السميدع

بارت 1

- كدامك الدنيا مطيره وتزخ زخ ياشغل بعد هذا يايمه دفوت فوت هديماتك مبلله ولجج ويننج لطيفه تعاالي لاخيج تلكي

لطيفه - هاا هاا يمه كواك الله خويه

سميدع - هلا خويه هلا

- فوت يمه فوت مادام اكو مي حار اسبح شويه وخلي عضامك تنشنش على ماا تصبلك اخيتك الاكل

سميدع - تقربت من عندها بست راسها واني اهمس بهدوء فدوه رحتلج يلحنينه

- اسبح يمه لاا تتاخر

سميدع - دخلت سبحت طلعت من الحمام واني اشوفهم ملتمين داير مداير صوبه علاء الدين ستكاين الجاي والخبز والراشي وفوكاه جدر الشلغم الحار

- يلا يمه وين صرت تعال اكل لكمه من صبح على وكفه وحده ادري بيك

سميدع - شونكم بويه

حسن - حمدلله كدامك عايش كلشي مابيه

سميدع - وانت حسين اشوفك ساكت

حسين - شحجي قابل كدامك كلشي مابيه

سميدع - عساكم دوم بويه عساكم دوم

- شونها مدرستك يمه شون دراستك بس لا اليوم هم مارحت

سميدع - لا يمه تطمني رحت واخذت محاضرات شون اكسر كلمتج وانتِ محلفتني

- بارك الله بيك يوليدي اكل يمه لا تلتهي بالسوالف

سميدع - اكل وعيني على مكانهم فارغ هنا كعدنا وهنا ضحكنا شبسرعه الايام ركضت بينا واخذتكم من وكت واحنا بعدنا ماشبعنا منكم بشي ماريد اعترض ولا اقدم اعتراضي على حكم رب العالمين

رجعت بيه ذاكرتي لذاك اليوم المشؤوم

حسين - والله الدنيا بارده ميت برد

حسين - ايي بارررده شغلو الصوبه خل نتدفى اترسوها نفط

ندى - اصبر يجي سميدع وهو يترسها ثكيله مو مال اشيلها اني واطلع

حسين - لعد نضل هيج بنص البرد صدك جذب

ندى - اووف ولا جنك صغير هطولك شكد تلح امري لله خل اكوم اترس نفط

اخذت الجوله وترستها نفط رجعت بسرعه من شده البروده رجعتها لمكانها وبديت اشغل بالصوبه

جانت لحضات بس واني اشوفها كدامي واجه نار من حلات روحها طلعت بالطارمه تركض من مكان لمكان تريد احد يطفيها حسيت نفسي جبان بذيج اللحضه حسيت بضعف من طبيعي مافكرت بشي وخاصه عمري بوقتها بدايه 13 شنو ممكن اسوي حتى انقذ حياه اختي الجبيره من الموت