نجد: شلون دخلت وهي بالمطبخ
سطام : مين الي بالمطبخ
نجد: سمو تغسل المواعين
سطام : يوم دخلت ماكان احد فيه وانا سألت نجود قبل ادخل
نجد: زين شكلها خلصت قبل تدخل اجل يلا ما اعطلك
طلع سطام وهو منذهل ان ذي سمو الي كانت قبل تلعب معه وهو يحارشها وتعلم عليه جدتها استغفر ربه انه شافها وهي ماتحل له
ودخل على العيال بالعزبه وهو يقول : يلا جبتها قومو نجهز قامو كلهم يجهزون عشان الكشته
عند البنات
نجد : بنات هيا تقول تعالو عزوز مو فيه كاشت بنسهر عندها وش رايكم
البندري : يبي لها راي بالله اكيد بنجي
الهنوف : يالحوامه قري ببيتكم ماتجلسين انتي
حوامه ( بمعنى انها ماتجلس بالبيت بس برا )
البندري : انتي وش حارق رزتس ياخي طفش بذا الديره
سمو : وهي صادزه البندري
نجود : نجد ماعليتس منهن قولي ل هيا الجازي وعبير بيجن
نجد : اكيد ما راح تخليهن قومن تجهزن يلا وانا بكلم امي
قامو البنات يكشخون
وراحو ل هيا دخلو البنات عند هيا ولقو الجازي وعبير فيه
سمو : يهيب يا هنه دايم اول الناس
عبير : الناس تسلم بالاول يالمرجوجه
سمو : امس ترا معكن مب حلاو هو
الجازي : اقول اجلسي يا ام اللسان بس بعدين انتن الي تاخرتن
الهنوف : كله من نجود وسمو يتهاوشن تقل بزران
نجود : احترمي عمتك يالماسع بعدين اسرار بيتنا لاتطلعينها
سمو : صح نجود اسرار البيت ماتطلع
البندري : الله واكبر ياسرار انتي وهي كله شنطه تهاوشن عليها وخذتها بالاخير نجد
نجود : حكم القوي على الضعيف
ضحكو البنات من نجود وردها ودخلت هيا بالقهوه
هيا وهي تقهويهم : يوه نقص فنجال على حظ عبير
عبير قومي جيبي لعمرتس فنجال
عبير : يحول مالي خلق بس بقوم قهوتس ماتتفوت
ابتسمت هيا لها وهي تقول : اجل اعجلي قبل تقضي
ضحكت عبير وهي تقوم تجيب لها فنجال من المطبخ دخلت المطبخ وهي تحسب مافيه احد طلعت فنجال وجت بتغسله الاسمعت صوت ينزل الاكياس عند الباب وهو يقول : هيا هذي الاغراض وانا اخوتس تبين شي ثاني
استغرب انها ما ردت ورفع عينه عليها شاف وحده لابسه بنطلون اسود جنز وتيشرت ابيض وشعرها تاركته على ظهرها عرف انها مو اخته وطلع بسرعه عشان ما يحرجها من سمعت خطواته تركت الفنجال وركضت للمجلس بسرعه ودخلت وهي ماتبي تبين للبنات توترها
هيا : عبير وين فنجالتس
عبير بتوتر : هيا اخوك يبيك برا
هيا : اي عزوز شكله جاب الاغراض
قامت هيا تشوف عزوز وشافت الاغراض منزله عند الباب رفعت نظرها للمغسله وشافت الفنجال مغسول ضحكت وهي تقول شكل صار لقاء هينا
عند البنات
سمو بهمس ل عبير : وش بلاتس كذا
عبير : تخيلي عزوز شافني كذا بدون عبايه ولا شي
سمو : شلون شافتس
عبير : هو جايب اغراض هيا ونزلهن عند الباب ويوم عرف اني مب هيا راح عشان مايحرجني بس والله اني ارتعت ( يعني خفت )
سمو : يمه وش ذا اليوم المشئوم حتى انا تخيلي شافني سطام بالمطبخ بعد
عبير : كيف شافتس قولي وش صار
قالت لها سمو كل القصه
عبير : وش سالفت المطبخ اليوم كلها صدف
دخلت هيا وهي تضحك ومعها الفنجال : لقيت فنجالتس يالضايعه والله مو منتس من اللقاء
استغربو البنات من كلام هيا ومافهمو وش تقصد الا عبير الي وجهها حمر وسمو الي كاتمه الضحكه
وهيا تضحك من رياكشن عبير وعبير توترت يوم عرفت ان هيا درت
YOU ARE READING
يوم نثرت شعرها نثرت كل الحب في صدري
Romanceوالقصد معروف ولا يحتاج ترتيب والمحب يخاف من كل بعد وتجافى هذي الرساله لا هي سر ولا تسريب توصل للذي ساكن ضلوع اللقاف
