ماطلبت عذرك أنا نفسي عزيزة

Part : 33

( نروح لمكان ثاني )

جالس ينظف المحل ما بين المحلات كلها قفلت ومابقى غير محله مفتوح بدا يجمع اغراضه رفع راسه من سمع صوت الشخص اللي تكلم
رجال بضحكه : لحمدلله عالسلامة ماتوقعـ..ت( قطع كلامه من لاحظ الشخص القدامه متلثم  وعيونه  ابد ما تشبهه عيون عبدالمحسن ) عفوا انت عبدالمحسن ؟
تكلم سياف ببتسامة : انا منيب عبدالمحسن بيدوام باكر انا خويه
الرجال برتباك : اهاا معليش حسبتك هو سمعت انه طلع من المستشفى وجيت اتحمد له بالسلامه واستغربت يوم شفتك حسبتك هو معليش
سياف : لا ابد عادي
الرجال : يلا انا استاذن اجي بوقت ثاني
سياف ابتسم نص ابتسامه وقال بهدوء : حياك باي وقت
جا الرجال بيطلع بس تفأجا من شاف اثنين يمسكونه  وطاح شي من جيبه،
متعب  نزل نظره للارض يشوف الشي اللي طاح وانصدم من شاف سكين: انت  يالحيوان ماتتوب  هاه ماتتوب ؟
حمدان : متعب امسكه عدل انتبه يهرب
الرجال بنرفزه وهو يحاول يفك نفسه منهم : ابعد انت وياه احسنلكم لا
سياف بضحكه مستفزه وهو يقرب من الشخص اللي قدامه ويمسك وجهه : لا وش ؟ وش بتسوي ؟ وفر تهديدك وكلامك كله للشرطه متعب اتصل بالشرطه
متعب : تمام ( بعد متعب عن الشخص يتصل بالشرطه وثتبه  سياف وحمدان عدل حتى لا يهرب )
سياف : مابغيت والله نشوفك ؟
حمدان : ماتوقعنا عاد بتجيلنا برجولك من اليوم الاول حسافه والله حسبنا بيكون جو اكشن ونجلس نطارد وراك زي الفلام ونعيش دور  ومدري وش بس تراك خفيف جاي من ليوم الاول ؟
متعب بضحكه: صدق تخيل عاد نعيش جو اكشن ومغامرات ونطارد وراه الله الله بس
سياف بضحكه : وش بلاني  مع مخبولين  انا ؟
حمدان بضحكه: القدر يالخوي القدر
متعب : اسمع صوت سيارات الشرطه
حمدان : مسرع وصلو بس ماعلينا لمهم اخيرا بنفتك من وجهك بس لا اوصيك تفتن على اخوياك اللي كانو معك
سياف : الرجال ساكت مصدوم من خبالكم
وبعدها طلغ سياف من المحل وهو يشيل اللثام عن وجهه وتقدم من سياره الشرطه اللي نزلو منها اثنين : وين المجرم ؟
سياف : اشر لهم بمعنى داخل
تقدمو الشرطيين للمحل وانصدمو من شافوه مربوط ،
الشرطي : وش صار هنا ؟
سياف : ابد حاول يطعني يحسبني خوي اللي كانو بيقتلونه هو واللي كانو معه ومسكناه بسرعه وربطناه عشان لا يهرب
الشرطي : اها لا تخافون بنمسك الباقي باذن الله ونشكركم لانكم سهلتو لنا المهمه
اكتفى سياف ببتسامة وناظر لحمدان ومتعب اللي كانو يتناقرون بالوقت الغلط وتنهد براحه وهو يحس الهم انزاح عن صدره  هو صحيح تطمن لانهم مسكو الشخص اللي كان سبب بكلشي  بس للحين خايف من الباقي اللي بعدها الشرطه مامسكتهم مو خايف منهم الا خايف على اخوانه الاثنين سعود ورائد وخايف على خالد ومتعب واخوياه ،
الشرطي حط الكلبشات في يدين المجرم وطلعوه معهم
الناس بدت تتجمع وتناظر بصدمه ،
طلع سياف من المحل مع حمدان ومتعب وقفلو المحل وحط سياف المفتايح بمخباه وهو يركب بسياره حمدان يسوقها ،
حمدان ركب قدام ومتعب ورا ، توجهوون لبيت الشيخ ابو عمر
ونزل سياف وهو يدق الباب وينفض ثوبه ،
طلع ابو عمر من البيت وابتسم من شاف سياف : هلابك ياوليدي بغيت حاجه
ابتسم سياف وطلع المفاتيح وهو يمدها لا ابو عمر : ابد ياعم لحمدلله صار اللي ابيه ونويته وهاذي مفتايح محل عبدالمحسن خلها معك لين يطلع بسلامه
ابو عمر ابتسم بفرحه وهو يناظر بسياف : لحمدلله يعني افهم من كلامكم انهم انمسكو ؟
سياف : انمسك اللي كان السبب  المشكله من البدايه والباقي ان شاءالله بيمسكونهم قريب
ابو عمر : لحمدلله عسى ينمسكون كلهم ونفك الخلق من اذاءهم
سياف : ان شاءالله امسك ياعم هاذيلا حق العزيمه والذبايح
ابو عمر بضيق : شيل فلوسك وانا عمك ما ابغى منك حاجه لا تزعلني
انا زي ابوك وانتم عارفين غلاتكم عندي وان احتجت حاجه ثانيه لا تتردد ولو للحظه انك تجيلي
سياف رجع الفلوس بمخباه وابتسم : ان شاء الله ياعم لا توصي يلا بالأذن
ابو عمر : لا والله ماتروح الا تتقهوة عندي
سياف : لا تحلف علي ياعم ما اقدر والله برجع لسعود ولباقي ينتظروني
ابو عمر : خلاص اجل بس المره الجايه تتقهوة عندي
سياف مسك شاربه وقال : ابشر ياعم وعد مني المره الجايه بتقهوه عندك
ابتسم ابو عمر وودع سياف ودخل للبيت وهو يبشر زوجته باللي صار ،
سياف ركب السيارة وناظر بحمدان ومتعب : حمدان تقلط عندنا ؟
حمدان : لا تكفى تعبان والله  المره الجاي أن شاء الله اجيلكم انا وزوجتي
ان شاء الله بعد
سياف : ان شاءالله اجل تعال سوق نزلني انا ومتعب عند البيت
حمدان ابتسم ونزل يسوق وسياف جلس بمكان حمدان ،