတာ သူစဥ်းစားမရ။

"ဪ.. ဒေါက်တာရောက်နေတာပဲ"

Audieပြောလာမှ သူတွေးရတော့သည်။ Jeonစံအိမ်၏ မိသားစုဆရာ၀န်စီးနေကျ ကားဖြစ်ကြောင်း သူမေ့နေခဲ့တာ။