رائد : ياملسونه
وديان بزعل : خير
رائد : شويه احترام؟ تراني اكبر عنش
وديان : زيين
رائد : زعلانه لحلوه ؟
وديان : يعني وش متوقع
رائد : افا يعني ترضيين على سياف وماترضين على اخوش رائد حبيبش؟
وديان : عل اقل اخوي الكبير رضاني مب زي بعض ناس مادرو عن اختهم
رائد بضحكه: ارضيش بعيسكريم ومفرحات ؟
وديان : يعني هاه قبلت عرضك بس في احسن؟
رائد : ودش اجيب المويه عنش من البير لسبوع ؟
وديان : موافقههه موافقه بدون تفكير بعد
رائد ضحك وركز بنظره على طريق : ابشري
الهنوف ابتسمت وهي تسمع سوالف اخوانها وديان ورائد ، ترف كانت نايمه بحضن تنوف اللي كانت حاطه سماعاتها وتسمع اغاني ،وتفكيرها مع سياف وتصرفاته المتناقضة والغريبه ،
( نروح لحمدان )
نزل من سياره ودخل للبيت شاف اعتام وعبير نايمين بالصاله ومسويين فشار وحاطين فلم ابتسم وصحاهم ينامون داخل ، قامت اعتام و عبير بتثاقل عبير تمشى قدام واعتام تلحقها دخلو لغرفه ضيوف وانسدحو الاثنين بعشوائية كتم حمدان ضحكته وغطاهم ودخل لغرفته وانسدح عالسرير بتعب وهو يدعي يعدي بكرا على خير ،
هتان ودعت الريم من جاها اتصال من رائد انه وصل
وركبت بالسياره بالنص بين وديان وتنوف ابتسمت من شافت ترف النايمه وناظرت لرائد وهي ودها تحارشه
هتان : رائد
رائد : هلابك
هتان : راسك مربع
رائد : وراسش مثلث
هتان :اففففف منك لمهم خاطري بدونات
رائد : ابشري يجيلش
هتان : الله طلعت كريم
رائد ناظر هتان وعقد حاجبه وكتم ضحكته وكمل سواقه بدون لا يرد عليها ،
( نروح لبيت عائلة الجد عبدالله )
الجد عبدالله ببتسامة: هلابكك ياوليدي وينك من صباح من صحيت ماشفتك ولا تقهويت معي
سياف ببتسامة : سموحه ابوي انشغلت والله ( تقدم سياف وهو يحب راس جده ) تدري بي ما اقدر اطلع بدون ما اتقهوى معك بس انشغلت يالغالي
ابتسم الجد عبدالله وناظر بسعود : اجلس وانا جدك شفيك واقف ماهو بزيين لك
سعود ببتسامة: مرتاح بالوقفه لا تشيل همي
سياف : سعود تعال اقرب اجلس قربي
سعود اكتفى في ابتسامه وجلس قرب سياف ،
ابو سعود : رائد وانا ابوك ابيكم تروحون للعزبه تذبحون عشر ذبائح وترسلهم لا عمكم ابو عمر
رائد : سم يبه
خالد : ان شاء الله
متعب : بجي معكم
خالد : لا تكفى اجلس هنا بنروح انا و رائد
رائد بضحكه : صدق ما نبغاك نستغني عن مساعدتك هالمره سياف وسعود يحتاجونك اكثر
متعب : اما لو ادري سعودي وسيافي يحتاجون خدماتي ماعرضت المساعده
سياف : الله يوهقكم خذوه معكم
سعود : لا عاد شيلوه معكم
رائد بضحكه وهو يركض : الله يعينكم على ما ابتلاكم
خالد بضحكه وهو يركض يلحق رائد : الله يعينكم يلا مع سلامه
سياف : ايالحيوان
متعب وهو يجلس بين سعود وسياف : اي قولو لي تحبوني ؟
سياف بتنهيده : لا
متعب: طيب معجبين فيني ؟
سعود : لا
متعب: طب انا حلوو؟
سعود: لا بعد
متعب : متاكدين؟ ولا معجبين ؟
سياف بهمس : حسبي الله على ابليسك يا رائد انت والخبل ثاني معك
متعب : وش جالس تقول ؟
سياف : ولا حاجه اسكت بس
ابو متعب وهو يدقق بسياف : لحمدلله وانا عمك اخيرا شلت الجبيره
سياف ببتسامة: ايه ياعم لحمدلله
الجد عبدالله : لحمدلله
ابو سعود : الا دام شلت الجبيره بترجع تدرب صحيح وانا ابوك ؟
سياف : ايه يبه
ابو تنوف : الله يوفقك وانا عمك
ابتسم سياف وتنحنح سعود ،
الجد عبدالله : بغيت تقول شي وانا جدك؟
سعود : ايييه ياجد أفكر ارجع ادرب بعد
ابو سعود ببتسامة: هاذي الساعه المباركة من البدايه وانا ابوك قلت لك لا تترك تدريب وانت عارف انها هاويتك ومصدر رزقك
سعود : ماحبيت يبه اترك العزبه الشغل كله عليكم
الجد عبدالله : وين وانا جدك الشغل علينا ؟ انت وسياف ماتدربون غير بالأسبوع مرتين او ثلاث ايام وباقي الايام تشتغلون مع رائد وخالد بالعزبه
ابو سعود : ايبالله صدق
سياف بهمس : يعني اخيرا بتنور السطبل ؟
سعود بضحكه : ايهه وبنشب لك انت وحمدان
سياف بضحكه : عسل على قلبي ياشيخ
سعود : غصب عنك يالحلو
سياف : فديتك
سعود : علني افداك
متعب بهمس لسعود وسياف : الله يقرفكم شفيكم قلبتو غزل ماعرفتكم اثنينكم
سعود: والله انك انت مفسد اللحظات الحلوه مب بخالد
سياف : بيني وبين سعود أنت شدخلك؟
متعب : الباب دخلني
ابو متعب بضحكه: علو اصواتكم نبي نسمع ترا
ضحك سياف وسعود وضحك الجد عبدالله وابو سعود والباقي ،
YOU ARE READING
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
Part : 32
Start from the beginning
