مساء الجمال وأواصل تنزيل البارتات ،
و شكراً بحجم السماء لكم : )
-
هيثم دفع عامر بقوة و قام يمسح شفايفه و بسرعه بان الإحمرار
على أذنه ..
هيثم و هو يتنفس بسرعه : أشوفك لما أرجع .. لا تكثر شرب ..
بعد هيثم للباب إلا سحبته يد عامر ولفه له لين لصقه فيه ..
هيثم بعصبيه : مو وقت سكرتك عليّ بتف
قاطعه عامر : لا تسافر ..
هيثم خفت عصبيته من الصدمه : أنت ما سكرت ؟
عامر و هو يشد على هيثم : لا ... و هذا اللي مجنني ...
هيثم و قلبه يدق : عامر ... بمشي..
عامر ضم هيثم لصدره و بدا يرجف : مدري شفيني .. حاولت أقنع
نفسي أني ... أن مشاعري مو كذا بس كل شي أنهد و بين يوم
دريت أنك بتصير ملك أحد ، هيثم أنت تحبني صح ؟
هيثم فتح عيونه على أوسعها و حاول يبعد عن عامر : شتخربط ؟ تأخرت عن طائرتي ..
عامر بعد عن هيثم : و أكبر دليل على كلامي أنك ما راح تسافر و حجزت غرفة في الفندق
لمدة أسبوع ... ليييش تبي توهمني أنك بترتبط او توهم نفسك ؟
هيثم نزل راسه : لأن إنسان غبي و وصخ و كل جسم يعجبك تتملكه
ايه ايه حبيتك و من زمان بس مستحيل اني اسلم مشاعري لك لذا كنت بتزوج
بس خفت اصير مثلك اتملك وحدة جسد من دون مشاعر ..
عامر رفع راس هيثم و شاف دموعه اللي ملت عينه : لو أنك أعترفت لي ..
هيثم بعد يد عامر : أعترف لك و ما فيه لسانك إلا شادي ؟ حبيبك اللي جيت معاه هنا
اللي تحديت اهلك فيه و هاجرت ع شانه ؟ من أنا بكون حزتها بالنسبة لك !
عامر : في ذاك الوقت كنت بصفعك لو اعترفت لي بقول انها شفقه منك على حالي ، بس بس
مع الوقت صرت مجنون شوفتك و كل مرة تصرخ عليّ او تتنرفز من علاقاتي كنت أوهم نفسي
أنك تغار عليّ لذا أتحمس من داخل و ابني قصص من خيالي ، قلت لك مدري شنو
بس الحين عرفت قلبي يدق لك أنت ..
هيثم : ووليد ؟
عامر جلس و مسك يد هيثم : لأنه يشبه بالشكل قسم بس تحمست له و قلبي
دق بس .. من داخلي كان شي يشدني و في نفس الوقت ينفرني منك ،،
هيثم بعد خطوتين و قلبه يدق بقوة ما يبي ينجرف أكثر يدري أنه يحبه بس خوفه
كبير أنه يخوض هالشي أولاً و ثانياً مشاعر عامر إللي كل يوم و الثاني تتقلب ..
عامر قرب منه : ما راح أوعدك بشي و لا أطلب منك شي ما ندري وش بيصير
بعدين لذا خلنا نعيش هاللحظة إللي بينا .. هيثم المشاعر الدافية إللي فيني لا تبردها
تكفى ..
هيثم سند راسه على صدر عامر : إذا خنتني أو لعبت بذيلك راح أقتلك ..
عامر ابتسم وضم هيثم بشويش : ما راح أحط عيني حتى على أحد حبيبي ..
هيثم رفع راسه و هو عاقد حواجبه : لا تقول حبيبي ..
عامر : هاه ! شنو تبيني أناديك ..؟
هيثم : لين أشوفك تستاهل أسلمك قلبي بعدين نادني إللي تبيه ..
عامر رفع هيثم شوي : يعني الحين قلبك مو لي ؟
هيثم نزل عيونه : حالياً لا .. بس قلبك لي ..
عامر قرب شفايفه من هيثم إللي دفه بعيد و طاح هو ع الأرض ..
عامر و هو يشوف هيثم إللي طاح ع الأرض : هههههههه عقابك مسرع جا ..
هيثم و هو يمسك ظهره من الطيحه كان وجهه أحمر من إللي صار بينهم الحين
وقف و قرب من عامر : بروح أنام ليلتين بالفندق ..
عامر أستنكر : ليش ؟
هيثم و هو متجه للباب و قلبه يدق لو ضليت و أنا مشحون الحين بالمشاعر راح
صدق أتهور لذا لين أخف شوي ...
عامر راح وراه : أقول لك ليش ؟
هيثم لف له : عندي إجتماعيين و تدري مشوار ساعتين في اليوم ما تسوى عليّ..
عامر : بجي معاك ..
