جامعٍ في ضحكتك كل محبوب

البارت الحادي عشر

استغفر الله واتوب اليه
سبحان الله

عند العرسان
وليد:صباح الخير
لميس:صباح النور
وليد:احح الساعة كم
لميس:الساعه٤:٠٠ العصر
وليد:صليتي
لميس:اي عجزت اقوم فيك
وليد :هههههههههههههههههه ليه مارشتيني مويا حتى اصصصح
لميس بضحكه:كنت ناويه بس هجت
وليد:وليه هجتِ؟
لميس:قلت يابنت أستحي على وجهك ترا مب ريوفي ولا ياسر
وصراحة خفت تقوم وتلعن خيري
وليد:افااا انا العن خيرك
لميس:شسوي خفت
وليد:المهم بنروح نجد نسلم على اهلك واهلي
لميس:اه ي نجد اشتقت لها قبل اشوي دقيت على امي تقول ان الجو عندهم غيم والظاهر انه بيجي مطر
وليد:جد اجل يلا اصلي ونمشي المغرب
وراح وليد يتوضى ويصلي
ولميس راحت تكلم امها

في نجد
ياسر:ريوفي ريوفي
عائشة:يمه يأسر وش تبي ب ريوفي
ياسر:اهي وينها
عائشة:نايمه رح صحها
ياسر:ريوف ريوف
ريوف ماقمت
ياسر:أوريك وصرخ في اذنها ريووووووفيي قومي مطررررر
ريوف قامت مخروشه:خير اللهم اجعله خير وش تبي فاقع اذني
ياسر:مطرر
ريوف:كذاب برا مطر
ياسر:اي تعالِ
قامت ريوف مسرعه
ريوف:الله مطر
فيصل:روفي شوفي شوفي
ريوف:اشوف يعيني
ياسر:اي وشريك نتسابق في المطر
ريوف:قداممم
فيصل:وانا بتسابق معكم
ياسر:لا مايصير
ياسر:واحد إثنين ثلاثة وبدو يركظون ويضحكون
ياسر:لو الحين لميس هنا كانت الحين اخر وحده
ريوف:اه لميس تزوجت ونستنا
ياسر:اي صدق اللي قال اللي لقى احبابه نسي اخوانه
ريوف:خرفت الكلمه
ياسر:ماعليك
وفكت ريوف شعرها وبدات تلعب به وتركض في المطر
ياسر:عاشت ريوف عاشت
فيصل:روفي وراح يحضنها
ريوف:حبيبي
عائشة:تعالو يمه لا تبردو
ياسر دخل
عادل:ياسر وينها اختك وفيصل
ياسر:المجانية جالسين يلعبون في المطر
عادل:مالومهم والله مطر نجد يرد الروح
عائشة: اي والله طادژ بس الله يستر بس لا تطيحون ولا تمرضون
عادل:اي والله
ياسر:اروح اناديها لكم
عادل:لا خليهم يلعبون
وطلع عادل عند ريوف
عادل:ريوف وانا ابوك وش تسوين
ريوف جت تركض
عادل:بسم عليك يايبه بشوشة
ريوف:يبه مطرر
عادل:اي ي يبه اشوفه ما شاءالله ويلا روحي بدلي ملابسك
ريوف:ابشر
ضحك عادل
عادل:هاا يافصيل عسى بس لعبت في المطر
فيصل:اي بابا شوف في مطر كثير
عادل:اشوف يابابا
عادل:ياسر وين رايح
ياسر:ابد بروح عند سعود في العزبه
عادل:زين
عند سعود كان جالس في العزبه ويفكر
ياسر:سعود
سعود التفت:ياهلااا تعال تعال
ياسر:جايك
سعود:وشفيك مبلل
ياسر:اه جلست نلعب أنا وريوف في المطر
سعود:بزران انتم
ياسر:اي معليك منا المهم اشريك تقول قصيده معا هذا المطر
سعود:اجل اسمع

قلت المطر قالت من اليوم ديمه
ما به رعد لا برق ما غير هتّان

عشقٍ جمع ما بين قاعٍ وغيمه
سيّل على صدر الثرى دمع الامزان

همس النديم اللي يعاتب نديمه
صوت المطر كنّه تعاتيب خلاّن

ياسر:الله عليك
سعود:ياخي تعزيزك
ياسر:طيب ياخي شقول
سعود:امش امش المعرس حقنا جاء
ياسر:اماا جاء
سعود:اي يلا امش
ركبو السياره
ياسر:تكفى شغل ابو نور
سعود:يعجبني جوك ي شيخ
وشغلو أبو نور وبدو يغنون معا
عند وليد ولميس
وليد:الله ريحه نجد ترد الروح
لميس:انشهد
في بيت الجده نوره كان الكل موجود وينتظرون وليد ولميس
والبنات كانو في الغرفة يسولفون
ريوف:بنات ريحه نجد ترد الروح بعد المطر
روان:اي والله انتِن لحقتي على المطر
ريوف:اي
وقفو سواليف وهم يسمعون صوت سياره وليد و نطت ريوف على الدريشة
ريوف:جت العروسه
قمر:اماا جو
ريوف:اي جو
عند وليد ولميس اللي وصلو وبدا وليد يضرب بوري
وطلعو العيال يستقبلونه
سعود:وش ذا الازعاج
وليد:هههههههههههههههههههههههه عشان تعرفون اني جيت
وصدو العيال بعيد عشان لميس تسلم
ياسر اقبل يسلم على لميس:كيفك
لميس:الحمدلله وانتٍن كيفك
ياسر:نحمد الله
وراح يسلم على وليد
وليد:ياهلاااا ب النسيب
ياسر:وياهلاااا بلي خطف اختي وخلاها تنسانا
وليد:هههههههههههههههههههههههههههه
ياسر:تعال تعال الكل موجود ينتظرك
وليد:يلا اسبقني وانا وراك
ودخلو يسلمون على الموجودين
وراحت لميس تسلم على البنات
لميس:هاييي
ريوف:ريحه متزوجين
لميس أقبلت تحضنها:ههههههههههههههههه ياهلاااا با اختي العزبية
ريوف:اهه وحشتيني
لميس:اكثرر
واقبلو البنات يسلمون عليها
روان:حي الله زوجت اخوي
لميس:الله يحيك
قمر:كيفك يابعدي
لميس:الحمدلله وانتِن كيفك
قمر:نحمد الله
لميس:ليلى وين
قمر:على حافه الموت
لميس:اماا راحت المستشفى
ريوف:اي راحت والله لو تشفين دموعها تبكين
لميس:ياعمري عليها
سلمى :الله يسهل عليها
لميس:روانو شفيك مالك حس
روان:هلا
لميس:وين وصلتي
روان:بنات وش رايكم نروح نفر في الديره
لميس:انا انسحب
ريوف:خير ليه
لميس:والله عاد تعبانه من الطريق وبريح شوي وبعدها بنمشي لـ شهر العسل
ريوف:اماا وين بتروحين
لميس:مدري عن وليد
روان:المهم من باقي بيروح معانا
قمر:والله انا مانمت البارح زين وشكلي بروح انام
روان:طيب سلمى
سلمى:بروح عند اهلي
ريوف:اجل مابقي الا انا وانتِ
روان:اي والله
ريوف:متى نروح؟
روان:الحين وش رايك
ريوف:لالا بكره احسن
روان:اي
ريوف:طيب بنات وش رايكم اليوم نرقد عند جده
قمر:انا مارح انام معاكم
روان:انتِن وشفيك تتعذرين
قمر:ليلى تعبانه واكيد راح تجي عندنا وامي بتكون مشغوله بها فـ بكون معها
روان:اي ليلى الله يسهل عليها
ريوف:احد عنده خبر لها
سلمى:اي جدتي نور تقول انها دخلت العملية
روان:ومن راح معها
ريوف:امي وعمتي حصه
ريوف:اجل مافي غير انا وانتِ ي روان
روان:اي امشي نروح عند امهاتنا نقلهم
ريوف:يلا
في المستشفى عند ليلى اللي ولدت وجابت بنت
وعائشة راحت تتصل على نوره وتعلمها وحصه دخلت عند ليلى وزياد راح يشوف بنته
عند ليلى اللي قامت:يمه يمه وش صار على بنتي
حصه:بخير يمه بخير تطمني
ليلى:زين اقدر أشوفها
حصه:اي زياد راح يجيبها
دخل زياد وبيده بنته
ليلى:يمه هاذي بنتي
حصه:اي يمه عاد انا بستأذنكم وراحت
تقدم زياد:ليلى شوفيها كيف صغيره
ليلى بدموع:اي مره صغيره
زياد:وش نسميها
ليلى:وش رايك نسميها غنى
زياد:زين اسمها حلو مثل امها
ضحكت ليلى :متى بنطلع
زياد:بعد بكره بس غنى مارح تطلع معنا
ليلى:ليه
زياد:لان باقي جسمها صغير