عشگ الاربعين (هديه فصل)

البارت التاسع عشر

حنين وليل يردف ليل
والجيات معدومة
اذا يم حيلي سهلة الحيل
بس الروح مهدومة
العمر غثاني لين اطويل
وصبري ازغر امن اهمومه
واتلگاها ابقى امنين ؟
من عندك ؟ امن ايامي ؟
اني اشمدريني حلم العين
هوه يدمر احلامي
************************************
حسن : خلص عرس الوالد ودعتهم وسافرت اكثر شي صعب عليه بيوم السافرت من ودعت اهلي وابوي طلعت من البيت وبداخلي شعور ماكدر ارجع بعد خلاص احسن هاي حياتي راح تنتهي وصلت بعد سفر 12 ساعه الى مقرنه بديت يوم ويوم اتصل عليهم اطمنهم عني وصلت مرحله من التعب ماكدر بعد اتصل بيهم الشبكات شبه نعدمت  شما اوصف الي شفته قليل يوميه شخص مستشهد تكدرون تكولون يوميه اشوف الموت بعيوني من يطيح واحد من زملائي بالارض حتى جوع جعنه بقيت على هاي الحاله فوك العشر ايام اكثر اخير ايام بدت المساعدات تنكطع لان المنطقه اكثر خطوره من غيرها
غيث : سيدي شراح نسوي هسه
حسن : اسكت غيث شسوي متكلي
غيث : الجماعه بدو يموتون شي ورا شي بقيته بس انه وياك ورائد اسامه
حسن : لازم نقاوم
غيث : سيدي خلينه ننهزم
حسن : افا ويكولون عنك خاين انهزم من خدمه الوطن
غيث : جا احسن نموت سيدي ونروح بالرجلين ورانه اهل وزوجه واولاد
حسن : صراحه كلامه قنعني بس مع ذلك ضليت متمسك بمبادئي وكلت مستحيل اعوف مكاني ويكولون عليه جبان كملت المواجهه لحد ما خلاص تمت الاباده وشمرو عليهه هاون طاح ع الطابق الثاني من البنايه والكل الي فوك استشهدو ضليت ارمي ارمي بس همه عدهم قناص وجان تجي الطلقه بايدي ضليت انزف انزف انزف الى ان استشهد غيث والرائد اسامه بدو يهجمون على المقر مالتنه هوه مو مقر بس هوه واجهه دفاع النه متخذينها كمت جريت غيث وخليته فوك وبالجهتين طابوك مغطيني دخلو من دخلو علينه كطعت النفس حتى يكولون ميت هذا هواي سوالف متعلم انه مو بس اكدر اسيطر على نفسي واوكفه لا هواي اشياء ورا ربع ساعه من تاكدو كلنه ميتين طلعو صعدو سياراتهم وضلو يرمون بالجو ويهلهلون لان انتصرو على الجيش العراقي وخرت غيث مني وغطيت وجهه بمنديله وطلعت امشي وانزف ايدي تصب ومشيت مسافه حيل طويله لدرجه ماعرف انه بيا مكان وصلت وبعدين وصلت المكان مثل الوادي دخلت بيه من بعيد شفت بيت هناك بيت ويمه ناس قليلين كلش مثل الي يتختلون وصلت يمهم بدت عيوني تغوش اخير شي شفته بنيه اجت ركضت عليه وبعدها ماحسيت باي شي فزيت ورا مادري شكد فتحت عيني واجت بعين وحده سبحان من خلقها وسواها اول مرا بحياتي اشوف هيج بنيه جميله بس مبين عليها التعب صفنت عليها فززنني من صفنتي وكالت
هجن : صح النوم يابطل
حسن : منو انتي وين انه
هجن : انه اسمي هجن اسكن هين
حسن : ومن وين انتي
هجن : انه اصلي بغداد بس بعدين تعرف عني هسه تعافه والله كريم
حسن : شجابني هنا انه
هجن : انت اجيت بتجاه بيتنه وصلت يم الحديقه وكعت
حسن : وصارلي شكد
هجن : صارلك يومين نايم
حسن : اف هذا كله نوم
هجن : لاتحجي جرحك بعده
حسن : غير جرح ايدي
هجن : لا موايدك انت متصوب بضهرك ونزفت هواي وماتدري بروحك
حسن : ماتذكر اي شي
هجن : شنو صار وياك بالضبط
حسن : بديت اسولف الها شنو صار وياي وبشنو مريت لحد ما وصلت هالوادي وطحت مادري بالدنيا بعد
هجن : ماعندك غير العافيه واكيد اهلك هسه گالبين  الدنيا
حسن : هاي اذا ما بعينهم ميت هسه
هجن : ارتاح هسه خليني اجيبلك اكل يلا
حسن : تمام راحت ورجعت جايبتلي وياها اكل كلش طيب اكلته وشربت ماي ورجعت نمت كعدت ثاني يوم شوي احسن ماشفتها ورا ساعتين هيج اجت
هجن : صباح الخير
حسن : وين جنتي
هجن : طلعت اجيب اكل وبالمناسبه لاتطلع
حسن : ليش
هجن : سمعت خبر
حسن : شنو هوه
هجن : سمعت على اساس الموقع الي سولفت عليه بيه انو اكو جثث بس الجثث غير مطابقه للعدد الفعلي وانو اكو جندي مهزوم وهسه جاي يدورون عليه
حسن : وشراح اسوي هجن
هجن : مادري حسن انه اكول انتضر كم يوم على ما يهدا الوضع وانصحك تروح بالليل او اشوفلك شخص يساعدك
حسن : ياريت انه ابوي وحبوبتي يموتون اذا واصل الهم خبر انو ميت
هجن : الله كريم
حسن : بقيت كاعد بقلق لحد مااجت العصر هجن تركض هجن: حسن حسن
حسن : شصاير
هجن : كوم وياي بسرعه كوم
حسن : شصاير هجن خوفتيني
هجن : اسمعني حسن جاي يفتشون البيوت كلها كوم اضمك باي مكان
حسن : وين اروح
هجن : تعال وياي
حسن : رحت وياها وفعلا شالت سجاده من الارض واكو باب يؤدي الى سرداب نزلت بيه وكالت لاسوي صوت ابقى هنا من يرحون انه اكلك نزلت جوا وسدت الباب والدنيا خنكه وتراب شوي وسمعت صوتهم يحجون وياها باللغه الفصحه وهيه ترد عليهم اخير شي كالت الهم
هجن : محد موجود هنا ويلا اطلعو ترا اقدم بيكم شكوى يم الخليفه
الولد : حاضر حاضر طالعين
هجن : خلو وطلعو خليت ايدي على كلبي لمن وكف فوك السجاده الي جواها باب السرداب طلعو بعد ماهددتهم بالخليفه خليت وسديت الباب رفعت السجاده وطلعته وكلي
حسن : هسه تسولفيلي شنو هذا البيت وشنو قصه السرداب هذا
هجن : يعني مستعجل تريد تعرف انه منو وشسوي هنا وشسوي وحده بغداديه هنا
حسن : الي مخبلني لهجتج مصلاويه وحنه هنا ديالى خير
هجن : باوع حسن احنه هسه قريبين على حدود الموصل الضاهر متعرف شكد مشيت
حسن : انه اتذكر من حلاوه روحي مشيت كلش هواي بس شكد مادري لان اصلا انه الفجر صار الهجوم وتقريبا العصر شفتج بس جان يمج بنات وين راحن
هجن : هذن بنات مو تابعين الي هذن وي الخليفه ههه هواي سوالف لازم اسولفلك بس خلي نتغده ترا متت جوع
حسن : شكد صارلج هنا
هجن : اول ما طلعو داعش وهمو الناس انو همه دوله اسلاميه عربيه وانو يحافضون على الامان ويجيبون حقوق الناس الضاعت بهالبلد
حسن : الضاهر قصتج حلوه
هجن : يكولون حلوه
حسن : اسمعها يعني
هجن : اكيد تسمعها بس خلي نخلص غده
حسن : صبت الاكل والي محيرني شلون وحده وهيج حلوه كعدت تصب الاكل وانه صافن عليها بدت تاكل وانه بعدني حاير بامرها
هجن : شبيك صافن عليه مضيع شي بوجهي
حسن : عذريني هجن بس انه حيل صريح اريد اعرف شنو سوين هنا وانتي هيج حلوه
هجن : ضحكت عليه وعلى كلامه كتله حسن انه هنا بطلاع الروح يلا كدرت اامن نفسي واحمي روحي من هذول الوحوش
حسن : انه ماشتهي اكل
هجن : تمام خلي اسولفلك انه منو وشسوي هنا اسمع حسن انه اسمي هجن عمري 22 سنه انه البنت الوحيده الامي امي اصلها مصلاويه وابوي بغدادي ستشهد ابوي ورا حرب التسعين وانه بعدني بطن امي صرت وكبرت بغداد عمري 15 سنه وامي تزوجت مرا ثانيه بس امي تزوجت مصلاوي من اهلها لان كلولها بعدج صغيره ومايصير تبقين هيج هالحجي ماصارله هواي انه طالبه طب ومن صارت الاحداث تركت جنت مرحله رابعه المهم اجت الدوله الاسلاميه على كولتهم اول واحد طاح بشباكهم هوه زوج امي ومسحو عقله مسح انه بقيت على يقيني وعلى ايماني وعلى عقيدتي باهل البيت بس ماجنت احجي جنت ماخذتهم على هواهم شي ورا شي رجل امي صار الذراع الايمن للخليفه والكل مايكدر يمس من عدنه شعره صارت الحروب ونكتل رجل امي وامي من قبل الجيش لعراقي الصراحه ما نقهرت عليهم لان امي صارت منهم وتقريبا حتى شركت بالله همه مايعرفون للدين ولا يم عقيده الله ولا يعرفون بكتابه بقيت عايشه وحدي بهذا البيت الي اخذه رجل امي منهم لان امان وكله مكانات سريه بيه محد جان يدري بيهن بس رجل امي وانه جنت اراقبه عرفتهن مكان مكان ماصارلهم هواي من ميتين جنت اتمنى اكدر الكه وسيله اطلع بيها منا ارجع لبغداد او اي محافظه من محافظات الجنوب وهيه هاي قصتي بختصار عرفت هسه ليش يخافون مني ومحد يدنالي والي شفتهن يمي هذن من الوكر مالتهم الوكر الوصخ
حسن : هذا كله متحملته
هجن : ولاتنسى جنت متحمله تحرشات رجل امي الوصخ بحجه يصير زواج المتعه من الاخوات اوً الجمع بين الام وبنتها عادي عدهم
حسن : وشلون حميتي نفسج شو هايه ضحكت
هجن : ههههههههههه سويت بيه عاهه مستديمه
حسن : شلون
هجن : خليته يكطلع الخلف (يعني صار عقيم )
حسن : ههههههه صدك ضحكتني خرب يومج تحجين صدك
هجن : صدكني هههه
حسن : تعدت الايام والبنيه يوم عن يوم تكبر بعيني اكثر واكثر الى ان اجت بيوم وجهه عابس كتلها شبيج
هجن : حسن لكيت الي راح يساعدك
حسن : صدك
هجن : اي وانشالله باجر الفجر تطلع قبل لا يبدي خيط الشمس يبين
حسن : حيل فرحت بالخبريه بس ليش انتي ضايجه
هجن : ماضايجه بالعكس فرحانه على مودك يلا جهز نفسك خليت ورحت للغرفه كعدت على الجربايه هجن شجاي يصير بيج ليش هيج كلبج ياذيج لان راح يروح رغم متعرفين عنه شي بس حيل رتاحيتي اله حسيت بهالفترا هوه سندي وماني وحسيته ونس الي نكعد نسولف ونضحك شويه وندك الباب كتله تفضل
حسن : مادري ليش وجهه معفوس بس من فكرت مادري ليش ضجت لان راح اترك هذا المكان كلت خليني اكلها على فكرتي بلكي تقبل وهم هيه ماعدها احد هنا وصلت يم باب غرفتها ودكيت الباب جان تكول تفضل دخلت كتلها فارغه
هجن : شعندي انه تعال تعال
حسن : شنو جنتي تبجين
هجن : لا بس عيني دخل بيها تراب مدري شنو
حسن : اشوفها الج تقربت عليها خليتي ايدي على جفنها فتحته ونفخت بيه على كيف كتلها مابيج شي
هجن : تقرب عليه بس مادري احس روحي حيل ارتبكت بقربه الي كتله شكرا يلا كول شعندك
حسن : باعي هجن انتي هنا وحدج وماعندج احد ليش ماتجين وياي
هجن : وين اجي
حسن : للبصره
هجن : واعوف هنا المكان
حسن : ليش منو عندج هنا تعالي وياي يم اهلي وناسي وابوي خوش ابو
هجن : لا حسن اهم شي انت تروح بالسلامه
حسن : لا تستعجلين هجن فكري وياريت تقبلين هناك امان الج اكثر
هجن : انشالله افكر خله وطلع بقيت طول النهار واجه الليل افكر بالكلام وفعلا اروح هناك وابدي حياتي من جديد وعندي هم جنسيتي وكلشي يخصني اكدر اكمل جامعتي الي تركتها على النص بديت افكر افكر اخير شي قررت
حسن : بقيت طول اليوم كاعد وماعندي شي وهيه ماطلعت عفتها براحتها بلكي تفكر وتغير رايها صار وقت أروح اجتني
هجن : جاهز حسن
حسن : اي وانتي
هجن : صراحه قررت
حسن : شنو قررتي جاي تحجي وندك الباب طلعت فتحته ودخلت الولد وعرفتني عليه جان يحجي مصلاوي مافتهم عليه اي شي المهم كالت يلا حسن كتلها وانتي خلت ودخلت للغرفه كلت الضاهر ماتريد تروح شويه وصاحت عليه
هجن: تروح وتعوفني حسن
حسن : حيل فرحت من قبلت تجي وياي تقربت عليها وكتلها ليش غيرتي رايج
هجن : لازم اغير رايي وراي مستقبل ينتظرني
حسن : اوكي احس بسعاده من كالت هيج اجهلها خلينه وطلعنه والف ياويل يلا عبرنه السيطرات طبعا انه موقعي ضاميني جوه البضاعه واحس جسمي تكسر وين يلا مسافه حيل بعيده يلا فتحو الباب وصاحو عليه
هجن : يلا حسن وصلنه بغداد
حسن : من كالت بغداد احس روحي طرت من الفرح احس روحي هسه عدت للحياه كبل نزلت وتوجهنه للسيارات واخذت اول سياره للبصرة وبعد طريق طويل وصلت للبصرة باوع لهجن نايمه كعدته هجن هجن
هجن : مممم
حسن : يلا هجن وصلنه كعدت ونزلنه وركبنه سياره وكبل للبيت وصلت للشارع مال بيتنه احس الطريق صار شطوله اريد بس اوصل اريد بس احضن ابوي اشم ريحته وعلي واطفالي راح من بالي كلشي كبل للبيت بديت ادك بالباب بصوره قويه وعنيفه نفتح الباب وانه اسمع ابوي يصيح جايك جايك فتح الباب وصار بوجهي صفن عليه وكال
علاء : فتحت الباب وصار بوجهي حسن صفنت عليه وصحت حسسسسسسسسن جريته عليه وحضنته وبسته وشميته احس روحي هسه رجعت للحياه حسن انت عايش
حسن : اي بويه عايش حضنته مرا ثانيه وبست ايده وراسه وضليت ابجي عبالك عمري خمس سنين
علاء : علي علي لك علي وينك
علي : طلعت وشفته صرخت حسن ركضت عليه وحضنته ضليت ابجي هوه هم ضل يبجي
حسن : شتاقيتلك يا بعد روحي شتاقيتلك يا خويه ياعضيدي
سماح : حسن
حسن: اي سموحه حسن الي يغثج
سماح : يابعد روحي ياحسن غثني شكد ماتريد بس بعد لا تغيب هيج غيبه كلنه عبالنه متت وخذينه بعزاك بس ماصدكت لحد هاي اللحضه انت ميت
حسن : دخلوني اعرفكم بويه هاي هجن
هجن : السلام عليكم
علاء : ماشالله ماشالله حياج الله بنيتي
هجن : فدوه لعمرك شيخ الله يحييك
سماح : هلا بيج بعد روحي حياج الله تعاي فوتي فوتي
حسن : دخلنه جوه وكعدنه شويه واجت عليه رزق وكالت
رزق : وانه كاعده فوك سمعت صوت صرخه نزلت اركض وجان اشوف حسن رحت عليه كتله حسن انت عايش الف الحمدالله والشكر حمدالله على سلامتك حسن
حسن : الله يسلمكم بس حبوبتي وين اريد اشوفها
علاء : امي نايمه بويه خل تكعد وسلم عليه هسه تفرح بيك
حسن : خوش علياء وكرم وينهم بويه هند وين
علاء : هند يم اهلها هيه والجهال ع اساس لازمه عده
حسن : اي بعد الله يرحمني خوش ولد جنت
علي : حتى وانت بهالحاله تحشش
علاء : حياج الله بويه وانت اي شي تريد تحجي احجي اسكت عنك لان فرحتي هسه مانطيها الاي بشر بالدنيا
هجن : شكرا عمو
علاء : اي بويه حسن سولف النه شسويت شلون طلعت وشنو قصه هاي البنيه
حسن : بديت احجي الابوي شلون جاني الموت وشلون طلعت منه وهجن ساعدتني هواي وسولفت قصتها الابوي كبل رد عليه وكال
علاء : خلص انتي من هاليوم بذمتي وانشالله كل شي خاص بيج يرجع
هجن : مشكور عمو ماريد اتعبك
علاء : تعبج راح بنيتي
رزق : اعيب على حجيه بداخلي وكتلها حبيبتي احنه هنا اهلج انشالله وماتحسين بغربه من هاللحضه انتي يمي تنامين بغرفتي
هجن : شكرا شنو اسمج
رزق : اسمي رزق وانه اخت حسن
هجن : ها حياج الله بعد روحي
رزق : وهم لكيت الي ونيس طبعا الكل ساكت محد حجه صعدنه فوك نام والشيخ راح يم سحر الساحره وهجن اجت يمي وسالتني
هجن : انتي صدك اخته
رزق : ليش
هجن : ماشبهينهم
رزق : انه مرت ابو هجن
هجن : شنو مرت ابو
رزق : اي مرت ابو
هجن : وشلون صرتي مرت ابو انتي حيل حلوه وصغيره
رزق : بهالي اللحضه باللذات حتاجيت شخص افضفض اله كلشي لان تعبت بعد مااكدر اتحمل كلشي بديت احجيلها عن حياتي وشلون اجيت وشلون تزوج سحر وكلشي حتى من عليت صوتي عليه واهم شي سولفلتها عن حبي اله الي راح يدمرني
هجن : حيل نقهرت عليها من حجيها مبينه حيل حبابه وبنت ناس كتلها ليش حبيتيه
رزق : بعد نبليت بحب شايب
هجن : ضحكت وهيه ضحكت واثار الضرب
رزق : من عنده باعي انه اامن برب العالمين يجي يوم وياخذ حوبتي من الي تسببو بأذيتي
هجن : امين
رزق : بس وعديني
هجن : شنو
رزق : محد يدري بالسولفته الج خصوصا حبي اله
هجن : وعد
رزق : تعاي اكلج شدعوه هيج حلوه
هجن : انه اشبه امي الله يرحمها
رزق : الله يرحمها يلا شكد تحجين خليني انام وراي سحر الصبح
هجن : خلينه ونمنه وكعدت الصبح على فتحه باب وحده تصيح
سحر: يلا عيني خاتون بعدج نايمه بطرانه ساعه سبعه هسه
هجن : الفراش يمي فارغ الضاهر رزق نازله كمت كعدت كتلها نعم شرايده
سحر : ومنو انتي
هجن : اكو شخص يحجي وي ضيف هيج محد معلمج الحجي
سحر : عصبتني حيل كتلها اي بعد بس الزعاطيط يعلمنه الحجي
هجن : مارديت عليه خلت وطلعت بس عرفت هاي نفسها الكالت عليها رزق مبين من لسانها كمت سبحت بالحمام وبدلت من حنطتي اخذت هدوم اول مرا انام هيج بدون خوف ومرتاحه نزلت اصبح عليهم
رزق : صباح الخير حبيبتي
هجن : يمته كعدتي
رزق : صارلي ساعه ليش
هجن : ياااا هواي
رزق : حتى اخلص هجن اخلص
هجن : الله يساعدج
حسن : صباح لخير ياحلوات
رزق و هجن : صباح النور
حسن : عمي شني من الصبح كيك خو ماكيك شلونج عمه سحر
سحر : عمه العماك رجعت
حسن : يعمي عدوي انشالله واليكرهني
علي : امين حسوني
حسن : اشوفك فرحان اليوم
رزق : باعي هجن بدو سوالفهم
هجن : ضحكت
علي : جاغير اخييي رجع فدوه اروحله
حسن : يمه هيج غالي عندك
علي : طبعا ضربته على ضهره وصاح اخ اخ
صحت شبيك حسن شصاير شبي ضهرك
حسن : مجروح شويه
هجن : لا تكذب حسن خويه تصاوب اثناء الهجوم وجرحه عقيم انه طلعت الرصاصه بس بعد مادري شنو الجرح فالضاهر بعده ما ملتئم
علي : يا حيوان وساكت
حسن : شبيك علي مابيه شي وجرحي مابيه بس اكيد ياذيني اذا ايدك مثل ايد الحصان
علي: الحصان ماعنده ايد يافهيم
حسن : حبوبتي ماكعدت
رزق : انه هم ستبطيتها كل مرا تكعد بس هيه كعدت لصلاه الفجر شفتها بتسمت بوجهي وكعدت شوي يمها وباستني وكالت انه نعسانه راح انام
حسن : اروح اكعدها انه
علي : عوفها حسن رحمه الامك
حسن : ليش غير مشتاقلها اريد احبها
هجن : فدوه يخبلون سوالفهم وضحكهم شويه وتجت سماح وهاي الحيه تخوزر سبحان الله ما رتاحيت الها كعدو هم يضحكون ويسولفون شويه وجه الشيخ
علاء : صبحكم الله بالخير
الكل : صباح النور شيخ
حسن : اي بويه اليوم مرتاح كاعد متاخر الضاهر العرس طاحلك بويه
علاء : شلون يريدني اكومله بالعكال
حسن : اخ كلشي ولاهاي
علاء : امي وين سماح
سماح : نايمه خويه
علاء : موعادتها
سماح : لا مو كالت رزق كاعده للصلاه ومتاخره يلا نايمه
حسن: امانه خلوني اكوم اكعدها
سماح : نجب انت انه اكوم هسه تكمزها
حسن : ديلا كومي ترا اهجم
الكل : ههههههه
حسن : اروح فدوه بس الضحكتك بويه يمه شنو هالجمال
علاء : جوز مني حسن
رزق : كل شي حلو مايكمل راحت سماح تكعد الشيخه غيده شويه وجان .........

هاي سمر ☝️للي طلبو صورتها مني

وهاي بطلتنه الجديده ست هجن ☝️

اهم شي التصويت حبايبي واسفه على البارت لان قصير بس لكثره الانشغالات بالعمل
تحياتي الكم

_______****
لاتنسون ضيفوني على حسابي بالفيسبوك

https://www.facebook.com/profile.php?id=100087899666498&mibextid=LQQJ4d
وايضا حسابي ب التيليجرام
@zainabakeel9

وايضا رابط  الواتباد

https://www.wattpad.com/user/zainabakeel_almusawi?

________****
الى هنا انتهى البارت اتمنى ينال اعجابكم

الكاتبه زينب عقيل الموسوي