عشگ الاربعين (هديه فصل)

البارت التاسع والثلاثون

وليش اعذرك
وانت كحلت السمه بتعبي وسماري
ولاتعب وياي صبرك
وذاك چفك
عاند الحنه الغريبه وگتلي من چفك حلال
ونزلت دموعك تطفي شموع حلمك
من گلتلك ؟
ياثمرتي : ضوگ غيري من السلال ؟
***********************************
همام : بعد ماشفتها بالخطوبه حيل ضجت وردت اطلعها من راسي وحاولت بس ماكدرت اطلعها ومادري شلون راح اخلص من الموضوع بعد مارجعت من خطوبتهم التحقت بدوامي وهمين مابالي غير الاسمها ملك يعني ادري شبيك تخبلت انته بس فهمني رجال شكبرك وشكدك تدوخك زعطوطه صفنت وكلت بس هيه شلون زعطوطه اويلي يابه لو مرتي ماطلعها من باب البيت بصفنتي واجه المنتسب كلي القائد يريدني رحت وكتله نعم سيدي
القائد : حضره الرائد همام جهز نفسك عدنه هجوم على مكان بمدينه ال * والمطلوب طلع شكو تصوير خاص بهاي المنطقه واهم شي الكاميرات الي تصير قريبه على المدارس الي موجوده بهاي المنطقه
همام : حاضر سيدي عفته ومشيت بعد ما اخذت تفاصيل هاي المنطقه بس مادري وين سامع اسمها المهم رحت قريت ملف القضيه كله الحد العصر خليت ورجعت وباجر عندي روحه هناك ولازم افتر على المدارس شكد اضوج من هيج شي يعني وقت المتحرشين خلص اليوم كعدت ثاني يوم من الصبح بدلت ولبست عسكري هالمرا خليت ورحت وصلت لهاي المنطقه بديت اشتغل ل12 الضهر اخير شي وصلت يم بيت كبال مدرسه اعداديه بنات ضليت اباوع عليه شويه وسمعت هوسه البنات الي جاي تطلع والي يباوعن ولا يستحن مالفت انتباهي غير هايه اي هيه بس شسوي هنا همام شبيك اكيد مدرستها وهيه تمشي وملابس الدوام الي لايكه عليها احترك ابوج عايفج تمشين وحدج بهالمكان ضليت اباوع عليها لحد ما راحت بالسياره مالتها ضليت بهاي القضيه ايام وانه اريد بس اللفت انتباهه وهيه يوم عن يوم تصير احلا بعيني ويوم عن يوم اريد اوصل الها واخلي ايدي عليها  وبيوم ضلت واكفه بالشارع وانه اباوع عليها السياره مااجت ضلت تمشي وهيه تتذمر شفت واحد مشى وراها هنا دمي حترك رحت وراهم امشي سريع كلش لحد ماشفته كاضها يجرجر بيها وهيه تصيح وتبجي والدربونه ماجان بيها احد صحت بيه اوكف لك رحت ركضت عليه وزركته بوكسي مرتب على وجهه شبعته دك اخير شي كسرت ايده كتله حتى مرا ثانيه تحرم تمشي ورا بنات العالم سافل منحط ضل يبجي مثل النسوان سويت نداء على جماعتي واجو اخذو للمركز صحت عليه الا اخيسكً بالحبوس باوعت عليها وهيه عيونها تدمع كتله خلاص ماصار شي ماشوف غير حضنتني وكالت
ملك : خلي احجيلكم عني شويه صحيح بالاخير طلعت ههه بس ميخالف دوري هسه بده وقصتي بدت بيوم الي نخطفت رزق من عرس سمر من يوم شافني الاستاذ همام حضرته انه ملك عمري 16 سنه دخلت 17 صف خامس علمي جنت حيل شاطره واحب الدراسه ملامحي جانت تختلف عن ملامح خواتي يكولولي انتي احلا رغم احس روحي اشبه رزق بس عيوني ملونه المهم شعري اصفر وطويل لركبتي وسرح حيل موكلش طويله وضعيفه يعني تكدرون تكولون ناعمه اول مرا شفت بيها همام جانت بيت الشيخ يوم مارجعت رزق انتبهت عليه صافن عليه بوقتها كلت ثول حتى ثول شبيه هذا عوزي بس هذا طبعا جنت متعلمه على النضرات والمغازل بس ماجنت ادير اهميه حتى بالمدرسه هواي خطبوني ورفضت هالشي واذا حلوه يعني اروح اتزوج المهم مشه هذا اليوم ثاني يوم رحت للمدرسه وتبعني هذا المتحرش جنت اريد اشتري من المحل قبل لا اصعد خط طبعا ابوي حيل يخاف عليه بحيث ماجرلي خط ويوم الي مايجي اهلي يودوني يعني كلش متحرصين عليه مرات احس روحي بسجن شخصيتي هادئه بس حيل جريئه المهم تعدت الايام وحددو خطوبه محمد وجان احلا يوم بالنسبه الي اخوي وحبيبي يتزوج رحت للصالون ولبست احلا شي عندي ماجنت ادري ليش اتصرف هيج المهم رحت وشفته بس رزلني ورديت عليه كتله انت شعليك انه من النوع الي ماملتزمه هالكد بالحجاب يعني لبسته اجباري ههه المهم خلصت الخطوبه وبقى بالي الي سواه مشت الايام وروتين مابيه شي جديد بس الي لفت انتباهي بيوم طالعه وصار بوجهي حسيته صفن عليه انه سويت روحي ماشوفه ابد بس مادري ليش ابتسم كمت يوميه اشوفه تعودت عليه وبيوم ماجاني السايق طلعت امشي وماشوف غير واحد جرني من ايدي كتله انت شتريد مني عوفني
دريد : لج احبج اريدج الي الله يخليج انطيني فرصه
ملك : راد يتقرب عليه كمت اصيح وادفع بيه محد طلع من البيوت مادري شبيهم
دريد : لج ماكدر بعد تعاي وياي
ملك : بقيت ابجي ضليت اجرجر بيدي من عنده بثانيه ماحسيت غير الساقط هذا بالكاع وهمام يضرب بيه كل قوته ويغلط عليه اخير شي خابر دوريته واجو اخذو للمركز انه مادري اجاني شعور احضنه لان لو موهوه مادري شنو راح يصير بيه حضنته حيل وكتله شكرا عمو
همام : عمو دفعتها كتلها شنو عمو هاز كاروكج طيح الله حضج
ملك : وشبيك ماتحجي عدل ها
همام : شلون تريد افلش وجهه هسه
ملك : انت شبيك يعني فوك ماشكرك موصوجك
همام : لج وجع تكليلي عمو شنو شفتيني جهالي وراي
ملك : هسه انت شغثك يعني غير بكد ابوي
همام : باعي امشيً من وجهي احسن الج يلا ولي
ملك : خليت ورحت وانه ميته ضحك عليه بحيث نسيت الي صار بيه كله ههه رجعت البيت وانه ميته ضحك والله العضيم يعني كارثه
بيارق : شبيج مبتسمه
ملك : مابيه شي بس اليوم زينه بالدراسه
بيارق : دوم انشالله
ملك : جنت متعمده اكله عمو ردت اشوف رده فعله  وصدك جابت نتيجه ههههه بقيت طول اليوم هيج ورحت ثاني يوم للمدرسه على امل اشوفه وماشفته صارت بيه حوسه اريد اعرف ليش مااجه اليوم معقوله جان عنده شغل وخلص يعني ماجان يجي على مودي اف بقيت هيج يوميه تقريبا 19 يوم مرن بالليل ندك الباب فتحته وجان اشوف رزق واكفه ودموعها على خدها وايها علي وهمام بقيت صافنه بوجهم اريد اعرف شنو السبب خلو وراحو وعيني بقت وراهم دخلت جوه وهيه بس تبجي ماعرف شنو السبب وامي مالحت عليها بقت هيح يومين الى  ان بيوم طالعه من المدرسه وجان اشوف ....
همام : والله يالله تكلي عمو وانه افكاري بعيده كلش خرب حضي هوه هم حظ عندي انه لا حول الله خلص شغلي هناك وبقيت ماروح بس بين يوم ويوم رجليه تاخذني هناك اشوفها من بعيد اشوفها تتلفت بس جنت رافض هالشي لان يجوز موعليه فطلعت الفكره من راسي تعدن 17 يوم ضبط وحاله عمي مو تمام يوميه اروح للديوان واشوفه وادري بسبب سحر من رجعه سوه فجوه جبيره بينه وبين مرته حاجيته ورد عليه وسئلته على حسن كال نايم وعريس خله وراح يبدل شويه واجاني حسن سلم عليه بقينه نحجي مانشوف غير عمي اجه وكعد كبالنه وبده يحجي وياهم وانه وحسن نكرك بده بالسلام وكلي
حسن : هله والله
همام : شلونك حسن بعد وكت هسه كاعد وبعدين اكلك عمي حيل ماعاجبني. وضعه
حسن : وانت شعليك عريس وكيفي وبعدين ياهمام ولا انه عاجبني ولا علي ولا عمي صلاح يعني حتى من يحجي وي الناس مو بوعيه والمصيبه سبوع الجاي يلتحق للموصل
همام : اذا يبقى هيج نحاول ندز احد مكانه جاي نحجي وسمعنه صوت عمتي تصيح شيخ الحك رزق راح تموت مانشوف غير عمي طفر واحنه ورا دخل شويه وطلع وجان شايل الشيخه ويركض بيها للسياره واحنه ورا
وصلنه للمستشفى وكناله خير عمي رزق شبيها رد علينه وكال
علاء : كاعد وي الناس مبارك وحجي للضهر ماسمع غير صوت صريخ سماح وهيه تكول الحك شيخ رزق راح تموت دخلت اركض للبيت وعفت كلشي وراي صعدت للحمام الفوك دخلت وجان اشوف رزق مدده والدم ماخذها والمصيبه مادري منين تنزف وفاقده الوعي كلش اخذتها وطرت بيها للمستشفى وصلت هناك واخذوها من عندي وانه نار بصدري شاعله بقيت اتحرك درت وجهي وشفت الكل وراي ويسالون كتلهم مادري طايحه وتنزف بقو كلهم يحجون وياي ويصبرون عليه شويه وطلعت الدكتوره وهيه تكول
الدكتوره : الطيحه الي طايحتها حيل قويه سببت الها نزيف وللاسف خسرنه الطفل الله يعوضكم انشالله وراسها هم بيه جرح خيطنا الها
علاء : مثل الواحد وركعني على راسي حامل وماتكولً الي حامل وماتفرحني وانه جنت اتمنى بداخلي يربطني بيها طفل اخر يارزق
همام : الله يعوضك عمي
حسن : ميخالف بويه قضاء وقدر
علي : لاتضوج نفسك بعده العمر كبالكم وهيه شابه
علاء : كل حجيهم جنت ارد عليه باي تسلمون ماجنت وياهم وراها بساعتين طلعتها الدكتوره ورفضت انه اسندها صاحت الحسن وهيه تكله حسن انت اسندني احس نار وصعدت على راسي بس سكتت خلينه ورجعنه هيه تعتبر حسن وعلي مثل اخوانها بس تعالو اقنعو كلبي بهالحجي تعالو كلوله لا تغار وصلنه البيت وهيه اخذتها هجن وصعدتها بس الغريب دمعه ماطيحت رغم تدري سقطت وطاح الطفل خليت وطلعت برا للديوان طول اليوم وانه كاعد على اعصابي اخير شي كتلهم استاذن منكم ودخلت جوه تلكتني سحر
سحر : الله يساعدك شيخ
علاء : هلا
سحر : عندي وياك موضوع
علاء : بعدين
سحر : موضوع ضروري كلش
علاء : شتردين
سحر : تعال وياي بس وانت تعرف كلشيً
علاء : دخلت للغرفه بعد ما منعتني اروح لرزق كتلها يلا احجي بدت تحجي الموضوع وانه عقلي احسه وكف عن التفكير بقيت ما ارد عليه بس احس نار وشتعلت بصدري ماحسيت غير انه طالع من الغرفه وفاتح باب غرفتها لكيت هجن عطت بيها كتلها طلعي برا وسدي الباب بدون نقاش سدت الباب وانه قفلته كتلها ليش سويتي هيج ليش شنو السبب شنو سويتلج كتلج خليني افتهمج مافهمتي وانه اكول ليش مابجيتي ليش ماطيحتي دمعه وحده ثاري انتي الي رايده هذا الشي وانتي سويتي احجي ودمي محترك وهيه ولا تحرك شعره اكتفت انو جاوبني بجمله وحده وهيه
رزق : بقيت كاعده الصبح على الجربايه واحس عيوني ميبسه تيبس ماحس بشي غير الم بكلبي ماكلني كمت وانه دايخه كوه امشي دخلت للحمام مكطوع الماي اهو هسه وكتك بقيت كاعده بمكاني مالي خلك اطلع وانه شعري مكفش بقيت للضهر طلعت اخير شي اغسل لان لعبانه روحي كلش شويه واتقيء دخلت للحمام بالبدايه مانتبهت بسً شويه لكيت الكاع تزلك كلت هسه اغسلها خاف طايح شامبو شي جاي اغسلها وماشوف غير زلكت بقوه ماسيطرت نركع راسي بالحايط صراحه مافكرت براسي فكرت بالي بطني صرخت كل قوتي وراها ماحسيت بشي غير وانه افتح عيوني بثكل بالمستشفى والدكتوره فوك راسي بلغتني بالي صار احس سجينه ونزرعت بكلبي يعني حتى الشي الوحيد الي يربطنه راح خلاص اخ يا علاء كلشي بينه مسدود بقيت ابجي والدكتوره حجت عليه ميخالف ماما وبعدج شابه لا يشوفج رجلج حيل متاثر لا يطيح عليهه بقيت هيج لمن خلص المغذي وطلعت اجه عليه راد يسندني كلته حسن تعال اسندني
حسن : صار شيخه
رزق : بكلبي ضحكت يا شيخه يا بطيخ بقيت امشي وانه ساكته طبعا دمعه وحده ماطيحت حبيت ابين اله ما مهتمه وما ضايجه بس بداخلي متحطمه صعبه اليوم ام تخسر ابن حتى وان كان بعده بطنها كلش صعبه وصلنه البيت واجتني هجن اخذتني فوك اول مادخلت حضنتها وضليت ابجي كل قوتي احس كلبي راح يوكفً
هجن : عمري الله يعضوكم لا تبجين وانتي مريضه
رزق : لج حتى هذا الرابط راح وهسه جايين تكولولي ابقي وياه انسي الي يصير ليش هجن ليش شنو ذنبي انه ليش
هجن : ميخالف عمري اهدي وسمي بالرحمن
رزق : بقيت ابجي لحد ما نشف دمعي ابجي على حالتي وعلى ابني لو على بيتي الي خرب وبعد مايتصلح لليل ماشوف غير الباب نفتح كل قوته ودخل الشيخ بده يحجي ويحجي اختصرتها بجمله وحده كتله اي سويت هيج حتى اخلص منك ماريدك ولا اريد اشوف وجهك
علاء : حجت هيج نسيت الي هيه بيه ونسيت هيه مريضه جريتها من شعرها وضربتها ليش يا حيوانه يا ساقطه تضحين بابنج على مود ماترديني شنو من ام انتي شنو من كلب شايلته
رزق : ضربني وانه اكله اي ماريدك شنو كوه همزين طاح ولا يجي للدنيا ويشوف امه شلون عايشه
علاء : ماتحملت نزلت عليه ضرب وسب والباب فلشو حسن وعلي كسرو الباب ودخلت هجن تركض حضنتها والولد وخروني حتى همام همين واكف ويجرجر بيه كتله اطلع برا ماشوفون مالابسه حجاب وخرو عنها اطلعو
رزق : ضليت اصرخ طلكني ماريدك اكرهك وصدكني راح يجي يوم وتتندم على الي سويته بيه وماراح اسامحك لو تبوس الكاع طلكني يا شيخ يا عادل يا مثقف طلكني ماريدك
علاء : عصبتني اكثر وانه منا محترك دمي كتلها ماطول هيج سويتي وماترديني روحي وانتي طالك وجهج ماريد اشوفه طول عمري علييييييي تاخذها وتشمرها عند اهلها وماريد اي كلام زايد رحت لغرفتي وانه فاير احس الدنيا كلها صارت بكد زرف الابره نار ومشتعله بداخلي بديت اكسر واسب
سحر : ميخالف شيخ الله يعوضك عوفها تولي هيه الخسرت مكانها
علاء : هيه تحجي وانه مالي خلكها بقيت ساكت عنها لان اذا اضربها تموت بيدي مو بالسرطان ضليت احوم احوم منا ومنا اخير شي صار هدوء لليل طلعت رحت يم باب غرفتها وانه بعدني مامستوعب الي صار يعني معقوله انه طلكتها خلاص بعد ماشوفها اخ يا عصبيتك يا شيخ بس الي سوته مو شويه ابني هذا ابني خسرته وهيه الي جانت قاصده هذا الشي دخلت للغرفه ماموجوده بس البيبان مفتحه ملابسها كلهن ماهنه كعدت على الجربايه شفت حجاب الها جريته وشميته كلت بداخلي خلاص يا رزق انتي رحتي من حياتي وبعد مالج اي وجود نمت وانه بمكاني كعدت ثاني يوم الصبح نزلت وكلشي عادي بس احس برود بداخلي احس كلبي حيل بارد بحيث مادير الاي واحد كلمه تعدت الايام وانه على هذا الوضع كبل قصرت مده التحاقي ورحت للموصل وبديت اذب روحي وين ماخطر في سبيل انسه وعلى اي هجوم اروح كلت بلكي اموت واخلص يا جماعه الحب شي كلش جبير بحيث ياكل بالكلب اكل وتحس انو انت بدون حبيبك ماتسوى شي تحس روحك ضايع انه وي ام علي ماحسيت هالاحساس بس وي رزق جان كلشي غير يعني صدك ادركت انو هذا الحب الحقيقي والصادق الي ممكن نكمل بيه طول عمرنه وبيوم جنت بواجب واكيد عدنه التحاق وهواي خسرنه جنود وجنت اخلي روحي بنص الموت وما يجيني يمكن اكول بعده يومي ماجاي او اكو حكمه من الي جاي يصير رجعت بوقتها ساعه 10 الصبح المقر اريد انام خليت راسي على المخده ماشوف غير اجاني اتصال من حسن رفعت خط كبل كلي ........