مساء الخير : )
--
الجد مو مستوعب كلامهم حتى نايف أنصدم لما دخل وشاف مها و جواهر
غسل يده و تأكد أنهم قالوا لجده عن علاقته بفهد بس إللي قالوه أدهى و أمر ..
الجد وقف بعصبية وقبض على نايف وشده له و عيونه تحترق : صدق إللي
يقولونه ؟
نايف إللي أنتفض : لاااا مدري من وين جايبين هالكلام ..
مها ودموعها تنزل جواهر جرتها معاها و ما تقدر تتراجع بعد إللي قالته..
الجد و هو يطالع في جواهر : إذا أكتشفت أنها من ألاعبيك راح أدفنك ..
جواهر بكل برود : أنا ما أكذب وهذي حفيدتك أعترفت لك لأنها خايفه لجأت لي
و قلت لها ما فيهم إلا جدك بيستر عليك و ما راح يقول لأبوك و أخوانك ..
نايف بحدة : مهاااااا تشوهين سمعتك ع شانها قولي أنك تكذبين محدن بنافعك ..
الجد شد على نايف أكثر : كنت تدري عن شقة فهد صح ؟
نايف : ايه كنت أدري هو قال لي انها قريبة من المستشفى ..
الجد : و تدري عن علاقته بمها ؟
نايف : الحين هو خطبها هي إللي رفضت بس علاقته معاها ما تجاوزت الكلام
مدري من وين طلعت بسالفة أنه نام معاها ما فيه وحده بتفضح عمرها بكذبة..
الجد يكلم مها : ليش رفضتيه لما جاك بعد فضيحتكم ..
مها وهي ترجف : هو قال لي بتزوجك ليلة و أطلقك ع شان أستر عليك لذا رفضت
نايف وهو قابض على يده : مهااا لا تلعب عليك هالعاهرة وش بتستفيدين الحين ..
الجد يكلم نايف : ليش ما تكلمت مو بنت عمك ما فيك غيرة عليها حتى لو المخطي
ولد عمك ، تدري لو أبوها أو أخوانها يدرون بيذبحونها و يذبحونه ..
نايف في قلبها كان بيصرخ هذول يكذبون عليك فهد لا يمكن يسويها مع بنت
عمه ، ليتهم فضحوا علاقتهم و لا طلعوا هالسالفة..
جواهر وهي توقف : لا تخاف أنا ما راح أقول لأي أحد عن فضايحكم العائلية
بس ع شان أثبت لك أني أحسن منك يوم أنك طردتني مثل الكلاب من بيتك بعد
فعلت فهد فيني ..
مها وقفت : وين بتروحين ..
جواهر و هي تطالع في مها من فوق لتحت قربت منها و همست :طلعي منها الحين
بنفسك يا حلوة ..
مها أنصدمت و طلعت جواهر من دون أي كلمة ..
الجد حاول يهدي ولف لمها : كم مرة أنجريتي معاه ؟
مها أنتفضت و دموعه للحين تنزل أنا الغبية إللي سمعت كلام جواهر بس كان
حب فهد أعماني و رغبتي أني أنتقم منه زادت ..
الجد بحدة : بستر عليك يا وصخة بس تكلمي ..
مها غمضت عيونها كلمة جدها أطعنتها بقوة بس راح حتى و هي منهانه
و منذلة و طايحة من عين جدها المهم أنها بتعذب فهد ..
مها : نمت معاه ليلتين ..
نايف فقد أعصابه و عطاها كف قوي و ما أهتم بوجود جده : مهااا .
الجد مسك نايف و أدفعه بقوة : من عطاك الحق أنك تضربها ..
نايف و هو يتنفس بقوة الغضب أعماه ما يصدق إللي صاير ليش وصلت مها
لهالطريق .. كل هذا ع شان تفرقه عن فهد ..
مها زادت حدة صياحها و جلست ع الأرض : جدي تكفى لحد يدري بيقتلوني
أنا لجأت لك ع شان تحميني تكفففى جدي ..
الجد زين أنه ماسك نفسه ما أنهار يدري عن كل سوالف فهد إللي تفشل بس توقع
أنه أهتدى و ترك كل هذا و الحين يغلط و مع مين مع بنت عمه و زيادة أن ولد
عمها الثاني يدري و متستر عليه ..
الجد لنايف : لو أنها رنيم كنت رضيت عليها ...
