محتاج حبك

البارت ال ٥٥

مع أنو ما فيه تفاعل كبير في البارتيين السابقين
بس شكراً للي قدرني ورد عليهم :(
اتمنى تتفاعلون بذا البارت إذا شفت افاعل كبير بنزل الباقي بسرعه ^^
-

حصصصلتهااا ..
جات له أمه : شنو حصلت حبيبي ؟
عطاها الميدالية الذهبيه : هذا هو ولدك الأول دائماً هههههههه ..
أخذتها و هي تبتسم : صرت الأول في السباق من جديد ؟ يا سلام نحتاج
حفله على كذا ..
رد عليها بحماس : و أخليه يجي يحتفل معانا !
حرك شعره : أنت تقدر تسوي شي من دونه ايه خله يجي و ينام معاك بعد ..

توه بيضمه بس حس فيه من وراه يرفعه عن الأرض و يحطه على أكتافه ..
باس راسه و هو فوق : حصلت الميدالية الذهبية سبقتهم كلهم ..
دار فيه : أيه أنت بطل طالع على أبوك ..
قال له و هو متشقق من الفرح : تذكر أنك قلت لي إذا حصلت 10 ميداليات ذهبية
راح تسفرني معاه لجده ..
نزله من راسه : مدري شفيها جدة هههههه بس مو مشكله أنا وعدتك هذي الميدالية
السابعة ما بقى شي ..

ضم أبوه : يبه أنا لازم لازم لمى أكبر أصير مثلك طيب و تحب الكل ..
قربت منهم : الله يخليكم لي ..
وقف وباس جبهتها : ويخليك لنا ..
لفت لولدها : يلا حمد حبيبي رح أسبح قبل الغداء ..
حمد و هو يآخذ الميدالية : بحطها مع الباقي ..
مثل هذي اللحظات و مثل هالذكريات إللي مر عليها سنين و سنين تحول
تحول الأب القدوة المثالي الرائع و الزوج العاشق و الدافي لوحش لمسخ
لشخص أنا ما أعرفه حتى ملامح السمح في وجهه أختفت .. ذاك الحنون
يمكن يرجع .. يمكن...

ليش يمر علي شريط حياته معاي الحين من بد كل الأوقات إللي دفنته فيها
ضل يرجف لدرجة أسنانه قامت تصك و ينسمع صوتها ـ حاوطه فيصل من ورى
وشده له أكثر وضل يحرك فيه ع شان يهدي .. وشلون يهدي و صديقه ورفيق
عمره و حبيبه و كل سنينه بين الحياة و الموت لا بين الموت بس و هو يبعد
عنه خطوات و مو قادر يتحرك خطوه له .. لو صار شي .. لو صار شي
لراكان ما يبي هالحب إللي هو عايش فيه و لا هالسعادة .. بيلحقه .. الموت
إذا خطفه راح يلحقه حتى لو للجحيم الحياة من دونه مستحيله ..
ـ

صعد الدرج لين نهايته وشاف وقفة تركي وقرب منه لين لصق فيه و همس في
أذنه ..
مشعل : ليش بعدت عنّا ..
تركي بهمس : تبيني أنتظر !
مشعل و هو يطالع فيهم : بس 9 رجال غير التبن أحمد ..
تركي : و أبو حمد ..؟
مشعل : أحمد راح يقتله و ذاك مصدقه و جاي له برجوله ..
تركي و هو يطالع في راكان إللي كان بعيد : وضع سدحته ما يطمن خايف عليه ..
مشعل : لا تسوي أي شي يخبطنا ..
تركي : ما عندهم مسدسات ..

مشعل : مدري .. أنا عندي ..
تركي لف له : و أنا .. أنت من
قاطعه أحمد إللي توجعه لراكان ووقفه ، راكان إللي كان منهد حتى رجوله مو قادره
تسنده هو على أحمد إللي حرك يده على ظهره ..
مشعل صك على أسنانه و تركي ألتفت له من جديد : شيسوي ؟
مشعل نزل راسه و سحب تركي أبعد شوي : أحمد مهوس براكان ..
تركي فتح عيونه على أوسعها : نعمم!!
مشعل سكر فم تركي : أوووش بتفضحنا ..