أسيرة هوس السادي 18+(كتاب تابع تكملة القصة هنا)

الفصل الثالث: قلوب محترقة (ح170)

شروط التنزيل : فوط★ + ماكس كمنتار ❤❤
♨ الحلقة 170♨
👑 بقلمي ✍: #أناييس_مانو 👑

بالرغية ذيك تلمو كامل يتغالاو وش كاين وش صرا؟! حد مانطق ماقدر يجاوب نحيب الثلاثة بالغصة ذيك خلا البنات يدمعو بسيف وهذي تعنق هذيك يشاحقو!! أسد وحل يفك امنية من وسطهم ماطلقوهاش خلاوه يجعر.. الرجال مافهمو وزة حيحو يرعرعو يسكتو هذي وهذيك والو وحدة ماسكتت.. رحمة قشعت بركاهم وسط المعماعة حاظية منمن وتدمع فصمت.. تلاحت عليها تخض وتغوث
رحمة: وش درتيلها وش درررت لبنتي انطقي
بركاهم: مادرتلها والو.. مكتوبها هذااك قريتلها الكف وقلتلها وش يستنى فيها
مراد: اشش تززمري نتي شكوون هذي؟!
آية: شواافة.. شكون جابها وش قلتيلها احكي
بركاهم: لمكتوب لي مامنو هرووب.. رح
الكاملة: قاطعتها: خلااص اسككتتت يززي ماهدرررتي
أمنية: غمت لحكاية تشحق: ماقاتلي واالوو.. تفكرت وش صرالي لبااارح
أسد: وااعبااد بركاااو مالندااب اسكتتووو.. زدتووو علييهاا
نوضها من حضن الكاملة خرج مسندها طلعها لغرفتهم ديراطت للدوش غسللها ورجعها للسرير تكاها وتجبد حذاها لازها ليه يسكت
أسد: اشش يزي هاني معاك نتي عندي ولباس
أمنية: وش ذنبي ا ربي اهءاهء باه قصتهم لي يجي يبليني ويرزيني فصحتي
أسد:نحاسبهم بالواحد ماتخميش... اشش حبسي بكى اسكتتتي طيبتي عويناتك وقلبي معاهم
شحقت بغصة لزها ليه زيرها يرضي ويواسي قلبو وعقلو تحرقو جرة ماصاري فيها

لتحت بسيف تفرقت الحالة... لبنات جمعو حالتهم وزادو يغسلو.. الكاملة صرفت بركاهم ودخلت تولاتها رحمة بالأسئلة دموعها سبالة داتها لجهة بعيدة لا كشمن يسمعها وعاودتلها هدرة بركاهم.. حرقتلها قلبها صوا صوا على بنتها.. بكات طابو عينيها لكاملة مافارقتهاش بقات مواسية تبكي معاه فشو قلوبهم ونوض صداع روسهم رح تطرشق عاد قصو بكاء ودخلو غسلو وتجمعو فالصالون
الكاملة: أنا لي جبت المخلووقة
أمان: علاه جايبتها وش حاجتك بڨزاانة!!
خليل: ڨزاانة! كملت ملبارح لليوم قلبتو الدار سوڨ هذا داخل هذا خارج.. غير خييير؟!!
الكاملة: جبتها على وش صرت لبارح
حكاتلهم اختصار بلاما تفصل كلام بركاهم
أسد بعدما دات امنية غمضة خلاها ترتاح ونزل يفهم الروي لي صاير لحق على كلامها دخل مخنزر يرعرع
أسد: وأنا ويين من زززمرر پلاااناتك هذو كل ولييت اخر من يعلم ونعلم روطار حتى يفوت لفووووت !!
الكاملة: شفتك لي فيك يكفييك ماحبيتش نزيد عليك.. وتكفلت بلاما نسمع حد حتى نعرف شكون سبابها وقتها نسمعك نسمعكم كامل
أسد: ماهوش مبرر خصك تسمعنيي أول بأول بزاايد ماخبيتو عليا بزاااايد ا عباااد الله
خليل شافو يرجف بكلو تنطر سندو وقعدو فالنص بينو وبين الكاملة.. تولاوه يهدنو زمان حتى ترخف يشهد ويستغفر
أمير: اييه والحل درك؟ كيفاه فادتنا هذيك
الكاملة: رح دلني على السحارة
آية: بفرحة: آخيييرا رح نلقاو وجه الشرر الكللبة لي تبلااات ختي ومرضتها.. حمد الله ياربي بويسك الشاارفة الكاافرة ماحبتش تقوللنا حرف
الكاملة: حسابهم عسير وكلو ربي عليهم.. تنهدت: غدوة نروح للكافرة لوخرى نشوف حسابي معاها
أسد: غدوة نديك بنفسي.. وزيدي خبي غدوة عليا حاجة
أمير: تلهى بمرتك برك.. غدوة نتكفل وندير اللازم
امان: هاي محلولة نشاء الله
حسام: آميين.. وقف: على سلامتها نروحو حنا برك.. شهد يله
جاد: سيرين قدامي
سيرين: مكبشة فعمتها: نونو مانيش.. بايتة هنا
جاد: بجدية: سيييرين.. غزرتلو مدمعة حللها يديه: يله ا بابا تباتي فالدار ماماك تبقى محيرة عليك وغدوة صباح نجيبك
شهد: خليها تبات معايا
حسام: بايتة!! مع من تشاورتي؟!
رحمة: وقفت متدخلة: زيدو ف4 قدامي نهدرو لبرا