My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟾𝟻《 မိုးသည်းနေ့မှာလောင်သောမီး 》

ကျန့်ယွင်သည် သူနှင့်အရေမရအဖက်မရစကားပြောရန် ပျင်းလွန်းသဖြင့် သူတို့သည်အမိုးအကာအတွက် ဖြတ်သန်းသွားခြင်းသာဖြစ်ပြီး အချိန်အကြာကြီးနေရန် မစီစဉ်ထားကြောင်း တိုက်ရိုက်ပြောလိုက်၏။ သူတို့ ဘယ်ကလာခဲ့သည်ကိုမပြောဘဲ သူတို့အနောက်မြောက်ဖက်သို့သွားရန်စီစဉ်ထားသည့်အကြောင်းသာပြောခဲ့သည်။ ဝူရယ်သည် နားထောင်ပြီးနောက် အနည်းငယ် စိက်သက်သာသွားပြီး မိုးမြန်မြန်တိတ်သွားဖို့သာမျှော်လင့်နေပြီး ဒီအာလူးပူပူများကို အမြန်လွှတ်လိုက်မှသာ ပိုကောင်းလိမ့်မည်ဖြစ်သည်။

သူတို့၏ အခြေခံအချက်အလက်များကို စာရင်းသွင်းပြီးနောက် သူတို့သည် စိတ်ပိုင်းဆိုင်ရာ ပြင်ဆင်မှုများ ရှိထားကြသော်ပေမယ့် ဝူရယ်နှင့် ချီးရယ်တို့သည် ထိတ်လန့်တုန်လှုပ်နေကြဆဲပင်ဖြစ်၏။ သူတို့ကိုးယောက်ထဲသာရှိပြီး ခရီးရှည်ကြီးကို ဆက်သွားဝံ့သေးတာ မထူးဆန်းပါချေ။

“ဘာလဲ? မယုံဘူးလား? ရှင်တို့ကို ငါတို့သက်သေပြဖို့ လိုသေးလား?”

ချန်းကျောင်း၏ ဓားချက်သည် နောက်တစ်ကြိမ် လက်သွားပြန်၏။

“မ..မ..မလိုပါဘူး ”

ဝူရယ်သည် ဤအဒေါ်ကြီးကို တကယ်ကြောက်၏။ သူသည် ခပ်မြန်မြန် လက်ယမ်းပြလိုက်၏။

“အရင်က ကိစ္စတွေအားလုံးက နားလည်မှုလွဲနေတာပါ။ အဲ့ဒါ ငါတို့အမှားပါ။ ဆိုတော့ ဒီနေ့ လူတိုင်း တည်းခိုနေထိုင်ဖို့ ငါတို့ ထောက်ပံ့ပေးမှာဖြစ်ပြီးတော့ ဘာပိုက်ဆံမှ မလိုပါဘူး။ ”

“အဲဒါကမှ ပိုသဘောကျသေးတယ်”

ဝူရယ်သည် ပြုံးပြုံးရွှင်ရွှင်မျက်နှာကိုပြထားပြီး တကယ်ကို ဒေါသမထွက်ရဲဘဲ လူများကို အောက်ထပ်သို့ ဦးဆောင်ခေါ်သွားလိုက်၏။

ဝူရယ်သည် သူတို့အတွက် သုံးထပ်အိမ်တစ်လုံး စီစဉ်ပေးထားပြီး အိမ်ကောင်းအမျိုးအစားတစ်မျိုးအဖြစ်ယူဆနိုင်၏။ အိမ်ထဲတွင် ပရိဘောဂများလည်း တော်တော်ပြည့်စုံ၏၊ သို့သော်လည်း အချိန်အတော်ကြာအောင်သန့်ရှင်းရေးမလုပ်ရသဖြင့် အလွန်ရှုပ်ပွနေ၏။