أسيرة هوس السادي 18+(كتاب تابع تكملة القصة هنا)

الفصل الثالث: قلوب محترقة (ح184)

شروط التنزيل : فوط★ + ماكس كمنتار ❤❤
♨ الحلقة 184♨
👑 بقلمي ✍: #أناييس_مانو 👑

آية بلاما تفيق طلقت راسها تتوانس تجاوب مندمجة ولأول مرة تطول حوار بعد هدرتها مع خليل لي زي الاطرش فالزفة يقلب فراسو لين لحقو للوطو قاطعهم محدث آية
خليل: لا كملتو.. اركبي
آية: خلينا شوي ملباك ماتلاقيتهمش
سمية: ومن آخر يوم استفقدناك والله
خليل: صحابات؟
فريال: تقدرو تقول هههه
هدى: وبالاك نتفاهمو نقراو فبرونش واحد ههههه
خليل: نشاء الله.. اركبو مالا وكملو توانسو بيزمان وصلناكم
آية: اييه ومنها نحفظ بيوتكم نتلاقاو بزااف
البنات: مرحبااا ا صحبتي تشرفنا رفقتكم
تنشوها بالتسلام وزاحمو ركبو.. تلفتتلو تشكر
آية: مرسي عالجاست
خليل: بلا جميل.. مهم تكوني فرحانة
آية: رحمة ربي حمد الله على كل حال
خليل: هذيك هي.. ديري رحمة ربي فبالك شوفي صحاباتك كل وحدة بڨداه داتو ونتي جبتيه خير منهم وهاهم قانعيين بما عطاهم ربي
آية: مش مسألة قناعة افهموني عيشكم.. مانيش معترضة على قسم ربي.. بتنهيدة مالقلب: جيست تفرشت وخاب ظني.. عولت نخدم كثر بصح مانلتش وش حبيت ولا تمنييت
خليل: ماتشكيش فروحك.. نتي فحلة قريتي تعبتي درت جهدك.. الظروف ماساعدتكش وربي ماكتبلكش ما كثر.. قولي حمد الله عساه خير ماتدري
تبسمتلو بلا هواها وهزتلو راسها بايه داعب خدها بحنية للحظات عاد تفرقو لكراسى لقدام ركبو ديمارا موصل لبنات منبعد يروحو

بقية النهار فات راحة على أغلبية العيلة شافو آية بعد رجعتها بنفسية خير من قبل قعدت معاهم حكاتلهم كلشي صرالهم..ومنها ترخفت فوتت بقية لوقت تجماع وتوانيس كل مرة مع ڨروب لين لحقت العشية.. لكاملة ورحمة وسهام ناضو للكوزينة.. ولبنات كملو تبركيك
شهد: لأمنية: لاه ديري فالحيلة جبتي أديب وخليتي خاوتو فالبيت
أمنية: أحمد مش أديب.. خليتهم راقدين ياسين عاسهم وجبت وليدي لي نومو مروي لا فاق يبكي نسكتو بلخف
شهد: مازال بكاي الشوكاع هههه
أمنية: ولدي مش بكاي وشوكاع
مروة: اه ولدها يبكي يدير مندبة برك هههه
ضحكو وآية تبسمت فحين منمن ميقت فيهم تتحلف زعما
أمنية: ياك ضحكتو على ولدي ملايكة اه.. لي شفت سنيها الليلة تبات بلا عشاء.. سمعتووو
طرشقو بالضحك يتغالاو يحللو زعما وآية لزت ليها تطل على أحمد وتبوس جبينو
آية: رتاح شوي؟!
أمنية: شوية.. مازال فيه الترغدييين يبكي مايسكت حتى يقسملي قلبي
آية: اللطف عليك وعليه.. بشفاء لعاجل
أمنية: آميين.. ويحفظك ليا اعزيزتي
باست راسها ورجعو ادمجو مع لبقية.. آية شاف من ومن فقدت مهى
آية: مهى مازلت راقدة؟
شهد: واقيلا

هاجر: بطات فاتت ال5 كون نوضتوها خير
سلوى: دخلت: ينوضو الريح.. البنت ماكانش خرجت قبيل
أمنية: وقتاه؟ ماشفناهاش ياك غير لخير
سلوى: علمي علمك.. راحت مع راجلها
شهد: نعيط نفقدهم ونطمنو
نفذت عيطتلها حكاو لدقايق وقطعت متبسمة
شهد: طمنو لزوز لباس.. أمان خدام وداها معاه تمد رايها فما يخص لوتال ومنها دارت شوبينڨ شرات مايلزمها
أمنية: غير كي عادو لباس برك
سلوى: لباس وش يخصها خرجات وتحواس يجعل سعد لبنات كل زيها
آية: نشاء الله.. كي تجي نحمدلها سلامتها عرفت لي قسحت ذراعها لبارح بلا قصد
سلوى: قصدت ولالا ضريتيها ماعيات لبارح فالسبيطار
آية: ا ربي.. وش درت فذراعها
تنطرت مهولة على شعرة تبكي ناضت هاجر حكمتها أمنية تجبد تقعدها ولبقية حكاولها فهموها بشوي حتى هدنوها.. وسلوى باركة تتفرج متعجبة فخلق ربي كلاها فمها نبشتهم
سلوى: الندامة تجي علخر.. سمعتي وعرفتي وش درتي بانهيارك كل مرة وخذة شكل
شهد: مرت عمي حبسي من تخلاط الهدرة
سلوى: نصحتها مالي كارهتها.. كون جات ليا نهزك لطبيب اعصاب يشوف حالتك يمدلك كاض دواء يهدنك فحالات هيجانك
آية: بعصبية: مانيش مريضة ماهبلتش اعرفي ماتهدري