عشگ الاربعين (هديه فصل)

البارت الواحد والثلاثون

وبديت اتنفسك غربه
الم بالروح متكتر
ذكرياتك والقصص والامك 
مايكدر بشر ينسى ويعبرهن
ذكرياتك باقيه بهالروح
ماظن الوقت يكدر يطلعهن

شخابيط قلم ....

**********************************
سمر : ماجاي استوعب لحد هسه انه صرت مرت هذا الوحش صار العقد وتدرون شنو صار خلو وراحو من طلعو ياله حسيت بروحي مرتاحه نفسيا اف هذا شلون راح اعيش ويا بس فهموني شلون وراها بيوم وصلنه خبر  وفاه هند خطيه حيل نقهرت عليها بعدها شابه وبنتها هم راحت وياها مابقى بس الولد الله يرحمهم رحنه للفاتحه وعزيناهم وهم شفت صلاح عود خطيبي بقى يخزر بيه كبر شبيه هذا
صلاح : انت شلون جايه هيج وليش ماعندي علم
سمر : وانت شكو
صلاح : هسه تريد اكسر راسها وافلش سنونها لج احجي عدل لا اطيح حضج
سمر : اهو صلاح شبيك متكلي
صلاح : وجع حتى وجع شهاللبس
سمر : ترا لابسه اسود شبيك
صلاح: اسود وهيج متفننه بيه لوجايه بالوان احسن امشي دخلي جوه واذا شفتج واصله لباب المطبخ افلش راسج
سمر : دخل وانه ادردم عليه وجع حتى وجع بس يفلش روس انه المفروض اكسر كلمه ابوي وانزل راسه ولا اخذ الغبي هذا صارت بوجهي سماح تقربت عليها وبستها وكتلها البقيه بحياتكم
سماح : حياتج الباقيه حبيبتي تفضل
سمر: دخلت وسلمت على عمتي ومادري ليش احسها ماهاويتني احسها عبالك وجبوره عليه اصير مرت ابنها والله ياريت يعتقني اخلص منه المكروه هذا عابتله الخايس خليت ورحت سلمت على هجن ورزق واحسهن مو على بعضهن خصوصا هجن رجعت يم امي خلصنه وعزينه وطلعنه برا وهم شافني تقرب سلم على امي وباس راسها بكلبي كلت اي كلش حنين ومودب وانت اكبر ساقط وسرسري تقرب من يمي وكال
صلاح : طلعت بنت الكلب بس مادري ليش من اشوفها اتخربط وكلشي بداخلي يتخربط تالي عمري احب زعطوطه والله خوش عليك يا صلاح بقيت صافن بيها تقربت عليهم وسلمت دنيت عليها وكتلها ممنوع بعد تجين للعزا واذا اجيتي ثقي اكسر رجليج
سمر : شسالفتك وي التكسير حضرتك كاعد بس تهدد
صلاح : هسه انه حجيت خلي اشوفج معتبه هنا وشوفي
سمر: ديلا خوش
صلاح : هسه اطيح حظج باعي يومين واجيج خوش
سمر : وانه ماريد اشوف وجهك طبعا نحجي بهمس اني واكفه تسولف وي رزق وسماح هم
صلاح: لسانج سمر لاتخليني اطلعلج وجهي الثاني
سمر : تصدك خفت صك من بين سنونه وكال
صلاح : سمر خليني محترمج
سمر : سكتت بعد ماحجيت رجعت للبيت وخواني هم مشى اليوم عادي ثاني يوم هم راحو بس هالمرا مارحت مالي خلك خباله يطلعهن عليه موخوف بس ماحب المشاكل بقيت بمكاني كاعده
محمد : شبيج وجه البومه
ساجد : عيفها هاي مخبله
محمد : ماترحين ويانه العزا
سمر : لا
ساجد. : وليش بله ماترحين
سمر: صلاح مايقبل
محمد : عشتو وصايره سمعين الكلام
سمر : مالي خلك مشاكل ويكعد يصيح ويلا فارجو
ساجد : بومه
سمر : نجعم (سد حلكك )
ساجد : مواجيج
محمد : دعوفها شبيك لطشت عليها خليها ام صلاح
سمر : نوب جديده هاي ام صلاح
مي : ها حبي ليش مارحتي
سمر : مابيه حيل وانتي
مي : جاي شوفيني بطني كبرت ومابيه اتحرك
سماء : سلام عليكم
سمر و مي : عليكم السلام
سماء : شلونج سمر شخبارج
سمر : زينه شبيج تسلمين ترا بنفس البيت مكابلين وجوه بعض
سماء : يانفس البيت عيني هوه انتي من نخطبتي للشيخ صلاح محد شافج بعد
سمر : عشتو منين اجاله شيخ
سماء : يا غير بنات عمي وبنات خالاتي ولمعازيم الباقيه كتلن روحهن عليه ويكولون هنيال سمر وين طاحت بيه وكلها تصيح لو ماخذني انه شنو هاي ماخذها
سمر : احس بداخلي ضجت حيل ونفعلت بس كتلها هسه من حلو شوفته خل ياخذنه ويخلصني منه
مي : شلج بهالحجي سماء
سماء : والله ماجذبت جاي اكلها حتى تنتبه الرجال مابيه شي
مريم : سلام يارجال هذا ولج
سمر : تعاي شوفي مرت اخوي تعاي
سماء : انتي شاهده مريم تذكرين حجي البنات بيوم خطوبه سميره
مريم : اي صح والله جنت واكفه وهنه اكلنه بعيونهن حتى عمتي بوقتها سمعتهن وطيحت حضهن
سمر : احس نار صارت براسي من ورا حجيهن كتلهن كايمه انام رحت للغرفه وضليت احوس منا ومنا طلعت تلفوني وخابرت عليه اي اتعارك ويا دكيت رد عليه
صلاح : يازين هالصوت بس
سمر : اكول بله اسكت ليش ماخليتني اجي وي اهلي
صلاح : لان اريدج تبقين بيت اهلج
سمر : كول ليش ها بعدين شعليك بيه انته
صلاح : لج سمر والله اجي اشك حلكج لاتخليني ابدي بيج ادبسز احاول اتعامل وياج بطيب بس انتي حيوانه
سمر : لاتغلط فتهمت وبس يجون باجر اجي وياهم اريد اشوف شسوي بله
صلاح : انتي بس فكري بالموضوع وشوفي اذا مانتف شعراتج واكسر رجليج ماطلع ابن ابوي سديته بوجهه وانه افور الغبيه تالي عمري يجون يخطبون خطيبتي مني الثوله يصير خير هسه هيه بيت اهلها ماكدر احجي وياها خل تصير يمي وشوف رجعت اتصلت بيه رديت كتلج عديها على خير ترا هسه اركب واجيج
سمر : ليش ماتخليني اجي ليش تعاملني هيج اذا تكرهني ليش تزرجتني بعدين بدال ماملتهي بيه روح شوف صاحباتك
صلاح : لا حول الله الضاهر ماتجين بالاغاتي بعد باجر يمكم وانه اعلمج
سمر: سد الخط بوجهي يوو هسه انه شبيه ضليت اتعارك ويا صدك جذب كعدت على الفراش وانه احس بحركه بنص كلبي ضليت افرك المكان بلكي ارتاح شويه بس ماكو خليت راسي ونمت الجو حار يشوي ماعبالك شهر 10 راح يجي يا بويه شعلت السبلت ونمت تعدت يومين كعدت الصبح لكيت رساله من صلاح مكتوب بيها حضري روحج انه بالطريق فزيت بسرعه من النوم بوجهي الحمام سبحت وغسلت وفرشت اسناني ورجعت الغرفه بدلت ونشفت شعري وخليت شوي مرطب لحلكي وكحله بسيطه ضفرت شعري صفح ولبست بدي احمر ويا بجامه نيلي جان مال بيت سمعت الجرس اندكت محد بالبيت كلها بالشغل وامي بالسوك هيج وقت كمت طلعت بالطارمه فتحت الباب هالاشياء السويتهن كلهن مادري شنو سببهن بس الي اعرفه واريد يشوفني بحاله مولطيفه صحت منوووووو
صلاح : فتحي الباب صوتج شعلوه
سمر : فتحت الباب كتله شبيك شبيك بس تصيح
صلاح : فتحت الباب بس طالعه موبنيه ملاك خرب يومها كتلها شهاللبس هذا
سمر : والله اعذرني هسه نن دكيت الباب يلا عرفت بيك جاي لو جان عندي خبر جان لبست الك جفن
صلاح : ضحكت عليها وانه ادري شاهدت الرساله وقبل لا اجي بنص ساعه كتلها لا مرتي حبيبتي كلشي ولا جفن عمرج طويل
سمر : شعليك بيه انه اريد اخلص منك بعدين شلون تجي بدون علم اهلي
صلاح : مو انه اعرم مثلج خابرت ابوج واخوج الجبير وكالي البيت بيتك لاتخافين اعرف الاصول
سمر : ها وشتريد هسه
صلاح : كتلها تبطلين من لسانج لو افلش وجهج
سمر : شجايك وي التفليش شنو جنت عماله قبل
صلاح : وبعدين وياج انه جاي اكلج انو بعد يومين نروح نعقد محكمه لان بس تخلص الاربعين نتزوج
سمر : وليش مستعجل خلي دور السنه
صلاح : دور السنه شلون تريد اكسر سنونها هسه
سمر : اوي صلاح شتريد هسه
صلاح : خرب احس الجنانوه كلها تتطافر بعقلي وهيه شلون حلوه نوب كصيره وهالشي ضايفلها جمال كتلها حتى اضوجها انه هسه رايح وليش مستعجل بعد ما اتحملً  اريد اضوك وغمزتلها
سمر : شتضوك شنو هذا خله وراح بقيت انه كاعده مثل البومه بحدي بالبيت مشت الايام مشابهه ماكو شي جديد بس هذول الزوج يفترون علينه ويتناكرون لحد مابيوم اجه محمد يكول
محمد : يمه شنو الفلم يمته تحلون سالفتي
بيارق : ياسالفه يمه
محمد : سالفه خطوبتي
بيارق : والله الشغله يم ابوك مويمي يمه
سمر : ليش تريد تتزوج
محمد : اي جاشبيه ناقص ايد رجل
سمر : لا حشاك ماناقص شي ناقص بس عقل
محمد : هسه شلون تريدني اكوم الها افلش وجهه
سمر : شبيكم وي التفليش
محمد : مارد عليج لان مالي خلكج
ساجد : دعوفها هاي البطرانه بلكي يتزوجها ونخلص منها
محمد : امين
سمر : همزين بيت ابوي
بيارق : ولكم عوفو اختكم بحالها
سمر : بقو يحجون اخير شي كلها حلولي السالفه بسرعه صار عندي فضول اعرف منو هاي البنيه بس للاسف انه مو مثل رزق يحجولي كلشي رغم انه ماانقل حجي ولا افتن كاعده اتصل علي الاستاذ صلاح
صلاح : هلو حبيبي شلونج
سمر : بكلبي حبتك حيه زينه وانته
صلاح : بخير انه يلا حياتي مابقى شي كلها اسبوعين ثلاثه واجيبج يمي
سمر : انشالله مايجن
صلاح : ليش يبعد العافيه موانه احبج
سمر : حبتك حيه
صلاح : انه راح اسكت الج ليش لان مشغول هسه بس مابقى شي هانت الا اكسر راسج واكص لسانج بلكي تصيرين شوي حبابه
سمر : والله يا عيني مامجبور عليه تكدر طلكني شو هذا شهكً
صلاح : يمه اطلكج اطلك عمري وماطلكج ماصدكت تصيرين الي
سمر : بيني وبين نفسي ابتسمت على كلامه كتله هسه شتريد مني
صلاح : ماريد شي جاي اسمع صوت مرتي وبعدين فد شوي ويجيج كاظم وديتلج فلوس مصرف الج انه مشغول وي الشيخ علاء بالطلايب جان اجيتج
سمر : ومنو كلك محتاجه
صلاح : ومنو كلج انتي محتاجه بس هذا واجبي يلا يابنت كلبي ولي منا عندي شغل باي
سمر : سد الخط وانه الابتسامه على شفايفي اهو شبيج سمر وقت ابتساماتج دفكري بالموضوع ماكو بعد وقت راح ياخذج بديت اجهز نفسي للعرس مالتي بعد ماصلاح اتصل بابوي وكله العرس بعد سبوعين بديت احضر نفسي لان مابقى شي بس صراحه من دون نفس لان ماريده ولا هاويته شخص ماعرفه ولا شايفته وفجئه نفرض عليه حتى جيه ماجاي النه هواي بس مرتين صارلنه شهرين مخطوبين وانه ماشايفته غير مرتين اكثر شي بالتلفون ونكضيها عرك صار وقت حنتي واختي هم مااجت كالو مريضه بس حيل نقهرت ردت كلها يمي بس جان ناقص وجود رزق كلمنه مراسيم الحنه وجنت لابسه بدله ماروني مديلها كلش حلو جان بيها ردان شيفون خفيف وخليت شعري مرفوع اسوي كلشي بدون نفس وخايفه حيل مادري شنو السبب خايفه ينعاد بيه نفس الموقف مال سرمد اجه وقت يحنيني ودخل عليه جان لابس زي عربي وشكله كلش حلو انه بنفسي ضليت صافنه عليه لعد الباقيات شنو يسون تقرب عليه وباس راسي وكعد حناني وشاورني
صلاح : مابقى شي بس اليوم وباجر بحضني
سمر : تحلم طول مني شعره
صلاح : ضحكتيني هسه انت تعالي يمي ويصير خير
سمر : بقيت ابلع بريكي لحد ماخلصت الحنه وراحو كل المعازيم ثاني يوم جان العرس وملك ختارت الي بدله العرس كعدت الصبح سبحت ومالي نفس اي شي جاي اشرب جاي ودخلت عليه رزق سلمت على امي وعلى البنات وجت عليه وحضنتني وكالت