يوم نثرت شعرها نثرت كل الحب في صدري

البارت (١٢)

وراحت نجد تقول للعيال يودونهم
نجد : سعود وين العيال
سعود : فيصل عند اخوياه وسطام راح يجيب اغراض امي
نجد : اجل مافي الانت قوم ودنا السوق لاهنت
سعود: من معكم بس انتي والبندري
نجد وهي كاتمه الضحكه ومبتسمه : اي
سعود وهو ينسدح : اذا جاء سطام يوديكن
نجد : اقول قم بس كل البنات بيروحون
فز سعود وهو عارف الهنوف بتروح معهن ويمثل ان ماله خلق وهو فرحان انه بيشوفها : امري لله قومن اجهزن انتظركن براء
نجد وهي تضحك على فزة سعود وطلعة من المجلس وهي تقول : ترا راعي الهواء مفضوح
حك دقنه سعود وهو يقول بنفسه اهجد يسعود بتفضح نفسك بنفسك
وجهزو البنات وركبو السياره وكان الترتيب نجد قدام وسمو وراء سعود وجنبها نجود وبالوسط الهنوف والباب البندري حركو وهو يسولف مع عماته واخته ويسرق النظر على الهنوف رفع عينه للمرايا وتلاقت عيونهم الهنوف وهي تقول بنفسها وش جاس يالهنوف لعب بس اثقلي
سعود : نجد ودي اسمعك بيتين ولسمعتيهم قولي من يستهلها بنظرك
ابتسمه نجد : اسلم يا ابو خالد

وقال سعود
و أعشق سميّك فالبزارين و أدعيه
‏و أقبل خطاه إليا أخطأ و اتلقاه ..

‏و أسمك يروعني ليا مرّ طاريه
‏و أحب ملقوفٍ يسولف و طرّاه ..

‏و أمر بيتك من بعيد ولا أجيه
‏و انا لو انه في يدّي ما اتعدّاه ..

‏وصلك يخيّط الصدر و البعد يفريه
‏و يا بري حالي كان صديت برياه .

نجود : الله الله يرزقني بواحد مثل سعود يقصد بي
سعود وهو يناظر الهنوف ومبتسم
قرصت البندري نجود : وجع لايسمعس يالعوبا
نجود : ماهو يمي يم الي اخذتن باله وهي تدق الهنوف
الهنوف : يامال القص الي يقص السانتس اص لايسمع
نجد : احم احم صح السانك يابو خالد بس انت تسالني من اهديه وانا اقول ( يا ام الرموش المضاليل) تراتس مقصودة
تنرفزت الهنوف من احراج البنات لها وهي تنزل الطرحه على عيونها
سمو : هي حجيه كانتس امي وشوله الطرحه
الهنوف : اص انا اوريكن اصبرن علي
وصلو وجو بينزلون البندري : سعود بتروح مكان
سعود ببتسامه وهو يناظر الهنوف من المرايا : بروح لحبيبه قلبي وعيوني
الهنوف وهي تناظر بالمرايا وعيونها تقدح شرار
البندري : اجل فمان الله
ونزلو والهنوف تقول بنفسها ولا يصرح الاخ عادي قدمنا اصلا انا وش دخلني حب ولا مات اف يربي من ذي الي يحبها مالقت الا سعود وهو ابد متشقق ويقصد بها ويصرح بها عادي غاسله مخه ذي حسبي الله عليه
ياربي انا وش دخلني ليش معصبه وقلبي يدق بقوه قطع تفكيرها سمو : وين وصلتي امشي البنات دخلو ومشت هي وسمو وهي ساكته وغاصتها العبره البندري للهنوف : الهنوف وش رايتس بذا الهنوف الو
الهنوف : ها وش تبين
البندري : يمه ليه معصبه
الهنوف : ماني معصبه اخلصي
البندري : اقول وش رايتس بذا
الهنوف بتسليك : حلو حلو
البندري : تسلكين يالخايسه الشرها مو عليك على الي ياخذ رايك نجد وش رايتس به
نجد : حلو و الله انا خلصت خلصتو انتو
الهنوف : خلصت ونجود وسمو خلصو وراحو يتقهون
البندري : خلاص بس بحاسب دقي على سعود يجي
نجد :طيب
وجاء سعود وركبو كلهم وسعود فرحان ان الهنوف معه ووده لو الطريق يطول وتضل هي معه
نجد: وشلون الحلال ياسعود
سعود : ماعليه الحمدالله
نجد: وشلون حبيبة قلبك على قولك
فزة الهنوف وانتبهت معهم وكل ذا تحت انظار سعود المبتسم
سعود : اي والله انها حبيبة قلبي وهي بخير الحمدالله
الهنوف وهي تقول بنفسها انجنت نجد دقيقه تسال عن الحلال ودقيقه عن حبيبته وهو راضي ومبتسم ليت والله من يجلدك ويعلمك حبيبه قلبي صدق

سعود : الا ياعمه ماودك اخذك تزورينها
نجد : اول شي لاتقول عمه انا توني صغيره ثاني شي الا انشالله بنروح كلنا لها
سمو وهي تقول لنجود بهمس : وين صغيره وعيال اخونها كبرها
نجود ماتت ضحك ههههههههههههههههههههههههههههههههههههههههههههههههههههههههههههههههههههههههههه
نجد : وجع علامتس تهمكين
نجود وهي ماتقدر تكلم : سمو هههههههه الحيوانه تقول ههههههههههه وين صغيره وهي اعيال اخوانها طولها ههههههههههههههههههههههههههههههههههههههههههههههههههههههههههههههههههه
قرصت سمو نجود وهي تقول : والله ما اخليتس
وصاحت نجود من قرصت سمو
نجد : يا مال الوجع اصبرن علي وانتي ياسمو هين
ضحك سعود من مناقرهم