جامعٍ في ضحكتك كل محبوب

البارت الثامن والثلاثين

الحمدلله
استغفر الله
لأحول ولاقوة الا الله

الصباح في بيت الجده كانو العيال يقطعون الذبيحة
والبنات في بيت حصه يسولفون ويسوون حلى وتوزيعات
وباقي الأشياء
جوان:العرس هنا ولا وين ؟
روان:في القاعه
رزان:اجل هاذي بناخذها معنا القاعه
ريوف:اي
قمر:ابي مويا
رزان:انا بروح اجيب لكم مويا احد يبي
البنات:اي كلنا نبي
رزان:زين   وراحت تجيب مويا
جوان:متى نروح القاعه
قمر:بعد صلاة العصر نروح نتجهز هناك
جوان:زين
رزان:خذو اشربو
البنات:شكرا
رزان:عفوا
روان:لميس
لميس:سمي
روان:تعبانة ؟
لميس:لا
ريوف:لميسو اذا تعبانه روحي ارتاحي
لميس:شوي مو مرا
رزان:اجل خلاص روحي ارتاحي وانتِ ياسلمى ارتاحو وحنا بنسوي كل شي
جوان:صح
سلمى:تعالي يا لميس
وراحو يجلسو فوق
العصر
قمر:يمه وين فستاني
روان:كعبي وينه
رزان:بنات التوزيعات
ريوف:بسس خلاص قمر فستانك في الدولاب روان كعبك جنبك رزان التوزيعات في الصالة
جوان:مشينا
ريوف:مشينا بس خليني اشوف فجر و سديم واختها بيروحون معنا
قمر:ايي يبرحون
ريوف:اجل بدق عليهم
دقت ريوف على سديم
سديم:احين بتروحون
ريوف:اي
سديم:طيب انتظرو بنجيكم
ريوف:زين
بعد شوي جو فجر والبنات
سديم:من بيودينا ؟
رزان:ياسر اخو ريوف
ريوف:ياسر انت وين ؟
ياسر:احين بتروحون
ريوف:اي
ياسر:اجل شوي وانا عندكم
ريوف:زين   بنات يسوري يقول انه شوي ويجي
سديم:يسوري اول مرا اسمعك تنادينه كذا
ريوف:ههههههههه
راحو البنات القاعه
في القاعه
روان:رزان تعالي نحط التوزيعات
رزان:يلا
قمر:بروح عند الكوفيره تسوي لي شعري
ريوف:وانا بروح عند الميكب ارتست
سديم:يلا ياقمر روحي وانا بعدك
زهراء:وانا بعدك يا ريوف
جوان:احين العيال وين ؟
روان:في العزبه
جوان:يعني الزواج في العزبه؟
روان:اي
بعد ما خلصو البنات
روان:الله الله بنات وش ذا الجمال
رزان:منجد
ريوف:فجر وين ؟
سديم:فوق في الغرفه
روان:نروح عندها ؟
البنات:قدام
عند فجر
جوان:تبارك الرحمن ياحلوك صدق
رزان:اسم الله عليك
روان:الله الله
ريوف وقمر:ياحظ ريان صدق
لميس:تهبلين
فجر:بنات تهبلون
روان:حتى انتِ
سديم:يلا احنا بنروح تحت
فجر:زين
تحت عند البنات
روان:ريوف امشي نمثل انتِ العروسه وانا العريس
ريوف:ههههههههههههه تم
راحت ريوف فوق و روان راحت عند المدخل
كانت ريوف نازله من الدرج
رزان:كأنها عروسه صدق
جوان:ايي اسم الله عليها
جلست ريوف على الكوشه وجت روان
روان:مبروك ل.... وانفجرت ضحك هههههههههههه
ريوف:هههههههههههههه
جلست روان بجنبها
روان:كأنك عروسه صدق ياحظ سعود
ريوف:اص اص
روان:ريوفي تحبين سعود ؟
ريوف:مدري
روان:وشهو مدري
ريوف:مدري مدري
سديم:ريوف روان تعالو
راحو روان و ريوف عند البنات
قمر:الحريم باقي ما جو ؟
روان:ايي طولو مرا
في نجد
عند الحريم
الجده:يلا يلا سعود برأ ينتظرنا
منال:عمتي خميسه وينها
عائشة:جت
ركبو الحريم معا سعود
خميسه:اخبارك ياسعود
سعود:بخير ياعمه انتن اخبارك عساك طيبه
خميسه:نحمدالله
وصلو الحريم القاعه وراح يتجهزون
بعد ساعه خلصو وبدو الحريم يجون
روان:الطقاقه جت
جوان:اييي
ريوف:اجل يلا رحنا
راحو البنات يرقصون
صفية: من ذيك من الي لابسه لحمي
حليمه:ريوف بنت عائشة
صفية :ريوف بنت عائشه ماغيرها
حليمه:اي يمه هي
ريوف:يمه روان شوفي كيف حليمه تناضر لي
روان:ماعليك منها
ريوف:شكلها تحش فيني
روان:ماعليك منها أرقصي تحصلين حسنات من وراها
ريوف:ههههههههه صح
عند الرجال
جت الفرقه وتبدت تضبط اوضعها وقامو الرجال
كان ريان في الوسط ويمينه ابو فجر ويساره ابو
والصف الثاني عادل ووسطه عبدالعزيز(الجد)ويساره خالد وبدت الفرقه بثاني مقطع للعرس وهو السامري
والكل كانو مستأنسين وبدا قايد الفرقه وهو يقول (عسى الله يجمع شملنا والمحبيينِ ) ويدردد وراه الف صوت وصوت بنفس الشطر (عسى الله يجمع شملنا والمحبيينِ)
وقامو يزن وسعود يلعبون بسيوف والانظار عليهم
واختلطت ألاصوات بصوت الفرح وريحه العود والقهوه والضحك والغناء والصراخ
عند الحريم
جوان:فجر بتنزف قبل العشاء ولا بعده؟
قمر:بعد العشاء
جوان:روان
روان:سمي
جوان:وين ذي الي تسمينها آم عيون
روان:هههههههههههه ذيك هي ياحياتي
رزان:مالومك لما سميتها ام عيون
روان:هههههههههههه
ام فجر:ياحريم اقلطوا على العشاء
حصه:حياكم الله
راحو الحريم يتعشون
سديم:بنات اعطوني صحن من الاكل
رزان:ليه مارح تعشين معنا
سديم:لا بروح عند فجر فوق
روان:يلا يلا قومو نروح عند فجر
ريوف:اي يلا عشان نحش
قمر:يلا
رهف:هي وين؟
جوان:تعالي معنا
عند فجر
جو البنات يتعشون عندها ويسولفون
رهف:حليمه جت ؟
ريوف:اي
روان:والذهب ماشاءالله من كل مكان
قمر:فجر هي تقرب لك صح؟
فجر:اي ولا كان مهي جايه
رزان:وشهو تقرب لك
فجر:امي تقول لـ ابوها ياخال ويصير ابوها جدي
جوان:كيف يصير جدك
رزان:يعني ابو حليمه وجده فجر اخوان ويصير ابو فجر خال امها وفجر تقول له ياجد
جوان:هاا مافهمت
روان:ههههههههههه ومن الحين لين بكرا مارح تفاهمي
ريوف:ههههههههههه
دخلت ام فجر
ام فجر:يلا يافجر بنزفك
فجر:يمهه خلاص مابييي
ام فجر:فجر
فجر:يمه خايفه ومتوترة
ام فجر:وشهو الي يخوف
لميس:ياحبي انا اعرف شعورك احين لاني مريت به لكن ارفعي راسك وامشي وكأنك ماتشوفين ولا احد وتخيلي الناس كلهم ريان
فجر:زاد التوتر
لميس:هههههههههه ماعليك
نزلت فجر
طفو الانوار وارتفع صوت الاغنيه(صلو صلو عالنبي الف الصلاة والسلام
سمو سمو يالحضور بسم اللي عينه ماتنام)
وصلت فجر الكوشه وجو الحريم والبنات يسلمون عليها ويباركون لها
عند العيال
ريان:العطر وين
ياسر:خذ
يزن:تعال خلني اعدل لك الشماغ
ريان:خلاص
يزن:يلا روح لـ عروستك يامزيون
ريان:كيف شكلي
فهد:روح بس
سعود:يلا ياولد روح
ريان:بسم الله
دخل ريان وابوه وابو فجر
راح ريان يسلم على امه وام فجر وجدته وبعدها راح يسلم على فجر
ريان:مبروك لنا
طلعو ريان وفجر برا
ركبت فجر السياره وساعدها ريان
تقدم ابو فجر منه
أبو فجر:بنتي في ذمتك ياولد وانتبه لها
ريان:ياعم بنتك في عيوني وبـ انتبه لها
ام فجر من عند باب القاعه بدموع:مع السلامه والله يحفظكم وأنتبه لـ بنتي
ريان:ابشري ياعمه
يزن:دق علينا اذا وصلت
ريان:ابشر
راحو ريان وفجر الفندق
في الفندق
نزلو وراحو الغرفه راح ريان برا عشان فجر تاخذ راحتها
عند فجر الي راحت تبدل
عند ريان
ريان:يزن
يزن:سم
ريان:تراني وصلت
يزن:زين وترا بكره ابوي عازمكم على الغداء
ريان:زين
رجع ريان بعد ماجاب الاكل معه
ريان:جوعانة ؟
فجر:لا
ريان:طيب انا طلبت لك اكل
فجر:اكله انت انا بروح انام
ريان:زين بترك لك اكل
راحت فجر تنام وهي اصلا كذابه ماتبي تنام بس تبيه ينام
وبتروح تاكل لحالها
خلص ريان اكل وراح ينام
فجر:هاذي فرصتك يافجر دامه نام روحي عبي بطنك
قامت وتربعت في الارض وجلست تاكل
ريان:لو دريت انك مستحيه مني كان نمت وخليتك تاكلي
فجر:يمه وشهو قومك انت
ريان:كلي كلي وخذي راحتك بنام انا
فجر:تصبح على خير
ريان:وانتِ من اهله

اعتذر اذا في اخطاء 🫶🏻.