أسيرة هوس السادي 18+(كتاب تابع تكملة القصة هنا)

الفصل 3: قلوب محترقة (تتمة ح183)

شروط التنزيل : فوط★ + ماكس كمنتار ❤❤
عسلاتي مشكورييين لتعليقاتكم بين الفقرات😘😘
♨ تتمة الحلقة 183♨
👑 بقلمي ✍: #أناييس_مانو 👑

على كلامو رغات آية وبلحرارة ترمات فحضن امها تسلم فرحانة تردد
آية: "نجحت ا يما افرحيلي اونفا نجحت سايي "
رحمة: زيرتها بتعنيقة قوية: مبروك مبروك اكبدي الف مبروك نجاحك دوام فرحك نشاء الله
عالمنظر أذاك تزعزعو لحاضرين ولبنات طلقو حلوقهم يزغرتو ويعاودو لكبار يباركو ملبعد خلاوها بين امها واختها متناوبين يحضنو يمحشو ويباركو.. سخفو خليل فات قدامهم وبخفة خطفها منهم نوضها ترمات حضنتو طايرة مالفرحة.. زيرها بتعنيقة حميمية يبارك ويسلم على راسها بمعزة
خليل: نجحتي نجحتيلي ا صغرونة نجحتي نزيد نفتخر بيك كثر
آية: حمد الله ولفضل ليك ليكم كل بعد ربي سبحانو هههه
رحمة: سعدي بيك رفعتيلي راسي
أمنية: وديما ترفيعلنا روسنا نشاء الله
الكل: نشاء الله
توافدو بالدالة يباركو يهنؤوها بفرحة يخطفو فيها خطيف.. طبست لسهام عنقتها باركت ودعاتها بدوام النجاح مالقلب.. زادت لسلوى لاتصنع لامبالغة دارت الصواب فقط.. جروها لبنات مهى وهاجر عنقوها مالجهتين ينكزو يضحكو محيحين مشاركينها فرحتها
رحمة: شادة فخليل: ولدي ياك مأكد
خليل: بيانسير وهذي فيها تمسخير
سهام: ياك قالنا شافها بذات نفسي
الكاملة: وين وكيفاه شفتيها؟!
خليل: عند واحد معريفة خوه فلاكاديمي شافلي روحت ديراكت لليسي تأكد مالمدير وجيت بشرتكم
رحمة: يكثر خيرهم وخيرك سامحنا جريناك فلقوايل
خليل: حاشا.. وبلا مزية درت واجبي
أمنية: لا ماجراش على مرتو على من يجري ربي يغفرلك ا يماا.. ضحكو كل
سلوى: ماقلتيلناش بڨداه داتو
خليل: مهم داتو مايهمش بڨداه
آية: سي يهم يهم بزااف.. شحال جبتو شحال
مروة: تحل السييت
مهى: مام عندي.. دقيقة نشوفو ونقولولك

مهى مروة هاجر بتليفونات دخلو معلوماتها وعاودو معافرين مع الضغط عالنات الناس كل تضرب طلة تفقد المترشحين من قريب او بعيد.. آية وسطهم من تليفون لتليفون تحشي راسها تفقد وخليل يجبد فيها يكرر
خليل:"نجحتي هذا لمفيد افرحي اسح لمعدل مش هارب"
أمنية: وسوسها جبدتو ليها: يخي داتو؟!
خليل: اييه داتو واش ماكمش مأمنيني ؟!
أمنية: لا حاشا.. شفتك مكش.. تخالي: بڨداه داتو؟!
خليل: هنا لمندبة.. مش حابها تعرف درك.. اوموا تفرح زي الناس كل ومنبعد تعرف لمعدل
أمنية: شحقت: ماتقولش طايح؟!
هبط عينيه بأسف رعبها كثر خافت على ختها جرات تنوضها آية تعوجت ولصقت فبلاصتها ملهوفة تشوف معدلها..رغاو لبنات فرد وقت خرجتلهم النتيجة
مروة: ناجحة الف مبروك
هاجر: بتقدير جيد
مهى: جبتيه ب 14,80 ا حبيبة.. الف مبروك
آية: بصدمة: 14,80 بررك ؟!
خطفت تليفون تقرا وتعاود.. لبنات حماوها بالزغاريت الكبار يهنؤو رحمة يكبرو ويهللو.. ما آية يبست هكاك بالتليفون..تشوف ومكذبة  عينيها.. تقرا ومش مصدقة وش خرجلها.. 14,80!! عدد ب4 شيفرات وفاصلة.. كان حد لفرحتها.. وزعزعة لنفسيتها.. أحلامها طارو أمنياتها تشتتو.. مجرد رقم وضع نهاية لتطلعات مستقبلها.. رقم كان حطامها.. بدات ترجف مخها يزنزن زيرت تليفون تنهج تنهج وطلقت رغية من اعماقها رغية ألم خسران والتحطم للا شي.. هولتهم بيها قصو هرج مصدومين فيها.. هزتها بالبكاء تغرد بالصوت
آية: ماتفرحوليش ماتزغتوش مانجحتش ماديتوش ب14 ماديتوش مانتساماش ديتو 14ماتسوى والو ماهيش خدمتي ا ربي سيدي
أمنية عافرت تشدها تنطرت منها تعرش