وصلو البيت ونزلو دخلو البنات وشافو امهاتهم جالسين يتقهون مع الجدة
نجد : سلام عليكم
ام فيصل : وعليكم السلام من وين جايين
الهنوف : السوق
ام سعود : مشالله عليكن محد جاء استاذن
نجود : والله نقزتنا سمو تبي تشتري برقع
الجده : انتي علامتس على البراقع لتس يومين ابي برقع وجلابيه
سمو : عشان يوم التاسيس
جلست البندري بتعب : اصلا سمو مايعجبها العجب والا الصيام برجب عقب مالفت المحلات وخلصت راحت تتقهوى وحنا ورها ولا خلصنا شي
سمو : محد قال لكم تعالو معي
ام سعود : ورونا وش شريتن
وبدو البنات يورن الاغراض
ام سعود : لا خلصتن منها مراح تلبسنها اعطني انا ومزنه نلبسها بدال الخساير
ضحكو البنات وهم يقولون تبشرون والله بالخير بس البراقع لجدتي
ومر يوم ابطالي بهدو
صباح يوم ثاني بدات مراسم الصبح الي تنظف بيت الشعر والي تنظف البيت والي تجهز القهوه والفطور
دخل سعود مستعجل : البندري البندري
البندري : ها
سعود : وراتس مكشره
البندري : من نظام المعسكر اخلص وش تبي
سعود : عطيني الدلال والعجينه ابطيت ماسويت الفطور والقهوه
طلعت نجود ومعها القهوه والفطور : اقول امسك زينت كل شي انا والهنوف بس الفطور انا والقهوه هي عاد امدحو فطوري
سعود وهو فرحان : تسلم يدينكم
نجد وهي تصيح من وراه : بالهون ياسعود بالهون
ضحك سعود ودخل على العيال بالقهوه وهو كل ما احد يقول صب قهوه يقول بنفسه بيخلصون قهوتها وانا ماتهنيت بها
سطام : والله ياقهوه اليوم جازت لي
سعود وهو يتنحنح ورافع حاجبه : نفس قهوة كل يوم
سطام : لا والله اليوم ازين من مسويها
سعود : انا
فيصل: ياخي طعمها مب غريب علي
أنت تقرأ
يوم نثرت شعرها نثرت كل الحب في صدري
Romanceوالقصد معروف ولا يحتاج ترتيب والمحب يخاف من كل بعد وتجافى هذي الرساله لا هي سر ولا تسريب توصل للذي ساكن ضلوع اللقاف
