يوم نثرت شعرها نثرت كل الحب في صدري

بارت ١٥

بدو يصورون ويتقهون
الهنوف : البندري صوريني بس بفك ذا حق يدي (تقصد الرباط الي رافع يدها ومعلق برقبتها ) ولاتبينين الجبس تمام
البندري : طيب انتبهي على يدك
الهنوف : معليك
البندري : شوفي والله تجننن
الهنوف : اي حلوه ارسليها علي وكمان صوري فيد
البندري : طيب ها شوفي
الهنوف : اي يجنن ارسليه بعد علي
البندري : الهنوف بنزل الصوره عندي
الهنوف : تمام
نجد : الهنوف ليش نزلتيه ( وهي تاشر على يدها )
الهنوف : ضايقني بالحيل
نجد : طيب انتبهي لها وتعالو نتقهوى
رحو عند البنات وبدو يتقهون ويسولفون قامت سمو وشغلت السماعه وبدا الكل يضحك على عبير وسمو الي يستهبلون على الاغاني
البندري : تكفون شغلو سامري
نجود : تبي تنادي عربها ( قصدها جنون)
البندري رمت عليه كرتون المناديل : استغفرالله اعوذ بالله منك ومنهم والله هم عربك
نجود : طيرت ام الانوثه الواحد ما يضحك معكم
وقامت راحت لسمو وعبير الي يتهاوشون على الاغاني
نجود : ندا عاجل للجازي تعالي فكي بينهن
اول ماجات الجازي سحبت الجوال : تهجدن والا احط شيلات امي
سمو : لا يرحم امس فكينا من مهنا العتيبي
نجد : يازينه والله يخليس تطيرن بالرقص
كملو ليلتهم بالرقص والضحك واللعب
عند العيال
فيصل : سطام قوم جيب البنات من بيت ذيب
سطام : البيت قريب يجون
سعود : لا قوم جيبهم الوقت متاخر مابقي على صلاه الفجر الا ثلاث ساعات
سطام: يحول والله مالي قدره بنام
فيصل : لاتناظر فيني ما اشوف الدرب من النوم
قام سعود بتنهيدة : امري لله
طلعو البنات لسعود وكان يمشي وهم وراه
وكل مايمشي وده يلف يشوف الهنوف
فجاء بدا الكلب ينبح وكل البنات خافو وصارو يسرعون بخطواتهم خوف ان الكلب يجي لاكن الكلب كان جالس وفقط ينبح
سعود: نجد قدمو قدامي بجي خلفكم
قدمو البنات بخطوات سريعه للبيت وكان سعود خلفهم
كان يناظر يدور الهنوف وطاحت عينه على الي تمشي برزانه ولا باين منها شي الا الجبص حق ايدها وصلو البيت
ومر يومهم بسلام