• ملاحظة : الرواية +١٨ و أغلبية بارتاتها هوت لذا توجب التحذير ><
//
راكان : أنا هنا جنبك و مستحييل أترككك ..
حمد تمسك براكان أكثر ، و راكان ضل يمسح على راسه ، دقيقة .. دقيقتين
خمس و ساعة و حدة صياح حمد هدت لين غفى على صدر راكان ، إللي ضل
حاطه على صدره و مغمض عيونه ما يبي ينهار محتاج أنه يكون قوي ع شان حمد
سدح راكان حمد و مسك يده و ضل يتأمل فيه ..
ــ
في دبي لما راح تركي الجناح يجهز فتح جواله و شاف مكالمات راكان و شاف
رسالته أنصدم منها و توقع صار فيه شي ، رجع يدق عليه بس كان جوال راكان
مغلق ..
في نفس الجناح كان عزام و فهد و نايف و ساري مع بعض الجناح كان كبير
فيه غرفتين نوم غرفة فيها 3 أسرة و الثانية سريرين و صالة كبيرة كانوا
جالسين فيها .. تركي كان مشغول باله ب راكان إللي ما رد عليه و مصدوم
أنه تركه من دون ما يشوفه .. فهد و نايف كانوا جالسين في نفس الكنب بس كل
واحد في زاوية و مشغولين في جوالاتهم ، عزام و ساري كانوا يلعبون بلايستيشن
بدا فهد يغني ..
فهد : أسمعك كمل كلامك بعد أحبك أيش قلت لا تحسب يوم أطالع غيرك أني
ما أسمعك .. أسمعك ..
نايف لف له و شافه يطالع فيه و أستحى ..
عزام و هو يلعب و معطيهم ظهره : كح كح من وين طلعت هالأغنية ..؟
فهد : طلعت من قلبي تراني أحبها ..
عزام : وش الطاري لا يكون الأخ عشقان ..
فهد : كنك تدري ..
وقف عزام اللعبة و لف له .. و قال : أوه توك كنت بتتزوج لا يكون كنسلت ع شان
إللي في القلب ..
فهد : ايه ع شان إللي في قلبي أتخلى عن أي شي ..
نايف كان قلبه و عقله معاهم بس عيونه على جواله ، جراءة فهد تذوبه و ما يقدر
يجاريه ، فهد انسدح ع الكنب و حط راسه على نايف ..
فهد يكلم عزام : و أنت من ناوي تتزوج تراك كبير ...
عزام رجع يلعب : تزوجت مرة و لاعت كبدي ..
فهد : ما عرفت تختار أحمد ربك تطلقتوا قبل ما يجيكم بزر ..
عزام : لا تذكرني بسنيني السودا إللي عشتها معاها أوف بس ..
فهد مسك يد نايف و غطى فيها عيونه ، نايف كان بيرفع يده بس فهد ضل ماسكها .
تركي رفع راسه لهم و قال : وش عندكم ..؟
فهد : أبي أغفي شوي و الضوء فوقي ..
ساري رفع مخده و رماها على فهد : خذ غطي عيونك ..
فهد رفع يد نايف عنه و طالع فيهم و قال : وش ضاركم يد نايف و إلا يدكم أوف ..
نايف بعد يده عن فهد و قال له : أدخل نام في الغرفة ما ورانا طلعة اليوم ..
قام فهد بينام و طفى عزام البلايستيشن و قال : يلا بعد ننام كلنا ع شان نفلها بكرة
ترى ما سوينا شي في هالإجازة ..
تركي : دخلوا ناموا أنا بضل شوي ..
عزام ( غمز له ) : بتكلم العنود ..
تركي : لا ..
فهد : ايه ايه علينا ، خذ راحتك يالحب ههههههههه ..
دخل نايف الغرفة إللي فيها سريرين و بيدخل عزام و مسكه فهد ..
فهد : وين وين ؟ أنت نام في الغرفة الثانية ..
عزام : خير ما أبي أنام هناك ..
فهد : عزوموه يلا يلا تصبح على خير أنا بنام هنا ..
عزام بإستنكار : من متى صرت أنت و نايف صحبة ما أشوفكم إلا هواش ..
فهد و هو يدخل الغرفة : مااا شاء الله لا تصكنا عين يلا تصبح على خير ..
سكر فهد الغرفة و قفلها ، عزام و ساري راحوا ينامون ..
ــ
