جامعٍ في ضحكتك كل محبوب

البارت ثلاثين

الحمدلله
سبحان الله

الضهر في بيت الجده
الجد:يلا ياخالد وعادل خلونا نلحق الصلاة
خالد:يلا باقي بس العيال
الجد:رايح لهم
الجد:سعود سعود
سعود:سم جدي فيكم شي ؟
الجد:مافي الا العافية قم وقوم اخوانك لـ صلاة الضهر
سعود:ابشر الحين اقومهم
سعود:يزن يزن
يزن:خير
سعود:قم ورانا صلاة
يزن:يلا قايم
بعد ماقاموا العيال وراحو يصلون في المسجد
والجده راحت تقوم البنات يصلون
بعد صلاة الضهر اجتمعو الكل في الصاله البنات كانو يسون السمبوسه ويجهزون عجينة المحشي والمعجنات وباقي الاشياء والعيال كلن منهم ماسك له مصحف ويقرا واللي يذكر ربه واللي يدعي وكانو الحريم يستغفرون ويذكرون ربهم
والجد يقول لهم بعض الادعية والباقي يردون وراه
كانو سعود ويزن يقرون قرآن وياسر يدعي ربه وريان يسمع لـ جده ويرده معًا الادعية
وكانت ريوف تستغفر وتسوي في السمبوسه وقمر نفسها
وليلى وروان ولميس يدعون ربهم
كان منظرهم حلو اللي يقرا قران واللي يذكر ربه واللي يستغفر
واللي يسمع لـ الادعيه ويردد معها واللي ماسك له مسبحه ويسبح
العصر بعد الصلاة
كانو ريوف وروان يقلون السمبوسه والمحشي و ليلى ولميس يسون الحلى وقمر تسوي باقي الاشياء
ليلى:قمر بالله عليك روحي ودي لي غنى عند الرجال حتى اسوي اللي بيدي
ريوف:هاتيها اروح بها عند ابوها
ليلى:اي تكفين
ريوف:وروحي غنى ليه تتعبي ماما خليك شطوره ولـ عاد تتعبي الماما زين
سعود:على من تهرجين انتن
ريوف:على غنى زياد هنا
سعود:اي هاتيها انا بوديها له
ريوف:زين امسكها لاتطيح
سعود: بسم الله عليها + ازهلي
وراحت ريوف تكمل شغلها
الساعه ٥:٠٠
ريوف:مابغينا كلشي جاهز احين
روان:اي باقي بس البسبوسة
ريوف:جاهزه بس في ثلاث صحون منها باقي لنا صحن
قمر:ايي نحلي بها بعدين
روان:ابشرو
ليلى:يلا تعالو ترا الغرفه بارده
راحو البنات الغرفه وبقت روان تقسم الصحون دخل يزن
يزن:الله هاذي البسبوسه حق من
روان:لنا حنا البنات بناكلها بعدين
يزن:تبرعو لنا بصحن
روان:لا ابعد من وجهي
يزن:اللهم اني صايم مابي اسبك
روان:سر عني بس
راحت روان بعد ما سكرت على البسبوسة جات فكره لـ يزن
وراح يجيب الملح ويحطه على البسبوسة على اساس أنه زينه وقذا (كان يحسب ان الثلاثة صحون كلها لـ البنات)وحط فيها ملح كثير وراح
يزن:هههههههه استمتعو
المغرب بعد ما تجمعو الحريم وجو الرجال (طبعا الرجال كانو في حوش عادل والحريم في حوش الجد)
خميسه:اذن ولا باقي ياحريم
عزيزه:اذن اذن هاتو فطوركم ياحريم
قامو الحريم بفطورهم وريوف وفجر يفرشون السفره
عند روان
روان:مدري شفيها البسبوسة كذا كاني زوت زينه
قمر:روان جيبي معاك الايدام والفطاير وانا بشيل اللقيمات
روان:صبري اللقيمات منها ثلاثه صحون خذي اثنين واتركي واحد
قمر:زين
روان:هي لينا
لينا(من حريم الديره):سمي
روان:عادي تشيلين معي
لينا:ابشري
اخذو الفطور و حطوه على السفره
عند الرجال
ابوحميدان:يلا يارجال هاتو الفطور
قامو كلن منهم بفطوره
الجد:ذهب الضمى وابتلت العروق وثبت الاجر ان شاء الله بسم الله
كانو الكل يقول معه
عند الحريم
الجده:ذهب الضمى وابتلت العروق وثبت الاجر ان شاء الله بسم الله
عند الرجال بعد ما فطرو وصلو راحو المجلس يتقهون ويسولفون كانو سعود ويزن وياسر وريان يلفون بـ القهوة والشاي والحلى واللقيمات وباقي الاشياء
الجد:ياولد يا سعود
سعود:سم ياجدي
الجد:رح صب لـ ابو فهد
سعود:ابشر
عند البنات
سديم بهمس:زهراء تحسين البسبوسة فيها ملح
زهراء:اييي كأني جالسه اكل ملح مو بسبوسة
رهف:وش تقولون
سديم:كيف البسبوسة
رهف:ملح مرااا
سديم:احم من مسوي البسبوسة
روان:شفيها
سديم:طعمها ملح
روان:احلفي
وراحت جري تشيل البسبوسة من عند الحريم
حصه:روان شفيك
روان بارتباك:ابد سلامتك
راحت حصه
روان:اء عمتي
حصه:سمي
روان:اء شفتي صحن البسبوسة عند الحريم
حصه:اي الحين وزعت منه
روان:وزعتي على الحريم!
حصه:اي شفيك
روان:ولا شي
روان:والله البلشه
ريوف:هاا شصار
روان:اكلوها
فجر:ههههههههههههههه احلفي
روان:والله الحين عمتي حصه تقول انها وزعتها على الحريم
قمر:معليك
روان:اعطيني منها قطعه خلني اطعمها
فجر:خذي
روان:يوهه الله يكرم النعمة بس
ريوف:ههههههههههههه ملح صح؟
روان:اي والله ملح مراا
بعد ساعه راحو الحريم والرجال بيتهم واجتمعو الجد وعياله
منال:يابنات من منكم مسوي البسبوسة
بلعت روان ريقها:انا
منال:روان هاذي انتن
روان:بس وربي ماحطيت فيها ملح
منال:اجل كيف جاء
روان:مدري
عائشة:ماعليك يابنتي
روان:بس والله مو انا
منال:الحريم جاهم مغص من كثر الملح
يزن:ليه عسى الثلاث صحون مب للبنات
روان:يزننن انت اللي حطيت الملح صح ؟
أرتبك يزن:اي
روان:وربي كنت متاكده اني ماحطيت ملح
الجد:تعال تعال ليه حطيت الملح في البسبوسة ها
يزن:قلت لـ روان اعطيني صحن وقلت لا واحسبه كلها لـ البنات وقررت انتقم منهم عشان كذا حطيت ملح وقذا
سعود:هههههههههه انتقام في رمضان ماتجي
الجد:خلي الانتقام على قولتك ينفعك روحي يا روان جيبي وخله ياكل منها
يزن:لا تكفون
روان:ابشرر
وراحت روان تجيب الباقي من البسبوسة وجت
روان:القم يانذل
يزن:انقلعي
الجد:كل يلا
يزن:ياجدي مستعد اني انضف العزبه و انضف حوض السياره بس تكفى ياجد
الجد:لا كل عشان كل ماتفكر انك تسويها تذكر طعمها
راح يركض يزن عشان لا ياكل
الجد:يايزن تعال
يزن:ليش يربي
روان:كل يلا
يزن:انتن بذات لاتتكلمي
روان:كل كل كل
سعود:هاتو ياجدي خلني آكله بداله
يزن:الخوي الكفو
الجد:يا يزن بتاكل ولا
يزن:اححح هاتولي قطعه
روان:خذ
يزن:روان ذي كبيره نقصي !
روان:بتاكل ولا ؟
يزن:يايمه بسم الله
قشر جسم يزن من الملح
يزن:مويا مويا
قمر:خذ
يزن:وش ذا كأني اكل ملح
روان:عشان تحس
وكملو سواليف وضحك
وقت السحور
منال:يلا يا بنات هاتو السحور
جو البنات بـ السحور و تسحرو وجلسو يسولفون
وبعدها راحو يجبون لهم مويا واذن وراحو يصلون وبعدها نامو قامو الضهر وراحو يصلون ظهر وبعدها راحو يجهزون
المحشي وباقي الاكل والعيال يذكرون ربهم ويقرون قرآن
وبعدها اذن عصر وراحو يسون الاكل ويحطونه على النار
عند البنات في المطبخ
ريوف:بنات اليوم الفطور عند من ؟
روان:عند ام سلطان
ريوف:زين عاد هي بيتها اخر الديره
قمر:اتوقع ان بيأذن وحنا باقي نمشي ههههه
ريوف:اي والله ههههههه
روان:سمعت جدتي تقول ان اهل الديره بيجون عندنا عشان نروح سوا
ريوف:الله يونس
دخلت الجده
الجده:يلا ياحبيباتي خلو عنكم الكلام والسواليف وأنتبو لـ الفطور لا يحرق!
البنات:سمي + ابشري
الجده:الله يجزاكم خير تعبتو
روان:لا يجده وشهو تعب وما تعب عادي اصلا متعودين
البنات:اي
الجده:ليلى يا حبيتي اميرتنا وين
ليلى:غنى عند ابوها
الجده:زين يا حبايبي انتبهو على الفطور لا تشغلكم السواليف
البنات:ابشري
بعد ماخلصو البنات طبخ راحو الحوش
يزن:هي سعود خلنا نروح عند العيال نساعدهم
سعود:قدام
يزن:ريان و ياسر تجون معنا
ريان و ياسر:معاكم وين مارحتو
وبعد شوي فضي بيت الجده من الرجال وجوها الحريم
ام مشاعل:يلا يا حريم خلنا نروح الحين حتى نلحق الفطور
الحريم:يلا
كانو الحريم قدام والبنات وراه
رهف:اف اف من ذا اللي لابس ثوب اسود
قمر:يزن
رهف:يزن ولدكم
قمر:اي
رهف:يا حظ زوجته فيه
روان:حبيتي رهف محد يخق برمضان امشي بس ومشت قبلهم
رهف:شفيها ذي الله لا يبلانا
ريوف:هي روان شفيك على البنت
روان:وش ماقلت لها شي
ريوف:غرتي ؟ ههههههه
روان:وشهو اغار ترا عادي مابيني وبينه شي وبعدين انا قلت الصدق
ريوف:اي اي هههه
روان:ريوف خليني اكمل صيامي
وصلو بيت ام سلطان وبدت ام سلطان وبنتها يرحبون بـ الحريم
ام سلطان :ياهلاا شرفتونا ونورتونا اقلطوا حياكم الله
وكانو اللي يسلمون واللي يجهزون فطورهم واللي يفرشون السفر واللي يجيبون الاكل واللي رايح واللي جاي
ونفس الشي عند الرجال
اللي يروحون واللي يرحبون واللي منتضرين الاذن وميتين جوع
(كلنا عارفين من ذولاا😭😭) واللي يستغفر واللي واللي لين مقاطع عليهم صوت الجد وهو يأذن وتوقف كل شي
وبدو يستغفرون وبدا الفطور بـعد كلمه الجده
الجده:ذهب الضمى وابتلت العروق وثبت الآجر ان شاء الله بسم الله
ونفس الشي عند الرجال بدو فطور بـعد كلمه الجد
وبعد الفطور قامو الحريم با الحلى والكيك والحلويات والمعمول واللقيمات ونفس الشي عند الرجال
عند الرجال
كانو يزن وسعود عينهم على صحن اللقيمات اللي يدور
يزن:يويلي بتخلص اللقيمات راحت راحت
سعود بتحطم:قلت لك خلنا نجلس قدام رفضت والحين عجبك راحت اللقيمات
يزن:ماعليك هاذا محمد جايب صحن ثاني
سعود:الحمدلله وهو جايب صحن ثاني
عطاهم الجد نضره وارتبكو يزن وسعود وقامو با القهوة والشاي ومعاهم ريان وياسر و وليد كأنو يلفون با القهوة والشاي والحلى وباقي الاشياء
بعد ساعه من السواليف راحو كلن بيته والرجال راحو يتجهزون لـ صلاه التراويح ويزن وسعود وريان و ياسر راحو المسجد يشوفون وشهو ناقص ويرتبون المصاحف والكراسي
بعدها بشوي جو الرجال وكان الجد يصلي بهم
عند الحريم
قمر:بنات يلا جدتي تقول اخلصو الناس خلصو وحنا باقي
ريوف و روان:جاين
وراحو الصاله
كانو الحريم متجمعين اللي تجهز لها جلال واللي تقرا قران واللي مالقت لها جلال واللي تدور لها سجاده واللي ماحصلت
وكانو روان و ريوف يتهاوشون على الجلال والسجادة كل وحده تقول انا حصلتها قبلك
الجده:خلاص يابنات عيب تتهاوشون صرتو كبار
روان:جده شوفيها
ريوف:طيب انا لقيته قبلك
عائشة:خلاص يا ريوف شوفي في هناك جلال وسجادة خذيها
ريوف:طيب
وبعد شوي صفو وصلت بهم الجده
بعد الصلاة جو الرجال والحريم واجتمعو في المجلس
وكانو روان و ريوف يصبون القهوة لـ اعمامهم
الجد:بعد ماتخلصون ياعيال روحو العزبه وشوفو الحلال وانت يا ياسر روح عند ابو حميدان وقله جدي يبيك في المجلس زين
العيال:زين
الجده:وانتم يا بنات من منكم بتروح معي عند خميسه
روان وريوف وقمر:حنا
الجده:اجل شوي ونروح
بعد ما خلصو سواليف راحو العيال العزبه وياسر راح يقول لـ ابو حميدان وبعدها راح عند العيال في العزبه والبنات راحو معا جدتهم عند خميسه
عند خميسه
خميسه:كيفكم يا ام خالد
الجده:بخير انتن اخبارك
خميسه:نحمد الله كفيكم بنات
البنات:نحمد الله
وبدو يسولفون الجده و خميسه والبنات يشاركون معاهم في بعض السواليف
عند العيال
يزن:يعيال وشهو رايكم ننادي سالم وعلى وخالد يجون معنا هنا ونسولف
سعود:صادق اشتقنا لهم
ريان:اجل بدق عليهم
بعد ساعه كذا جو العيال
و شبو النار وسو شاهي وجلسو يسولفون وسعود يعطيهم بعض الابيات ويزن يغني لهم واستمرت الاجواء على هاذا الحال
لين مادقو عليهم اهلهم لـ السحور وراحو العيال وردو يزن وسعود وياسر وريان البيت
في الحوش
يزن:والله ريحه كبسه تفتح النفس وراح يركض هو و سعود
ولقو الحريم فارشين السحور
سعود:الحمدلله لحقنا السحور
ياسر:اي والله والا كان بي تفوتنا الكبسة
يزن:الله يا ريحه الكبسه
وراح يجلس اول واحد مسكه ريان
يزن:ياخي ابعد عني ريحتها تهبل
ريان:تبي جدي يخليك بدل الكبسه رح
يزن:هاا لا
ريان:اجل خلك مؤدب وشاطر
يزن:جدي متى ناكل
الجد:انتم مو الحين تاكلون الكبسه ذي بروح بها عند الشياب بـ نتسحر سوا وانتم باقي سحوركم على النار
يزن:اء جدي ماتحتاج احد يوديك عند الشياب يعني عشان لا تضيع وقذا
الجد:لا وانطم واكرمنا سكوتك
يزن:سم
سعود بهمس:ههههه مسكين كان يبي لقمه من الكبسه
يزن:سعودو لا تلوموني من برا وانا اشم ريحتها عاد كيف طعمها
سعود:يمكن الحريم مسوين كبسه ثانيه تعال نشوف
يزن:امش
وراحو المطبخ سوا
ريوف:وشهو تبون
يزن:نبي كب....
سكته سعود
سعود:اء نبي نعرف وشهو السحور
قمر:خبز و جبن
يزن وسعود:افاا ليه
روان:سرو بس روحو جهزو السفر بدال منتو جالسين هنا تبون تعرفون وشهو السحور
ريوف:اي روحو والا والله اعلم عليكم جدي
ماكملت كلمتها الا وسعود ويزن فارشين السفر ومجهزين البن والشطه
روان:هههههههه من يسمعون صاري جدي يفزون
ريوف:طلع جدي له هيبه والكل يخاف من يسمع له طاري
يزن:خلاص عاد
سعود:وربي متتت جوعع متى بيجي سحوركم ذا
ريوف:باقي يبيله ساعه كذا
روان:الساعه كم احين
يزن:٢:٣٠
ريوف:بدري وجدي بتسحر احين
قمر:خلاص روحو نامو وسرو عنا
يزن وسعود:سمي وراحو
بعد بساعه كذا جهز السحور وراحت حصه تقوم العيال فرشو السفر وحطو اللبن والشطه والكبسة وجلسو يتسحرون
كانو يزن وسعود فيهم نوم وشوي و غفو ومنال تقوم فيهم
بعد ماخلصو سحور وراحو برا يسولفون وجاء الجد واستمرت السواليف والضحك لين مارح خالد يأذن وراحو العيال يصلون والحريم راحو يصولون
وانتهاء يومهم