عشگ الاربعين (هديه فصل)

البارت الثامن والعشرون

حزن ورد الصحاري المات بحلامه
خَدَر والعثرة موقف بالندم والشم
حزن يكبر سِكْر بالدم
والفرحة گمر طافي
ادورك وين
والكلشي گلب خواف
ذاك انته وهذاك آنه ولا ننشاف
***********************************
رزق : صعدت فوك وانه قرفانه منه احس روحي توصخت غير ايد الشيخ شلون تنمد عليه ايد ثانيه اخذت ملابسي ودخلت للحمام ضليت افرك بجسمي واغلط عليه كلب ساقط حيوان ماتستحي ادبسز سرسري اشكال الغلط اخ كلبي شوكت اخلص من سحر واختها خليت وطلعت برا اجت هجن
هجن : ها رزق
رزق : شبيج وجهج اصفر
هجن : مابيه شي رزق تعبانه
رزق : وانه هم كلش تعبانه بالي يم الشيخ مادري وين مختفي
هجن : يرجع بالسلامه انشالله كلش نكطعت اخباره
رزق : اكلج جاي ادور على تلفوني وينه ماشفتيه
هجن : يمكن شفته على الكاونتر بالمطبخ
رزق : شيسوي انه خليته بغرفتي مانزله هواي اصلا خليتها ونزلت جوه دورت عليه لكيته بالمطبخ فعلا خليت وصعدت خابرت الشيخ لكيته مغلق كالعاده رجعت خابرت ساجد
ساجد : هلووو بومه
رزق : هلو بيك حبيبي شخبارك
ساجد : بخير شخبارج انتي
رزق : انتم شلونكم امي البنات سمر شلونها
ساجد : سمر كاضيتها بجي تكول ماريد اشوف وجهه
رزق : مخبله هاي معليك بيه هههه
ساجد : انتي شلونج شنو الشيخ مامش منه خبر
رزق : لا ماكو وبالي يمه
ساجد : يرجع بالسلامه مابيه شي لا تخافين
رزق : انشالله مابيه شي انشالله
ساجد : يلا حبيبتي امي صاحت عليه
رزق : سلملي على امي والبنات هواي
ساجد : يوصل
رزق : سديت الخط منه وانه بعدني قرفانه من الي سواه وياي الوصخ اخو سحر شوكت اخلص منه ومنها خليت راسي على المخده ونمت مافزيت الا على صوت بجي عالي فزيت مخروعه من نومي شفت هجن كاعده على حيلها وتبجي حيل خوفتني عليها تقربت عليها وكتلها هجن شبيج هجن احجي
هجن : مابيه شي رزق بطني تاذيني
رزق : انطيج علاج ناخذج للمستشفى
هجن : لا هسه شوي واصير زينه
رزق : ماشي براحتج
هجن : صار الي جنت خايفه منه راحت رزق وبقيت وحدي بفراشي متدده احس شي بداخلي نكسر تهشم وبعد ماله اي حل مادري منين ابدي وشلون ابدي وباي طريقه بس كلي الي اعرفه انو كرهته وبعد مالي اي نفس بيه حطمني ودمر حياتي وهالشي ماله حل غير الموت بالنسبه الي خليني ابدي من البدايه سافر الشيخ وراح للرمادي بده حسن يسوي تصرفات غريبه وياي يعني يكض ايدي يبوسني بخدي بدون مادري يعني مثل الي يفاجئني هواي تعاركت ويا وكتله مايصير تسوي هيج انه مقريه فاتحتي
حسن : واذا بعدج ماصايره مرته
هجن : شدتكول انته شتحجي شنو مو مرته كدام الناس والله انه حلاله
حسن : سدي حلكج هجن لا اكسر سنونج
هجن : انت شتريد مني بس فهمني ليش تتصرف وياي هيج
حسن : انه اريدج الج اريدج انتي ومستحيل اخلي واحد يتقرب الج فاهمه
هجن : تريدني شنو حسن هسه جاي تحجي اسمع والله اذا سويت هاي السوالف بعد اكول للشيخ عليك فتهمت وعيب عليك
حسن : عيب عليه لج انتي شتعرفين بداخلي شتعرفين هنا شنو اكو
هجن: يحجي وياشر على كلبه ماعرف ولا اريد اعرف تمام انت سويتلي فضل وانه قبلها مسويتلك فضل وبعد اي حجي ماعندي وياك بيومها خليت وصعدت وماسمعت رده شنو مرت الايام وانه ماعندي اي حجي ويا اصلا بالصدفه اشوفه لحد ما اليوم بالليل نزلت اريد اشرب ماي دخلت للمطبخ فتحت الثلاجه جاي اشرب سمعت صوت وراي احس عضامي جمدت بعد ماكدر اتحرك ابدا درت وجهي وشفته هوه كاعد ومبتسم
حسن : واخيرا طحتي بيدي هجن
هجن : انت شبيك شجاي تحجي وليش هيج حجيك مكطع
حسن : لج بسببج سويت الي مايتسوى لج انه شربت بسببج
هجن : بده يتقرب عليه وانه ارجع ليوره لزكت على الثلاجه صار قريب عليه ردت ادفعه قيد حركتي ماكدر اصرخ كلي
حسن : بس صرخين اكلهم هيه صاحتلي
هجن : شتحجي حسن الله يخليك روح عوفني
حسن : لج هجن اموت من دونج صدكيني انه احبج ماكدر اعيش من دونج لج حتى مرتي اضوج منها صاير اشوفج بيها
هجن : وليش هسه يلا حجيت ليش من خليتني اوافق ليش حسن وخر عني وخر
حسن : ماكدر اقاومج اريدج الي ملكي اريدج حلالي ماريد غيري يلمسج انتي الي
هجن : بده يجرأ بلمساته وانه اريد ابعده عني ماكدر هوه اقوى مني بهواي صح ضعيف بس قوي ضل يجرجر بيه سد حلكي وصلني لباب غرفته فتحه ودفعني وسد الباب كتله الله يخليك خليني اروح عوفني حسن الله يخليك عوفني بروح بيبيتك احسه فاصل عن الدنيا مايدري شجاي يسوي بس الاعرفه تقرب عليه وبده يتقربلي بصوره حيل موذيه عبالك شخص يريد ينتقم مني جردني من ملابسي وانه اتوسل بيه واكله لا بس ماكو فايده وصار الي صار اخذني واخذ شرفي وكسرني وكسر روحي وخر عني وكعد بطرف الجربايه وكال
حسن : حتى تعرفين انتي الي وباسمي مو الاحد ثاني
هجن : عافني وراح لحمامه وانه كاعده بمكاني الالم موتني وانه اشوف شرفي الي ضليت محافضه عليه وانه بنص الخطر وهنا بيت شيخ وامان خسرته اخذت روحي وطلعت وانه كوه امشي حتى ضرب ضربني احس جسمي مكسر دخلت على كيف للغرفه وفتت للحمام فتحت ماي حار وكعدت جوه الماي بالارض وانه ابجي بحركه من الي صار شسوي شكول وين اروح وين انطي وجهي الرجال الي نقرت فاتحتي عليه شكله شسوي شسوي بقيت بالنص ساعه على ما هدأ  الالم الي احس بيه يلا طلعت تمددت بفراشي وبديت ابجي دموعي سالت على المخده نوب كعدت رزق وتدرون وراها شنو صار مانمت للصبح على كعدتي اخير شي ستسلمت للنوم ساعه 10 الصبح وبعد ماحسيت باي شي ثاني ..
رزق : كعدت الصبح بعدها كاعده كتلها ماتنامينً شويه ماردت عليه خليت ونزلت جوه مرت الايام والبيت متكهرب واليوم صار على غياب الشيخ 20 يوم بالضبط وهجن على وضعها عيونها حمر ومن جوه سود وحسن مايتحاجه مثل المخبل صاير وعلي بس يريد يعرف شنو يسوي بيه بالنسبه الاخو سحر بعد مااجه وهيه بس تسمني بالكلام لحد ما اليوم جاي اغسل ماعين واجت هيه وتقى وبده كلامهن المسموم
تقى : اكلج من يجي الشيخ خليه يحبلج حتى بعض الناس تنطرد منا ومانشوف وجهه
سحر : بدون ماصير حامل راح تنكلع
رزق : بقيت اسمع الحجيهن ومارد لان ماريد مشاكل هنه هيج يدورن الزله وهند صارله عشر ايام يم اهلها ف الشغل كله براسي وسماح مادري شبيها هم ضلن يحجن لحد ما عاط بيهن صوت
علي: لج تقىىىىىى انه شنو كتلج
تقى : شبيك علي ماتكلي شبيك جاي اسولف حرام
علي : من تسولفين مثل البشر احجي
تقى : وشبيه بله
علي : محد طيحً حضج وخربج غير هاي
سحر : احترم نفسك علي انه بكد امك
علي : زين دريتي بكد امي جا احترمي نفسج ولاتخلين عقلج بعقل وحده بكد بناتج
سحر : تحجي هيج وياي صدك ادبسز
علي : انتي صدك ماتستحين
رزق : صراحه برد كلبي كلش بيهن
سحر : انت صدك مامتربي محد عرف يربيك ولا نسيت غيده الربتك طبعا تطلع تربيتك سكط
علي : جاي اريد ماشوف غير ابوي سانده جواد وعاط بيها كبل ركضت عليه بويه شبيك جواد شبيه ابوي احجي
جواد : خلي يدخل يرتاح وبعدين هوه يسولف الكم شنو صار وياه
علي : اخذت ابوي من عنده وهوه عيونه تتطاير شرار وصلت يم سحر كلها
علاء : حسابي وياج بعدين من اصفالج يلا علي اخذني رزززق تعاي وراي
رزق : مادري شنو صار بيه من سمعت صوته احس مسامعي كلها نفتحت اريد بس اشبع عيوني من شوفته بس حيل متغير ومبين عليه مجروح من صاح باسمي كبل رحت ورا صعد فوك
علي : بويه وين تريد اوديك
علاء : بغرفتي القديمه يم رزق وماريد احد يدري برجعتي على ما اصير زين
علي : صار
رزق : اخذه علي للغرفه وكعد على الجربايه هجن جانت كاعده
هجن : الحمدالله على سلامتك شيخ نورت بيتك
علاء : الله يسلمج بويه
هجن : انه استاذن اطلع برا
رزق : هجن سلمت عليه وطلعت وانه كعدت على الكرسي كباله كتله شيخ شلونك
علاء : اخ يا رزق هسه صرت زين
رزق : سلامتك شبيك
علاء : شبيه كلشي بيه رزق خفت ما ارجع شفت الموت بعيني كولي شنو ماشفت اشكال الوان صار كبال عيني زين مني طلعت منها بخير وسلامه احسهم ودوني هناك عقاب
رزق : سلامتك ارتاح هسه على ماصير زين نوب سولف كلشي بالك جاي نحجي وسمعنه العيطه الاجت من جوه ركضت انه اشوف شنوً اكون وجان اشوف حسن يريد يهجم على سحر وعلي كاضه ركضت عليهم جوه الشيخ فوك مايكدر ينزل بدت اصواتهم تعلى
حسن : لج انتي جيبين سيره حبوبتي اليوم اشكج بالنص ادبسز صلفه موعبالج مرت ابوي واسكتلج لو اخاف منج
سحر : شتريد تسوي سوي ماتخوف مني شعره
حسن : طبعا ماتخافين لان انتي وحده ساقطه اصلا
تقى : هسه شحجت ماحجت شي
علي : انت سكتي تقى لا ابدي بيج خوي الله يخليك ابوي فوك تعبان صوتك نصيه
حسن : ابوي فوك شلك بيها هاي السالفه
علي : والله اجه قبل عشر دقايق
حسن : وشبيه فوك
علي : مجروح مدري متصوب مادري
حسن : باوعت اجت عيني بعينها لحد هسه مادري شنو احساسي احس بندم على خوف عليها على قهر صارلي بالعشر ايام اريد الشي صار يطلع من بالي ماكو دمرت حياتها ودمرت روحي بروحي مرتي شامرها يم اهلها صارلها فوك العشر ايام اخير مرا تعاركنه بسبب اهمالي الها وضربتها وراحت يم اهلها حتى ماسالت عليها رجعت اصيح واحس كلبي يدك سريع كلش ماسمعت غير صوت ابوي
علاء : لك حسسسسن من يمته تعلي صوتك وابوك موجود
حسن : ركضت عليه حضنته وبست ايده بويه نورت بيتك بويه حمدالله على سلامتك وينك خوفتنه عليك سبوع تلفونك مغلق
علاء : حسن عبر الموضوع هسه ومن اتحسن اسولف الكم كلشي انشالله بس حضرو لخطوبه صلاح وسمر ولهجن وجواد انه رجعت هسه على مايجهز كلشي صاير زين وانه راح اخابر ابو رزق يحضر كلشي يخص المشيه
حسن : صير زين هسه
علاء : مابيه شي حسن
حسن : كلبي احسه بده يدك سريع البنيه ماسمح يصير الها شي ماريد اذيتها شلون راح اتصرف انه شلون
علي : بويه امشي ارتاح بغرفتك
علاء : راح تاخذ مرتك لاهلها ومن تتربى يالله نرجعها فتهمت
علي : صار بويه الي تريده يصير
علاء : وانتي سحر حسابي وياج بعدين
سحر: خلو وراحو بده الخوف يدخل كلبي تقىً خلت وراحت وانه رحت لغرفتي اتصلت على صلاح
صلاح : شتردين متصله
سحر: اسمعني صلاح بديت احجي اله الخطه الي سويتها انه واخوي حتى يساعدنا بالتنفيذ
صلاح : الطلبينه صعب عليه
سحر : ليش صعب انه اريد افتك من هذا الشي اسمعني بس ماراح تخسر شي
صلاح : انتي تفهمين هيج راح ندخل بخطيتها
سحر :وخل ندخل شنو يعني قابل عليها الوسفه
صلاح : ماكدر افهمي مااكدر
سحر : شغيرك انت موجان الشر بدمك هسه شبيك عليه ماتكلي
صلاح : تغيرت وماريد اسوي شي يسيء الاحد ولاتنسين اختها راح تصير مرتي
سحر : لا عيني اذا ماسويت هالشي والله ابليك وهيه اختها شنو اصلا مثلها تلكاها دايحه
صلاح :تهدديني لج ساقطه واشك حلكج اذا جبتي طاري سمر
سحر : اسكت ولا تجاوز احسلك بعدك ماتعرفني انه منو
صلاح : هيج صار الحجي
سحر :اي هيج وانت اختار يا تسوي الاريده يا تشوف شي ماشايفه
صلاح : ضليت محتار بيها شتحجي اكيد تبليني بشي هسه انه شخسران خليني اسوي الي تريده وكالعاده اطلع مثل الشعره من العجين فكرت وكتلها سحر لوتموتين ماسوي الي تردينه وانه ما اخاف منج واذا حجيتي انتي الي راح تتاثرين وياي موبس انه نص الخطط خططج ف لعبج الوصخ لا تلعبينه وياي
سحر : سده بوجهي وكلت بسيطه يا صلاح انه اعلمك يصير خير خابرت اخوي جعفر
جعفر : رديت عليها وكلت ها سحر شصار
سحر : جهز نفسك مابقى شي على اتفاقنه
جعفر : انشالله يمته ماتردين ماعندي شي انه
سحر : على الاغلب يوم خطوبه صلاح لان البيت راح يفرغ والشيخ راح يكون ملتهي بالخطوبه
جعفر : والله خايف ترحين بداهيه
سحر : هسه هوه متصاوب خليه يصير زين يلا نوب نتصرف
جعفر : انشالله
سحر : سديت الخط من عنده وبده عندي التوتر اريد باي طريقه اتخلص منها مادري شنو اسوي تعدت الايام واجه يوم خطوبه صلاح وسمر لان الشيخ صار كلش زين بس ابد نضراته تخوفني حيل اجيت لسماح وكتلها ها سموحه شلونج
سماح : بخير سحر محتاجه شيً
سحر : سلامتج جاي ادردش وياج
سماح : ها دردشين خوش
رزق : واكفه اسمعهم شيحجون كله مايهم الي يهمني الشيخ يمي بغرفتي ينام وياكل لحد ماصار زين بس بعده ماسولف النه اي شي وانه ابد ماتركته بروحه كله ويا وانه واكفه اجه بالي كلامه
علاء : تعبتج وياي
رزق : تعبك راحه شيخ لاتحجي هالحجي مهما يكون انت تبقى رجلي
علاء : اكثر شخص مشتاقله هوه انتي طول الوقت الي انتي هنا وانه بعيد احس الخنكه كاتلتني مشتاقلج رزق الله يخليج لا تاذيني
رزق: بشنو ااذيك
علاء : بكلشي لاتاذيني
رزق : ما اذيك شيخ انت ماتعرف غلاتك عندي شكد
علاء : مسامحتني على اذيتي
رزق : لاتخلي بالك يم هاي السوالف اهم شي تصير زين صحيت من هجن كالت
هجن: رزق سمعيني
رزق : وياج وياج احجي
هجن : دا كلج شسوي لهذا الجدر
رزق : طفي اذا ستوه
هجن : تمام
رزق : شوي واجه حسن وانه اشوفه شلون عيونه تفتر ورا هجن وين ماتروح انه متاكده صاير شي بينهم لذلك هيج عصبي رجعت سرحت بكلام كاله الي الشيخ
علاء: هسه صرت زين اكدر اخذ منج بوسه صغيره
رزق : شيخ الله يخليك لا تقربلي كلما افرح وياك يصير شي يخرب فرحتي الله يخليك وخر عني
علاء : رزق انتي روحي تعرفين شنو ماكدر اكرهج ماكدر اسوي اي شي يمج انه الي راهب الدنيا كلها يصير وياي هيج يمج ارجع طفل صغير مو عبالك 45 سنه
رزق : شيخ انه هم احبك تقرب عليه وهمس باذني
علاء : احبج رزق
رزق : باسني من شفايفي حيل ومن كد ما مشتاقه اله بادلته البوسه الى ان وخر عني وخله راسه على راسي وكال ماريد اتجرأ اكثر راح اطلع ولاتنسين خطوبه صلاح بعد يومين
رزق: خله وطلع ومازلت اكول الشخص الوحيد الي مااكش منه هوه الشيخ لمساته الي غير وحيل احبهن رجعت للواقع على صوت سماح
سماح : شبيج اليوم بس تصفنين
رزق : مابيه شي سماح
سماح : يلا نصب الناس كلمو
رزق : بدينه نصب والشيخ اجه يتفقد الاكل بما انو العريس ابن عم الشيخ لازم الخطوبه بيته لان هوه الشيخ العام للعشيره والدنيا مكلوبه كلاب وانه جاي اشتغل نتبهت عليه يباوع عليه اخير شي غمزلي دنكت بعد مارفعت راسي من الخجل شويه واجت سحر تقربت عليه وخلت ايدها بخاصرتي كل قوتها وكال
سحر : اي خجلي وفرحي صدكيني يومج قريب
رزق : خلت وراحت احس الالم موتني كل قوتها سوت وياي هيج صار وكت اتبديل شفت البيت والمطبخ مو مال اروح انه كتلها سماح انه ماروح تعبانه شويه مابيه حيل اتحرك اعوض اختي على العرس انشالله
سماح : براحتج
رزق : صعدت فوك لكيت هجن نايمه ها حبيبتي ماترحين
هجن: ها لا ماروح دايخه شويه
رزق : خوش انه هم باقيه يمج خلينه ناخذج دكتور
هجن : ماريد اروح رزق
رزق : شبيج هجن احجيلي ليش ضامه عليه
هجن : ماضامه شي رزق الله يخليج عوفيني بحالي
رزق : ولله ماتركج بحالج لمن تكولين شنو بيج
هجن : مابيه كتلج مابيه
رزق : خوش خلي يرحون واجيج يصير خير طلعت من الغرفه وصار بوجهي الشيخ مبتسم
علاء: ليش ماجاهزه
رزق : ماروح مابيه حيل شيخ تعبانه وهجن هم ابقى يمها
علاء: ماشي حبيبتي ديري بالج ع نفسج خوش
رزق : اوكف شيخ ليش هيج مسوي
علاء : شمسوي
رزق : طالع حلو زياده عن اللزوم
علاء : ضحكت من كالت هيج دنيت عليها وكتلها هوه هذا المن كله الج بعدين منو تباوع الشايب
رزق : تنفكس عينها الي تباوعلك وينكطع لسانه الي يكول عليك شايب
علاء : بستها براسها ونزلت جوه
رزق : حيل جاي اتعلق بيه زياده عن اللزم واكثر من قبل بداخلي شي مخوفني مادري شنو الي احسه بس احس راح يصير وياي شي جاهلت هذا الشي وكلهم راحو الخطوبه وبديت اعزل بالمطبخ وانضف خلصت منه توجهت للبيت وبديت انضف بيه انه سريعه بالشغل مو بطيئه
هجن : نزلت بعد ماتحمل اريد شخص اشكيله همي وين اروح بروحي المصيبه الي نزلت على راسي الحادث صارله عشرين يوم ومابقى شي ويجي الرجال يتقدملي نزلت لكيتها تنضف كتلها ليش ماصحتيلي
رزق : يلعن يومج خوفتيني
هجن : وين صافن الحلو
رزق : مادري احس رجفه بداخلي احس شي راح يصير وياي
هجن : شنو هذا التشائم رزق
رزق : اخ يا هجن ماتدرين شصاير وياي خليني ساكته
هجن : بديت انضف وياها البيت كلت اروح ازودها عليها خليني ساكته
رزق : اكلج هجن شنو صار وياج احجيلي
هجن : يو رزق كتلج ماصاير شي
رزق : اسمعي ولج اذا ماحجيتي صدكيني وداعه امي لا انتي صديقتي ولا انه اعرفج
هجن : تكضيني من ايدي التوجعني يعني هوه بس انتي بقيتي الي
رزق : ليش بس انه انشالله راح تتزوجين ويصير كل حياتج
هجن : شتزوج رزق ماتكليلي شتزوج
رزق : ليش شبيج بدت تحجي نفتحن عيوني من وصلت لجمله كالتها الي احس فقدت سمعي من الشي الي كالته الي كتله شنو رجعت كالتي .......

لاتشتكون من قصر البارت ترا والله مريضه وتعبانه وشغل لود عليه الله يخليكم وتحياتي الكم لاتتنسون التصويت

_______****

لاتنسون تابعوني على الفيسبوك روايات زينب عقيل الموسوي

https://www.facebook.com/profile.php?id=100087899666498&mibextid=LQQJ4d

وايضا قناتي على التيليجرام
@zainabakeel9

ورابط الواتباد للي ماضايفني يضيفني

https://www.wattpad.com/user/zainabakeel_almusawi

________*****

الى هنا انتهى البارت اتمنى ينال اعجابكم

الكاتبه زينب عقيل الموسوي