عند البنات كانو يفطرون
البندري : الهنوف يوم انك سويتي قهوة الرياجيل ورا مازينتي قهوتنا
الهنوف : والله مالي قدره بقضي من فطوري واقوم استشور شعري
نجود : سمو ابيك تفيرين شعري
البندري : وانا بعد ابي ويفي
نجد : انا ابيك تكسرين لي
سمو : وانا متى اخلص نفسي انشالله
نجود : ماعليك منهم اهم شي انا انا عمتك
نجد : وانا وش حماتها انا بعد عمتها واكبر منك راح تبدي فيني
سمو : رحو للهنوف انا مايمدي عليكم كلكم بنتاخر
البندري : الهنوف يالله تقضي من يدها اصلا
سمو : اي صح اجل الله يعيني عليكم كلكم
بدو البنات يجهزون
عند الجازي وعبير
عبير : الجازي نظفتي السطح
الجازي وهي تستشور شعرها : ها ما اسمعك
عبير بصراخ : اقول نظفتي السطح
الجازي بصراخ : ايه ايه وقلت لذيب يحط الزوالي
عبير : طيب اسوي وش
الجازي : زهبي القهوه والفناجيل والكاسات وطلعي السماعه لسطح
عبير : اسوي حلا وفطاير
الجازي : لا ما يحتاج هم جايبين
جهزت عبير كل شي وراحت تتجهز
دق الباب وفزت عبير : مسرعهم المغرب ما اذن وانا ماجهزت
الجازي : قومي افتحي
راحت عبير تفتح
عبير : هيا حياك ادخلي
هيا : جيت بدري بساعدكم وبرتب الاغراض بسطح انتي روحي اجهزي
عبير : طيب
راحت هيا ترتب الاغراض بالسطح وتجهز كل شي
عند البنات
سمو: نجود لا ترمشين والله لو خرب ما اعيده
نجود : اح اخلصي توترت
البندري : نجود عندتس مناكير احمر
فتحت عينها نجود وهي ترد على البندري وخرب الايلاينر
سمو بعصبيه : انقلعي عن وجهي ميه مره اعيد ماتفهمين انتي اقول لا ترمشين وتفتحين عيونك خلي البندري الحين ترسم لك وقامت بعصبيه
نجود: وهي تحذف المنديل على البندري : كله منك تعالي سوي بي مثل ماخربتيه
جهزو البنات وطلعو لبيت الجازي
وصلو وطقو الباب
عند عبير وهيا
عبير : هذا اكيد البنات تكفين بنمقلبهم
هيا: وش براسك
عبير : البسي البرقع وبجيب عباة امي الراس وتلبسينها وكنتس عجوزهاوشيهم انتي
هيا : تم يالله هاتيها
لبست هيا البرقع والعبايه وفتحت الباب
هيا: انتن من
البندري : انا البندري
هيا : البندري من
استغربو البنات من هذي العجوز وشلون تسالهم كذا
البندري : انا البندري بنت خالد صديقه الجازي وعبير هن فيه ياخاله
هيا وهي كاتمه الضحك : اي عرفتس اي هن فيه بس انتن كيف كذا تتهملن بالشوارع لحالكن
الهنوف : حنا بيتنا قريب ومعنا عمتنا نجد
نجود : الا ياخاله اعذريني على سوألي بس انتي تقربين للجازي ما قد شفتس
هيا: ادخلن ادخلن ايه اقرب لها
دخلو البنات ورفعت برقعها هيا وماتت من الضحك هي وعبير البنات بصدمه نزلة نعولها سمو وحذفتها على هيا
نجود : يوه لاصرتي عجوز يا هيا بتصيرين ثقيله طينه
نجد : و الله برافو عليك ظبطتي الدور اهنيس
الجازي من السطح
: ياعرب ربي اطلعو يمي
اضحكو عليها وكملو طريقهم متوجهين لسطح
دخلو السطح وسلمو وبدو يضبطون الاغراض ويصورون
اشرت عبير لسمو ونجود ونزلت لحقوها البنات
سمو : هلا
عبير : اسمعن الحين بجيب لكن عبايات راس وانتن اساسا لابسات براقع بس بجيب العبايات واطيران وبنسوي عليهم دخول نار
نجود : تحمست طيري جيبيها
ركضت عبير تجيب الاغراض ورجعت : ها يالله البسن
نجود : ترا ما اعرف ادق على الطيران
سمو : ما عليس انا وعبير نعرف
نجود : اخس ياموضي ورحاب الشمراني
ضحكو وبدو ينفذون خطتهم وقفو عند باب السطح
عبير : اذا قلت ثلاث ندخل زين
البنات : اوكيه
عبير وهي تفتح الباب : ثلاثه
ودخلو وهم لابسين العبايه الراس ويدقون على الطيران
كان شكلهم يضحك
عند البنات كانو حول شبه النار يرتبون اخراضهم عشان يصورن فجاءه انفتح باب السطح ودخلو منه ثلاث بنات لابسين عباءة راس وماسكين الطيران فوق ويدقون على طول التفت الكاميرات بتجاهم وبضحك وقامت هيا والبندري يرقصون باستهبال مع سمو وعبير ونجود الي يدقون
——————————————————
ادري اني طولت مره بس كانت فترة اختبارات ومن ثم الاجازه كنت مشغوله واصلا كانت قصيره ما امداني اكتب كنت حيل مشغول وبدت المدارس وبعوضكم انشالله ببارتات اجمل اتمنى تلتمسون لي العذر 💗💗💗
ESTÁS LEYENDO
يوم نثرت شعرها نثرت كل الحب في صدري
Romanceوالقصد معروف ولا يحتاج ترتيب والمحب يخاف من كل بعد وتجافى هذي الرساله لا هي سر ولا تسريب توصل للذي ساكن ضلوع اللقاف
