يوم نثرت شعرها نثرت كل الحب في صدري

بارت ١٧

وصلو عائله ابو فيصل
سطام : البندري ادخلو  الخيمه
ابو فيصل : سلام عليكم
الكل : وعليكم السلام
سعود : عمي وينه فيصل
ابو فيصل : وراي
نجد : يمه منهو ذاك الي يفحط
سطام : ذا فيصل

في السياره
الهنوف : يافيصل هبلتبي  حرام عليك
فيصل بضحكه وهو يزيد
الهنوف : فيصل والله لعلم ابوي ياخي وقف توبه اركب معك
فيصل : هنوف اغير لك جو
الهنوف : ما ابيك تغير لي جو بس خلني اوصل سالمه يافيصل بنموت هد
فيصل : قسم انك عجوز لو داري خذيت سمو معي
الهنوف : اصلا معد بركب معك بس هد يابن الحلال
فيصل : خلاص هديت وصلنا
نزلو
ودخلت الهنوف عند البنات
الهنوف وهي حاطها ايدها فو راسها وتترنح بمشيتها : حسبي الله عليه ذبحني اشوفكم ست
البنات وهم يضحكون عليها
الهنوف : اضحكن اضحكن هبل بي لعبي جنني معدني راكبتن معه
نجود وهي تركض تطلع لفيصل : فيصل وش مسوي بهنوفه
فيصل وهو كاتم الضحك : وش سويت بها
نجد : قسم مو صاحي انت تعرف ماتحب هالحركات وهبلت بها
فيصل : غيرت لها جو
نجود : امانه فيصل كلنا بنركب معك وفحط بنا
الجده وهي تضرب نجود بالعصا على رجلها : يويلس لو اشوفس بس رايحه اقص ارجولس  وانت وهي تاشر على فيصل وانت لو اشوفك موديهن والله ل انفضك بذا العصا 
فيصل : معليك ماني موديهن
وبهمس لنجود : بعد الغداء افحط بس
نجود : والله بعلم البنات يويلك لو تكذب
فيصل : اذا ارسلت لك اطلعي من ورا الخيمه
نجود : تمام
وراحت عند البنات
نجود : بنات فيصل بياخذنا بعد الغداء
البندري : وين
سمو : والله انك فاهيه يفحط بنا
الهنوف : انا ماني رايحه معكن بس قومن افطرن
قامو البنات يفطرون والرجال يتقهون
وبعد ماخلصو كلهم
سعود : نجد ماودك تشوفين حبيبتي
ارتبكت الهنوف اول ما سمعت صوته وتوجهت انظارها ل ام سعود وهي تضحك الهنوف وهي تقول  بنفسها وش ذا العايله الي ماتستحي يقول قدام امه وعماته واخته عندي حبيبه معقول عمي داري وساكت والله ماتوقعتها من سعود ابد وليش خالتي ام سعود تضحك عاجبها سوات ولدها  قاطع تفكيرها صوت نجد
نجد : اي بنروح كلنا
سعود : اجل اسبقكم
نجد: بنات يالله
قامو كل البنات
البندري:الهنوف مانك رايحه
الهنوف بكذب : مالي خلق
البندري : مراح نطول عشر دقايق ونرجع نشوفها ونعود
الهنوف : تمام
راحو كلهم والهنوف تقول بنفسها معقوله البنت داسها عند البل لا مستحيل وينها ليكون بالصندقه ( غرفه من حديد)
اختفت ملامح الغضب من وجها اول ماشافت نجد تكلم جذابه وكانت الهنوف وسمو برا الشبك والباقي داخل
الهنوف : سمو
سموه : ها
الهنوف : هو قصده بحبيبتي جذابه !!
سمو  وهي كاتمه الضحكة من وجه الهنوف : اجل وش تحسبين ها؟
الهنوف : ما احسب شي     يمه ذا طلعها اخاف تجي
سمو : الهنوف يمه ما ابي اركض قدام سعود
سطام من ورا : الغداء يالله
فزت سمو وهي تقول : يمه
شافها سطام وهو يقول بنفسه  : بسم الله عليك  يهيب يوجهك يا سطام روعت البنت
سعود : يلا مشينا
رجع سعود جذابه وتوجهو للخيام يتغدون
وبعد ماقيلو الشياب دق فيصل على نجود
نجود بهمس للبنات : بنات دق فيصل يلا
سمو : بشويش الحريم لا يقومن
قامو كلهم الا البندري والهنوف
الهنوف : البندري مانك رايحه
البندري: لافشله
الهنوف : اذا خاطرك فيه عادي بعدين فيصل مايعرف مين الي ورا
البندري : لا فشله والله
عند البنات برا ينتظرون فيصل
نجد : البندري وين
نجود : شكلها ما جت بروح اشوفها

نجود : البندري وراك جالسه فيصل جاء
البندري: ماني رايحه
نجود : ليش ان شالله
الهنوف : مستحيه
نجود : اقول قومي قبل تصحى امي
البندري : لا والله فشله
نجود وهي تسحبها من يدها : قومي بس
قومت نجود البندري بالغصب وركبو السياره وكان الترتيب نجد قدام وسمو على الباب البندري واخر شي نجود
فيصل : نجد ماكنكم ناقصين
نجد : اي ماتبي تروح
فيصل كان يحسب البندري ماتبي تروح وحرك وهو يحسب بس خواته وعماته معه
والبندري كانت مستغربه من خفه دم فيصل لان دايم يكون ثقيل وابعدو شوي وبدا التفحيط والبندري متمسكه بسمو ونجود وتقرا الشهاده والباقي يضحكون
سمو وهي تضحك : البندري وراك متجوده فيني وتشهدين بتموتين
فيصل اول ما سمع اسم البندري رفع نظره للمرايا باستغراب وعرف ان البندري معهم وكانت مره خايفه ولمح الدمعه بعينه وحس ان قلبه اوجعه
فيصل : يلا بنرجع
نجود : مسرع
فيصل : اخاف جدي قام بعدين ماكفتك نص ساعه
نجد: معليك منها ارجع صدق اخاف امي صحت بعد
البندري بتنهيده وصوت خافت : اهخ الحمدالله
سمعها فيصل وهو يقول بنفسه ليتني داري كان ما استهبلت كذا 
ورجعو الخيم وكان الجد بس الي صاحي
الجد : من وين راجع
فيصل : بسم الله    ها توني رجعت من البقاله البنات يبون اغرض
الجد: زين قم سو قهوة
فيصل : ياجد قهوتي ماتعجبك بقوم سعود يسويها اصلا العصر اذن
الجد : طيب
قامو كلهم وبدو يصلون وقام سعود شب الناره وزهب القهوه
الهنوف : في ريحه قهوه تصك بالراس من مسوي
نجد : اكيد سعود تبين اجيب لك
الهنوف : اي تكفين بس لاتقولين انا
قامت نجد وجلست بجنب سعود
سعود : يالله تحيي نجد
نجد : الله يبقيه
نجد قهوتك جابت روسنا
سعود : تبشرين والله
نجد : سعود بكلمك بموضوع اسمع انا سمعت ابوي يقول لسياف اخوي انه بيوافق على حمود وانت تبي الهنوف لاتكابر ياسعود وتروح من يدك حتى هي تبيك اطلبها ياسعود دام اخوي سياف مايبي احمود بيعطيك انت