أسيرة هوس السادي 18+(كتاب تابع تكملة القصة هنا)

الفصل الثالث: قلوب محترقة (ح184)

★★★★★★

فاقت بيهم لكاملة تبسمت بمكر وراوغتو حالفة تنطقو
الكاملة: وش تفرز ؟! لقيت البنت ديجا
مراد: تقدري تقولي
الكاملة: بحماس: نعرفوها ولا برانية ؟
مراد: تحققي معايا ا ماني ولا واش هههه
الكاملة: عيب ولا حرام حفيدي وحابة نفرح بيك هههه
مراد: قريبا نشاء الله.. تخطى الحانوت المعهود ضحك: حڨا هههه كاين حانوت يبيع شهاوي رمضانية يذوبو فالفم نهزو منهم قطريق الترواح
الكاملة: لا عجبوك نشري درك.. وين جا هذا ؟!
مراد: حبس: فوتناه اصبري نرجعلو
رجع على وراه لحانوت "بوسو شي سوسو" وحبس قدامو نزل كوموندا.. وتلفت يتفرج فيهم يتوانسو لكاملة تسوست فلبنات بلخف جابلو طلبو امبوغتي خلص ورجع ركب مد ساشي للكاملة وتلفت بالثانية لور
مراد: شدو تحلية سهرتكم
مروة: حشمت: كثر خير لاه كلفت راسك
مراد: العفو.. تاكلوهم بالصحة.. شدو وجعني ذراعي
شدت عليه حشمانة بلا قصد تلامسو صبعيهم بعدت يدها بزربة محرجة
هاجر: يسلمو يعطيك الصحة
مراد: ويدومها عليكم
حمحمت لكاملة فيقتو جمع راسو وديمارا بلوطو مكمل طريقو لدارهم وصلوهم

قاعدة فغرفتها مقابلة الشباك تتفرح عالدنيا لبرا.. ساهية فماصرالها تخمم وتقول علاه ماخدمتش كيما عولت؟ فاه قصرت وقتاه تهاونت؟ وش لي مادرتوش وخلاني نتفرش بالمعدل هذاك!! تهدت بالتخمام لايمة روحها وظروفها وبزاف خيارات بقات تردد كون درت ودرت!! احساسيها تخلطو وشي مالتعب الفشلة الكآبة تحاماو فيها عجزت تنوض لفراشها تجبد ترقد كشما تنسى غبينتها شوي.. رجعها لوعيها لباب تحل وتقفل..دارت شافت شكون تلقاها أمنية جاتها متحيرة ملبعد تزارب وتسقسي
أمنية: شبيك؟ لاه قاعدة تم؟
آية: والو.. قاعدة برك
أمنية: قعدت حذاها: علاه قاعدة وحدك؟ حسبتك راقدة كون دريتك فايقة من قبيل جيتك أو عيطتلك تهبطي لعندي
آية: حتجتيني فكاش حاجة؟
أمنية: نننن.. همي عليك ماحبيتكش تبقاي وحدك زي هك.. داعبت خدها: رخي وجهك شوي ماتبقايش عابسة كارهة.. قولي حمد الله ورضاي كلها احكام ربي وبمشيئتو
آية: سبحانو كريم.. حمد الله على ماعطاني.. هك ولا كثر من هك
أمنية: هكاك اقلبي.. احمدي ربي وشكريه ڨد ماتقدري.. ارقدي ونوضي راضية بما عطاك.. صدقيني يعطي وحد الراحة ماڨدها ڨد
آية: علابالي قدرلي هك.. قتنعت بشوي نرضى بالطيحة ذي قريبا نوض منها اقوى وأنشط.. بربي نشاء الله.. ماتخافيش عليا
ماعرفتها تحكي صح ولا تهدر به تهنيها عليها اختها وتعرفها مالصغر هشة وبلخف تتأثر تتعب نفسيتها ومش بالساهل تنوض تتجاوز النكسات مابالك بنكسة لباك!! بلعت ريقها بخوف أنو تكون دخلت فأزمة نفسية خلاف او تعقدت حتى ماخلاها تتصرف بعكس ماتوقعو او ما موالفة.. كبستلها يدها توعي
أمنية: ختي كعبة وحدة نخاف عليك ڨد مانخاف على ولادي وروحي.. وكون صبت صح نديرلك وش تحبي.. بصح حاجة كيف هذي الله غالب.. مش بيدينا كل ولا بيدك مام نتي.. قريتي تعافرتي عام هذا فوق جهدك الحق درتي لي عليك وأكثر.. بينتليلنا أنك فحلة شطورة مع راسك وفغيمون قادرة مع التركيز تنجحي وتكوني مالأوائل