الهنوف : بس انا ما ابي اتزوج الحين واصلا مراح اوافق
وبتغير لسالفه قالت : بنات تخيلو باقي على يوم التاسيس ثلاث ايام تكفون نبي نسوي فعليات
سمو وهي داخله توها الغرفه وانقزت بسرعه : اي والله ونلبس براقع جدتي ولبس بدوي ونتكحل
البندري : يحليتس والله ولا كشختي وين بتذلفين
سمو : وقتها يحلها الف حلال اهم شي اصور والبس
وبكلم بعد البنات معليكم برتب كل شي
نجد : خلاص عليك اجل
سمو : ازهلوها
عند البنات يتغدون
ام خالد : يا ام فيصل اليوم جت ام حمد وخطبت الهنوف وانا قلت بشوفكم وارد عليها وش قلتي
ام فيصل : والله يا عمه الراي راي الهنوف وابوها
ام خالد : اجل يالهنوف وش قلتي
الهنوف : انا توني صغيره ما ابي اتزوج الحين
ام خالد : وش عقب العشرين يالهنوف وترا محد غاصبك بس تراك حرمه
الهنوف : ادري ياجدة بس انا ما افكر اتزوج الحين
ام فيصل : وابوتس
الهنوف : ما اظن ابوي بيجبرني يمه
ام فيصل : والله ما ادري عنكم انا بشوفه اليوم
تغدو وقيلو وعند الجد واحفاده دخلت الجده بالقهوه وجلسو يسولفون وجو ابو خالد وابو فيصل وجلسو يسولفون مع امهم وابوهم وعيالهم حولهم
الجده ام خالد: ابو فيصل
ابو فيصل : لبيه
الجده : اليوم سيرت علي ام حمد وطلبت الهنوف مني وانا قلت بشوف ابوها
فز سعود بانتباه يسمع كلامهم وانتبه عليه سطام والجد
ابو فيصل : انا بشوف الهنوف
الجده : انا علمتها وتقول انها صغيره وهي حرمه بكرة تتزوج البندري ونجد وتجلس هي مع البزراين بدون رجل وانا ما اشوف بحمد عيب تردونه
ابو فيصل : بس انا مقدر اجبرها تاخذه وهي ماتبيه
الجد : امك صادقه بعدين عيب علينا نرد الرجال وهو ماعليه قصور حاول فيها وانا ابوك
ابو فيصل : بشوفها والله يقدم الي فيه خير
عند سعود الي ضاق من الخبر وطلع برا المجلس يبيي يروح للي كل هماً عندها يزوح اقبل عليها وهو يصيح ( جذابه ) جته تركض وابتسم سعود وجلس وجلست جذابه جنبه وحطت راسها بحضنه وبد سعود يشكي لها : انا مدري ليش ضقت من الخبر ليكون كلام نجود وسمو صدق ولا بس اعجاب عابر اخاف احبها وتروح مني وانا لاقابلتها حتى لو بالخطا قلبي يفرح مدري وش يصيبني اذا شفتها يا جذابه مدري هو اعجاب ولا كلام سمو ونجود صح بس هي بتتزوج ودي انها ترفض لين اتاكد من مشاعري واخطبها بس اخاف ل طلعت احبها هي ماتحبني وترفضني وينكسر قلبي بس انا ليش حكمت اني احبها او هي تحبن.... قطع كلامه اتصال ذيب
سعود : هلا ذيب
ذيب : علامه صوتك يارجال
سعود : ابد مافي شي امرني
ذيب : ما يامر عليك عدو بس كاشتين وكلمت العيال قالو مايدرون عنك تخاوينا
سعود : والله مدري
ذيب : احسلك يارجال كل عيال الديره بيجون
سعود : اشوف وارد لك
ذيب : طيب فامان الله
سعود : مع السلامه
وجلس سعود يشكي ل جذابه لين اذن المغرب صلى سعود وهو يدعي ربه يدله ويهدي قلبه ويدله اذا هي تحبه او لا وان يجبر قلبه
KAMU SEDANG MEMBACA
يوم نثرت شعرها نثرت كل الحب في صدري
Romansaوالقصد معروف ولا يحتاج ترتيب والمحب يخاف من كل بعد وتجافى هذي الرساله لا هي سر ولا تسريب توصل للذي ساكن ضلوع اللقاف
