عشگ الاربعين (هديه فصل)

البارت الخامس

وانه الك لهفـة غريج
أعله الهوى المضنوك والهف ..!!

عريان
*********************************

علاء :جاي احجي وجان يدك تلفوني رفعت خط كلت تفضل وجان يطلع ابو جبار كتله السلام عليكم تفضل خويه حياك الله
احمد : الله يحييك شيخ حبيت اكلك احنه جاهزين شوكت تحب اجيبلك البنيه
علاء : حياكم الله باي وقت
احمد : خوش لعد شيخ انشالله بعد باجر احنه يمك ساعه 8:00 الصبح سلمنه ع الاهل
علاء : الله يسلمك سديت الخط منه باوعلي علي كلي ها بويه شنو كتله عكب باجر تجي البنيه للبيت شلون دبروني
حسن : بويه ليش ماتاخذها انته موتكول فترا وارجعه
علاء : شوماتعرف تحجي ولك شلون اخلي وحده ثانيه ع ذمتي بعد امك
حسن : هسه امي الله يرحمها بويه ماتت صارلها 22 سنه
علاء: انجب ولك شهالحجي
علي : صحيح بويه حجي حسن ليش ماتاخذها انت وهيه هيج هيج ترجع الاهلها يعني مسئله فترا قليله ليش مصعب الامور يا بويه
علاء : مادري شكول
حسن : لاتكول بويه يعني تريد تنطيها الغريب انت اخذها وعاملها مثل بنتك
علاء : هيج. تشوفون يعني
علي وحسن : اي بويه
علاء : ماقرر هالشي لمن احاجي امي واخذ رايها يلا كومو خلي ندخل جوه تعبان انه
علي : سلامتك بويه
حسن : ماشوف شر
علاء : دخلنه جوه وانه افكر بكلامهم تعشينه وكتلها يمه اريدج بسالفه
غيده : كول يابعد روحي
علاء : سمعي يمه وكتلها الي صار بالديوان وكالت
غيده : شكو بيها يمه تدري بيه انه نفسي افرح بيك وازفك وصارلي 22 سنه انتضر هالشي وماتقبل كل مرا ترفض بحجه شغل ودراسه هسه شعندك
علاء: يمه المرحومه الها معزه بكلبي لحد هسه معزه لدرجه محد كدر ياخذ مكانها طول هالسنين
غيده : يمه المات الله يرحمه والحي ابقى من الميت تريد تكسر روحك اشوفك شباب بعدك وحلو عين الله عليك ميت وحده عينها عليك يمه وهاي اشاره من الله يمكن يايمه بعد رب العالمين دائما يختار الصح
علاء : هاي هيه نتوكل ع الله
غيده : يعني قبلت تتزوجها
علاء : اي يمه بس اتزوجها ع الورق فترا وترجع الاهلها ماخليها ع ذمتي واعتبرها حالها حال حسن وعلي
غيده : الله كريم يمه
علاء : كعدت شوي وي امي نوب صعدت للغرفه بس خليت راسي ع المخده نمت كعدت ثاني يوم الصبح غسلت بدلت صليت نزلت ساعه 6 ونص الصبح للمطبخ لكيت سماح صبحت عليه
سماح : صباح الخير خويه شلونك
علاء: صباح النور بعد اخوج انتي شلونج شلون صرتي
سماح : باحسن حال حبيبي ربي يخليك خيمه النه مبروك خويه
علاء : عليش مبروك بعد اخوج
سماح : ع العرس
علاء : امي ماتخلي بحلكه شي
سماح : يا خويه لوشوفها شلون فرحانه تكول الله يسعده بلكي تطلع خوش بت ويحبها
علاء : ماضن تجي وحده تاخذ مكان علياء
سماح : انت شنو كتلي من توفه رجلي
علاء : كتلج كلنه نموت وكلنه ع هذا الطريق والحي ابقى من الميت والدنيا ماتوكف ع احد
سماح : صح تيقنت كلامك صح يخوي يعني انه لوباقيه حزينه جا ماشفتني طالعه هسه كبالك واكفه الحزن بالكلب ولازم نكمل حياتنه
علاء : الله كريم هالحجي بعده بعيد
سماح : الله كريم
علاء : سويت الي ريوك وجاي بالهيل كلش احبه اذا بدون هيل ما شربه كملت وكمت رحت للديوان اجه الجايجي مالتنه وفتح الديوان وهواه الدنيا بدت تكسر يعني جاي يصير حر راح يخلص الشته كمل وكلعاده ناس طابه ناس طالعه للضهر رجعت البيت دخلت وسلمت
تقى : الله يساعدك عمي
هند : الله يساعدك عمو
علاء : ويساعدتجن
تقىً: عمي صدك السمعته
علاء: شنو سمعتي بنيتي
تقى : راح تجي اخت الي كتل ابني لا وهديه هم وانت راح تتزوجها
علاء : اي صح لسمعتيه
تقى : يعني عمي شلون سوون هيج بدال ماتاخذونه تشمرونه بالسجن تجيبون اخته هنا حتى ضلم عيوني مشلوعه من البجي ابني صارله سبوعين من مات وماسويتو شي
علاء : باوعت عليها بحده كتلها حجي وي رجلج مو وياج ع هذ صوتج العالي وبوجهي والشي الثاني ابنج مات مو من لحادث من السيلان الي عنده بالدم والدكتور اكد هالشي لونسيتي حتى من ينجرح جرحه يطول ياله ينشف خليت وطلعت وانه عصبي اسمع هند تكلها عيب عليج تعلين صوتج هسه علي يلعب بيج لعب خليت ورحت يم امي سلمت عليها وصعدت ارتاح شويه لان مالي خلك تعبان حيل وافكر بهواي اشياء اتصلو عليه من الشغل وبلغوني بالمستجدات والحمدالله ماكو اصابات هواي نمت وكعدت قبل الاذان غسلت وتوضيت وراها اذن صليت ونزلت رحت هم للديوان اجاني علي
علي : الله بالخير بويه
علاء : الله بالخير اخوك وين
علي: راح لبغداد بويه عنده شغل باجر يجي من الصبح
علاء : يرجع بالسلامه شغله هم مادري شلونه
علي : غير انت ردته بالسلك العسكري
علاء : شسوي هوه راد بابا اصير مثلك واصير مثلك كتله صير بس هوه اذكى مني بهواي
علي : يخسه اذكه منك محد بينه طلع عليك لابالشكل ولا بالعقل
علاء : مارديت عليه كلي
علي : بويه شبيك
علاء : مابيه شي بعد ابوك
علي: شلون اتيه عنك يابه احجي
علاء : افكر باجر علي ماريد اضلم اي طرف من الاطراف
علي : طول عمركً عادل بويه ماشفنه منك ظلم وي الغريب توكف تظلمنه احنه نوب ربي يخليك خيمه ع راسنه
علاء : حبيبي ابني
علي : لاتكول ابني احسك 90 سنه
علاء : يعني هسه انه شاب وضحكت
علي : خرب عرضك حسن تعال شوف الشيخ شلون يضحك
علاء : كوم منا كوم
علي : فوك ما اتغزل بويه سوي هيج
علاء : كتلك كوم خله وراح وانه مبتسم عليه ربي يخليكم الي ويبعد عنكم كل شر ماردت اكله ع مرته لان ماريد اسوي مشاكل والبنيه حامل ومريضه وتعبانه صارت ليل كلش دخلت للبيت ورحت يم امي شفته سولفته شوي وصعدت
غيده : يمه جا ماتعشه
علاء : لا يمه ماشتهي
غيده : شبلاك يمه ماشوف روحك ضعفان
علاء : منين ضعفان يمه تجيبين وتوكليني ياضعفان
غيده : لا يمه ضعفان مو صح سماح
سماح : اي يمه صح خاف يفكر باجر
علاء : ولج سماح طالعه عينج
سماح : اسفه خويه وضحكت
علاء : خليت وصعدت فوك نمت لان احس روحي تعبان
كعدت ثاني يوم الصبح نستعد نزلت لكيت حسن جاي وكتله حضرو كلشي الناس راح تجي بالطريق راحو وجهزنه الديوان واجو اهلنه واخوي وابن عمي هم صارت ساعه 8:30 سمعنه سيارات طلعنه برا كلحنه احنه هيج وي كل الناس خصوصا الضيف نزلو ونزلت وياهم بنيه حيل صغيره ولابسه اسود باسود عبايه راس ومدنكه شوي وطيح ع وجهه ماشفت منها اي شي صحت ع علي كتله ياخذها الاختي وفتنه للديوان سولفنه وسلمنه عليهم ورجعو اعتذرو من عدنه ع الصار كله وكتلهم صدكوا مو ذنبكم ذنب مرض ابنه كضيناهم ع الغده ماقبلوا كالو ورانه طريق وحيل حبابين همه لتهينه بسالفه الفصل الي عدنه واليكعد بديوان يشوف اشكال والوان بالك اذا جان ضابط كل قصه شايفها اقوى من الثانيه خلصنه ودخلنه نتغده لان العصر يجي الشيخ ستلمتني سماح
سماح : عيع خويه هيه هاي هم بنيه جايبها النه شو سوده وخشمه شكبره وشعرها مفلفل صدك جذب
علاء : تحجي وانه صافن عليها كتلها شسالفه سماح
سماح : اي والله خويه صدك جذب حتى مايتباوع بوجهه اضنهم جايبين النه خدامتهم
علاء : ضليت بحيره بس كتلها واذا سوده وموحلوه قابل راح احبها هيه مجرد فترا وترد لهلها بعدين صعدتي الها اكل
سماح : لا خويه ماقبلت كالت ما اشتهي
علاء : براحتها اباوع الامي تضحك كتلها شبيج شيخه
غيده : يا يمه مايصير اضحك يعني اليوم عقد وليدي حبيبي
علاء : سكتت كلت ع هالمواصفات شلون فرحانه وامي مايعجبها العجب صعدت انام ورا الغده وما كدرت خليت بدلت ونزلت صارت ساعه 4 اجه الشيخ وكلت السماح تجيبها لان اريد اخلص مليت صاحت علينه كالت بلشو بده الشيخ يقرا ومن انطت موافقه صوتها جان حيل ناعم وهادئ كلت يلا همزين صوتها حلو خلصنه وراحو وصار الليل ودخلنه ناكل بس هم مااشتهي وسماح كالت نايمه شويه ورجعت حجت
سماح : ماطول علي وتقى كاعدين وهند وحسن اريد احجي حجايه من الصبح صارت
علاء : احجي خويه
سماح : اسمع خويه وسولفت كلشي صار الصبح وشلون تهجمت عليه وجاوزت
علي : لج تقى انه شنو كتلج ماجوزين انتي ليش تخليني اجاوز عليج هسه تكومين تعتذرين من ابوي وعمتي
علاء : صحت عليه علي المرا حقها ابنها الميت اي وحده مكانها سوي هيج وانه عاذرها وانتي تقى حاولي ضبطين اعصابج
تقى : انشالله عمي اسفه ماتتكرر
علاء : الله يرضى عليج تدرون بيه ماحب المشاكل الزايده صح لو انه غلطان
الكل : صح
علاء : جاي احجي واجه كرم هلا كرومي هلا حبيبي بسته وكتلهم انه صاعد انام سلمت وصعدت رجعت نسيت اكول شي اكلج شيخه باجر انه طالع للدوام ودو عليه
غيده : اخ يايمه شوكت تخلص من هالدوام
علاء : واجبي حجيه
غيده : محروس يمه مو طول
علاء : لا يمه ماطول بنفس اليوم ارجع
غيده : محروس بعد امك
علاء : الكل سلم عليه ورحت صعدت تمددت بفراشي ونمت شويه كعدت ساعه 1 الا عشره عطشان باوعت للماي الي بغرفتي مخلص نزلت اجيب ماي رحت شربت كلت عليمن اصعد البطل وياي خليه جوه جاي امشي جان اشوف وحده نزلت من الدرج ممبين منها شي غير شعرها واصل لركبها ومشيتها موتمام وصلت لنهايه الدرج وجان يغمى عليه وكعدت عليه لان انه من شفته ستوني صاعد الدرج ضليت واكف بمكاني طاحت عليه وكضيتها وخرت شعرها وجان اشوفها وجهه اصفر حيل هاي منو كلت شلتها خليتها ع القنفه وصحت السماح كتلها سماح سماح
سماح : خير خويه كاعد هيج وقت
علاء : هاي بنيه مادري منو نزلت واغمى عليها
سماح : يابنيه خويه حلمان
علاء : ولج لا تعاي ع القنفه محطوطه
سماح : رحت شفتها كلت عزا هاي رزق
علاء : يارزق سماح
سماح : خويه ركز شويه هاي رزق مرتك مرتك الهديه
علاء : ها مثل الي نصدمت كعدتها سماح فتحت عينها كومتها سماح
سماح : شبيج حبيبتي
رزق : راسي يوجعني ودايخه
سماح : طبعا لان بلا اكل من اجيتي لحد هسه
علاء : باوعت عليه بس شنو واحد يحجي الصراحه سبحان من خلقها وسواها ع هالجمال الي شايلته رئسا صرخت وكالت..
رزق : كعدت الدنيا سوده بعيني وبعدني دايخه لكيت سماح يمي وكلتلي شبيج كتلها راسي يوجعني ودايخه رزلتني لان ماماكله لوتدري صارلي ثلاث ايام بس ماي اشرب شسوي باوعت لكيت واحد واكف يباوع عليه صرخت كتلها سماح شالي وين شالي
سماح : لج هاي شبيج
رزق: ماشوفين هذا رجال غريب
سماح : ولج هذا الشيخ علاء رجلج
رزق : باوعت بصدمه وكال بستعلاء
علاء : انه صاعد انام وانتي سماح شوفي شنو بيها
رزق : خله وراح ضليت نايمه كتلها سماح جوعانه
سماح : اي مو تدللين
رزق : راحت وضليت افكر بالشيخ شكد عيب عطت بوجهه شويه واجت جابت اكل اكلت وشربت ماي رحت صعدت فوك بعد ماشكرتها وكلتلي قبل لا اصعد باجر كعدي من وكت حتى تسوين اكل للشيخ يطلع ساعه 6 الصبح كتلها صار صعدت غسلت وفرشت وتمددت وقتت تلفوني خمسه ونص غفيت شوي وراها دك المنبه كعدت  غسلت ولبست دشداشه لونها احمر وبيها شغل بيجي وشال بيجي ونزلت ادور بالمطبخ ضليت اطكطك وراها بشوي سمعت حمحمه وراي لتفتت شفته الشيخ كتله صباح الخير شيخ
علاء : صعدت نمت وكعدت الصبح ماخليت بالي الي صار بالليل لان مانتبهت هواي نزلت ساعه 6 الاربع شفت وحده بالمطبخ تحمحمت لتفتت عليه صفنت بوجهه كالت صباح الخير كتلها صباح النور
رزق : شيخ اسفه ع موقف البارحه
علاء : ماصار شي بنتي
رزق : شكرا كملت الريوك بعد ماطلعت روحي وانه اندل الاغراض خليته كباله كتله محتاج شي بعد شيخ
علاء : لا بنتي ماريد شي روحي نامي
رزق : ها مانام بعد لان متعوده ع كعده الصبح
علاء : براحتج
رزق : عن اذنك شيخ
علاء : اذنج وياج
رزق : صعدت ادردم شبيه هذا شايف روحه ع شنو ماتكلولي يا وليش مايشوف روحه غير شيخ وحسب ونسب قابل نفسج نطوج هديه امداج ضليت ادردم ادردم لحد مندك الباب
سماح: صباح الخير ياحلو
رزق : صباح النور حبي
سماح : يلا تعاي نتريك كلها طلعت
رزق : ليش بيش الساعه هسه
سماح : 8:30
رزق : يلا جايه وراها امشي واحجي معقوله ضليت ساعتين ونص ادردم وماحسيت بالوقت شكد فاهيه
سماح : شبيج صافنه
رزق : ماكو شي نزلت بست راس الشيخه وايدها  وصبحت عليها والبنيه هند سلمت عليها اما تقى كارهتي خير شر مادنيت يمها ولا وصلت كملت الريوك وكمت شلت الماعين كعدت اغسل بيهن
تقى : عيفي المواعين انه اغسلهن مانريدهن يتوصخن زايد
رزق : جاي ارد وحجت سماح
سماح : ماتجوزين انتي ضاهر لمن تاكلين اكله مثل ايام قبل من علي يلا توبين
تقى : ماكلت شي عمه انه اغسل
سماح : من يمته صرتي نضيفه هيج وبعدين خوش كلام تعاي غسلي وانت رزق روحي للغرفه بدلي راح يجون ناس وبيت عمي كلهم
رزق : تمام عفت المواعين ورحت لبست قفطان جويتي وشال بيجي بلون التطريز الي بالقفطان وحذاء فلات وشوي خليت حمرا وردي ماحب المكياج هالكد بس بالاعراس نزلت
غيده : صلاوات ع محمد شهالجمال يمه
رزق : شكرا يمه ربي يحفضج
سماح : وين الشيخ يجي يشوف هالجمال كله
رزق : ستحيت مايدرن الصبح كلي بنتي وهالشي حيل طمني كعدت واخذتني افكاري لان هدوء البيت بعد محد جاي كلت معقوله هذا الشيخ رجلي يعني توقعته عمره 60 اكثر مبين بعده عمره بالثلاثين نوب كلت لعد ولده وعنده احفاد بس معقوله اخوهم لجبير ويكلوله بويه يي رزق شعليج انتي سكتي كلها فترا وترجعين لاهلجً
سماح : رزق رزق رزق وين صفنتي
رزق :اسمعج سماح
سماح : صارلج ساعه صافنه
رزق : مادري هواي افكار
سماح : كومي اجو بيت عمي وابن عم ابوي وخواته وابن عمي هم موجود بعدين اسولفلج ع الكل
رزق : هذول كلهم
سماح : اي كلهم
رزق : انشالله كمت وياها دخلت للاستقبال جبير بديت اسلم عليهم وكلها تكول ماشالله حلوه وصغيره والله يهنيها وصلت لوحده جاي اسلم عليها ماردت دارت وجهه خليت ورجعت كعدت يم الشيخه وهيه اباوع عليها تباوع عليه بحقد مادري شنو السبب ماخليت بالي وياها هواي صارت ساعه 11 ونص نفسه كالت شو كاعده عيني انشالله صدكتي نفسج عروس ترا انتي كلج هديه للشيخ كلها شهر وتنكلعين
الشيخه : الضاهر مشتهيه رزاله ست سحر
سحر : ماكلت غير الصدك عمه
غيده : عمه العماج كومي انتي ساعديهم اذا هيج كلبج ع الشغل
سحر : اي ليش لا
رزق : ضليت اباوع حصرتني البجيه من ذكرتني انه هنا هديه يعني بين قوسين حالي حال الفصليه مادري شنو اكول  او شنو احجي ضليت بالعتها وساكته خلص الغده وصبوا كتلها سماح مانتاني الشيخ
سحر : وانتي شعليج بالشيخ
رزق : من باب الاحترام حجيت
سحر : كلش الضاهر تعرفين بالاحترام عدل
رزق : مارديت عليها نكلت الاكل وكتلهم اترخص انه ماشتهي اكلت الصبح
ضلت سحر وتقى يدردمن
غيده : حبيتي روحي ارتاحي يمته ماتردين تاكلين البيت بيتج
رزق : صعدت فوك وانه الحركه مشتعله بصدري شعل انه شنو سويت بحياتي حتى هيج اتجازه بس اريد افتهم شنو سويت بشنو اخطات غسلت وبدلت لبست برموده وفتحت شعري وعود كلت اتمدد شويه ماحسيت ع نفسي غير لمن عفيت فزيت وي دكه التلفون كعدت لكيته ساجد رديت
ساجد : لج بومه مشتاقلج
رزق : سلبوح شلونك شلون اهلي خواني ملك شلونها
ساجد : كلهم زينين بس الحيه اجت زعلانه
رزق : ياحيه
ساجد : لج سمر سمر
رزق : ليش ولك شبيها
ساجد : اندري ماتحجي بس تكول بعد مارجع اله لويموت
رزق : تحجي صدك ساجد
ساجد : وداعه خشمج
رزق : امداك ساجد
ساجد : مًواجيج اشك حلكج
رزق : ضحكت كتله لا ماسويها ههه
ساجد : مايهون عليه دزيلي عنوانكم انه ومحمد نريد نجي نشوفج ابوي خابر للشيخ وكله البيت بيتكم يمته ماتردون تعالو شوفها مامانعها عنكم
رزق : والله الشيخ طلع خوش شيخ احجي بداخلي اي خويه ادزلك موقع وتعال عليه
ساجد : ام الوصخ ضلت تعرف بالمواقع
رزق : الفضل الك سلبوح
ساجد : يلا حبيبتي ديري بالج ع روحج تمام
رزق : تمام حبيبي سلملي ع امي وكلها خلي تخابر عليه بس مو هسه على ما انطي خبر للشيخ ترا انه عندي تلفون
ساجد : اصيله اخيتي يلا في امان الله روحي
رزق : في امان الله حبيبي سديت الخط منه وكمت غسلت وجهي وجاي الم شعري وماشوف غير ......

___________*
لاتنسون ضيفوني ع صفحه الفيس بوك

https://www.facebook.com/profile.php?id=100087899666498&mibextid=LQQJ4d
ورابط قناه التيليجرام

https://t.me/zainabakeel9

بالنسبه لصفحه الانستغرام فتهكرت او نحذفت من الشركه مادري دعمكم وتصويتكم حبايبي

........................./////
الى هنا انتهى البارت اتمنى ينال اعجابكم

الكاتبه زينب عقيل الموسوي