𝒀𝐞𝐬 𝒕𝐨 𝑯𝐞𝐚𝐯𝐞𝐧

CITEȘTI

Fanfiction

Cold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...

#1970s #angst #coldwar #drama #jungkook #kookv #onesidedlove #sacrifice #taehyung #taekook

Part 9

Începe de la început

de AureumV

"သူဌေးမင်းJeonနဲ့ နေရာတာ ခင်ဗျားမကြောက်ဘူးလား။ ကျွန်တော်တို့ အသက်ကိုဖက်နဲ့ ထုပ်ထားရတဲ့အထိကို ကြောက်သွားတာ"

"ဘယ်လိုဖြစ်လို့လဲ"

"အသွားမတော်တစ်လှမ်းလို့ပဲဆိုရမှာပေါ့ဗျာ။ ကျွန်တော် သူ့ကို စိတ္တဇလို့တောင် ထင်သွားတာ"

Antonက ဇာတ်လမ်းတစ်ပုဒ်ပြောပြနေသလို တည်တည်ငြိမ်ငြိမ်နဲ့ ပေါ့ပေါ့ပါးပါးသာ ပြောလျက်ရှိသည်။ သို့သော် Taehyungကတော့ မျက်မှောင်ကြုတ်လျက် Jeon JungKookကို မသင်္ကာစိတ်တွေ အလုံးအရင်းလိုက် ဝင်ရောက်နှင့်ပြီးသား။

"ဘာ..ဘာဖြစ်တာလဲ"

"ဪ.. ကျွန်တော့်ကို သေနတ်နဲ့ပစ်သတ်မလို့ နည်းနည်းပဲလိုတယ်။ ပြီးတော့ သေနတ်မပစ်ဘဲ လည်ပင်းညစ်တာ.. အသက်တောင် ထွက်တော့မလားလို့ ထင်ရတယ်ဗျာ။ တော်သေးတာပေါ့.. သူ့တပည့်လေး အချိန်မီရောက်လာလို့"

"Anton.. ဒါတွေက မင်းဘယ်လိုတောင် ပေါ့ပေါ့ပါးပါးပြောနိုင်ရတာလဲ။ Jeon JungKookက မင်းကို သတ်ဖို့ကြိုးစားခဲ့တာလေ"

Jeon JungKookက Antonကို သတ်မလို့တဲ့လား။ ဒါတောင် ခုနက သူAntonအကြောင်းပြောတော့ ဘာမှမဖြစ်သလိုပုံစံနှင့် လိုက်ပို့သေးတာ။ ဟန်ဆောင်ကောင်းလိုက်တာ၊ သူ့ကိုယ်သူ ခြောက်ပစ်ကင်း သဲလဲစင်သူကြီးလို ပီပီပြင်ပြင်သရုပ်ဆောင်လိုက်ပုံများ။

ထိုသို့ဖြစ်လာလေ သူAntonကို ကာကွယ်ပေးချင်မိလေ။ ကိုယ်တိုင်တောင်မလွတ်မြောက်နိုင်တဲ့လူက Antonလို အမြဲတက်ကြွအားအင်ပြည့်နေသူကို ကာကွယ်ပေးချင်တယ်တဲ့လား။

"ငါကပဲ သူ့အစား တောင်းပန်ပါတယ်"

"ခင်ဗျားအမှားမှမဟုတ်တာ။ သူကလည်း စိတ္တဇတစ်ယောက်သက်သက်ပဲလေ။ ဆေးတောင် သောက်နေရတဲ့လူပဲဟာ.."

"ဆေး.. ဘာဆေးကို ပြောတာလဲ"

"ကျွန်တော်လည်း အတိအကျတော့ မသိဘူး။ သူ့တပည့်က ဆေးလာတိုက်တာပဲ မြင်လိုက်တာ"

ကိုယ့်ကိစ္စမဟုတ်ပေမဲ့ ဘာဆေးတွေလဲ Taehyung တကယ်သိချင်သွားသည်။ ဟင့်အင်း.. သိရမှ ဖြစ်မည်။ Jeon JungKook၏ အားနည်းချက်ဖြစ်လာနိုင်သည့် အရာရာတိုင်းကို စုံစမ်းရမှ ဖြစ်လိမ့်မည်။
သူလွတ်မြောက်နိုင်ဖို့ အခွင့်အရေးတစ်ခု ဖြစ်သွားနိုင်တာပဲ မဟုတ်လား။