أسيرة هوس السادي 18+(كتاب تابع تكملة القصة هنا)

الفصل 3: قلوب محترقة (تتمة ح186)

شروط التنزيل : فوط★ + ماكس كمنتار ❤❤
♨ تتمة الحلقة 186♨
👑 بقلمي ✍: #أناييس_مانو 👑

مهى: ننن صافا.. مابيا والو.. كشما بانلك عليا؟
آية: قلتلك هادنة على غير لعادة.. حيرتيني وخفت تكوني زعفانة مني ماديتكش معايا نحيتي شوي على بالك و
مهى: ننن جاامي يروح بالك لبعيد هك.. تهناي مازعفت ما والو.. وساكتة مانفحليش توانيس برك
آية: شفتي تحشينا وسطهم خلطونا معاهم نوضي ندورو فالجنينة ونتوانسو أليييز
نوضتها قبل ماتلحق ترفض كروشات فذراعها و سرحو رجليهم يتساراو فالجنينة يفضفضو
آية: تصدقي فقدتكم هاجر.. قالت كون تلاقينا في ربعة نشطنا وفوجينا كثر
مهى: يجيها لخير حبابة الطفلة ذيك شحال تعجبني منين تجينا تزهينا بايجابيتها
آية: شفتيها.. حلوة خفيفة تدخل للقلب بلخف
مهى: انت لي تتعاشري مكش قفيفزة طايرة كي تبان عليك
آية: ههه‍ه نتي لمليحة اختي كملي خيرك واشكريني قدامهم سيرتو ماما كشما تعتقني من ديسك "كيف تكوني الزوجة الصالحة"
تفلقو بالضحك تفرشو هذي تتكى على ختها.. فنفس لوقت دخل أمان ومراد من برا.. لوح سلام عالعيلة مراد جمع معاهم ما أمان جهد قشع مهى تضيحك مع آية.. تحمل راحلهم مافاقوش بيه حتى هد عليهم موجه كلامو لمرتو
أمان: خارج لا حابة تخرجي هيا معايا
مهى: جمعت راسها: خارج؟ وين رايح ليل ليل و
آية: قاطعتها: سي مازال لحال والنسمة تهوبل.. همستلها: روحي معاه تفوجي شوي يختي فرصة من ذهب جاتك بلا عكيس تجي غير فيك
غمزتها وسخرت متبسمة بتبهليل لأمان
آية: طريق السلامة.. وعندك على رواحكم
أمان: بلا توصي
آية: قصدي عالسوڨة فالطريق وو
غطات فمها بيعتلهم وهرولت وين لمة لعيلة بركت معاهم حاضيتهم مالبعد..

وقفو لدقايق هدرو منين شافتها دخلت فبالها رفضت تخرج معاه عفست لرض بغزول خمت تنوض تلحقها وتقنعها تبدل رايها.. مع جات تتهمز بانتلها خرجت موجدة روحها هازة بوشات ولابسة صندالة پلا.. لاقاها أمان فدرج لقصر مشاو جنب بعض لين وقفو قدام لعيلة.. سهام عبرتهم بشوفات خاطفة وسألت مهى
سهام: ڨبالتي هازة لبوشات.. واش خارجين؟!
أمان: اممم.. نديرو دورة خفيفة ونوليو
سهام: فالوقت هذا!! راح لحال فككم مم
الكاملة: قاطعتها: حبو يخرجو يخرجو خليهم على راحتهم ا سهام
سهام: طاح الليل.. وين رايحين فالظلمة مش ملزومين يخرجو درك يأجلوها لغدوة نهار عافية ولا حبو فالليل ورا لفطور بعد يسهلو
أمان: مادام ربي معانا مايصرا والو.. يله سلام
جر مهى وزرب خرج خلاها وراه تنكر ولكاملة ترطب معاها وخاوتو يهدنو.. مع ركبو ديمارا ديراكت مجهد فالسوڨان مبعد عالقصر.. نطقها بلا هواها
مهى: سوڨ بلعقل لواه مزرووب !!
أمان: به نربحو لوقت.. جهدنا نلحقو نوصلو
مهى: علاه وين مدينا؟
أمان: للاڥيييل
مهى: وش رح نديرو تم؟
أمان: نحوسو نفوجييو..علابالي نهار كوپلي فالدار تغميتي
لمجرد خمم فراحتها برك فرحها مابالك فكر فالخرجة وماتهنى حتى خرجها صح وهاهي راكبة حذاه.. ماردتلوش بقات حاظية الطريق راسمة تبسيمة صغيرة زينت ثغرها ونورت وجهها.. حس بنجاح اول خطوة ترخف تلقائيا وبدا يطلعلو لمورال كمل سوڨان مرتاح لبال..