جامعٍ في ضحكتك كل محبوب

البارت السادس والعشرين

الحمدلله
سبحان الله

بعد أسبوعين قبل رمضان بيوم
الصباح
الجد:يلا ياعيال كلشي جاهز
ياسر:اي ياجدي كل اللي طلبته جاء
الجد:جبتو كرتون توت
سعود:اي
الجد:وكرتون عصير تانج
سعود:اي
الجد:و كرتون سكر كبير
ريان:اي
الجد:وفطاير السمبوسه جبتو ١١ حبه
ياسر:اي
الجد:اجل يلا وزعو
ياسر:جدي كل كرتون نحط فيه شي
الجد:لا جبو مثلا  توت وسمبوسه واعطو اي بيت ولا جيبو تانج وسكر واعطو يعني كذا
سعود:اجل يلا انا بروح اوزع على بيت ابو خالد وبيت ابو احمد
ريان:وانا بروح بيت ابو فجر وبيت ابو علي
ياسر:وانا بروح بيت آبو سالم
يزن:وانا اي شخص اشوفه اعطيه
الجد:الله يجزاكم خير
راحو العيال يوزعون
عند سعود طق الباب وفك له خالد
خالد:يامرحبا
سعود:كيفكم
خالد:نحمد الله انتم كيفكم
سعود:بخير هاا هاذي من جدي واعمامي
خالد:مشكورين وهاذي من ابوي لكم
سعود:يالله مع سلامه
عند يزن كان اي احد يشوفه اعطاه وقاله هاذي من جدي واخوالي وهم يعطونه ويقولون هاذي منا لكم
عند ياسر نفس سعود راح بيت ابو سالم وطلع له سالم واعطاه وقال له هاذي من جدي واعمامي لكم وسالم اعطاه سالم حقهم وقال له وهاذي من ابوي لكم
عند ريان
راح بيت ابو فجر وطق الباب وفتحت له فجر
فجر:من
ريان:اا ريان
فجر:تبغى ابوي اناديه لك؟
ريان كان وده يقول لها ابيك انتِ بس سكت وقال:لا جايب معي صدقه من جدي واخوالي لكم
فجر:زين حطها عند الباب وانا باخذها واصبر با اعطيك شي
ريان:زين
فجر:لف وجهك
لف ريان وجهه
و حطيت له كرتون وقالت له هاذي من ابوي لكم وشكرته
ريان:شكرا
وكذا مر يوم العيال من بيت لـ بيت ويوزعون ويقولون لهم هاذي من اهلنا لكم وهو يعطونهم ويقولون لهم هاذي منا لكم
اما البنات كانو يسوون في بيت الجده الفوانيس والانوار
ريوف:روان هاتي الفانوس اللي عندك
روان:خذي
ركبت ريوف الفوانيس على مسكه الدرج وقمر كانت تحط الانوار على مسكه الدرج ولميس و روان يعطينهم
خلصو من بيت الجده وراحو بيت عادل وسو نفس الشي وبيت خالد نفس الشي وبيت حصه نفس الشي
الضهر في بيت حصه
ريوف:يمه اخيرا خلصنا
روان:اي مابغينا
قمر:رجولي ماعد احس بها
لميس:ترا باقي راح ننظف الحوش حق جده
ريوف:اسكتي لاتذكرني
قمر:بنات وناسه نمسح الحوش
روان:اي وناسه
ريوف:متى ننظف
ليلى:العصر
ريوف:اجل نصلي سوا ونروح ننظف الحوش
روان:اي نخليه بعد الصلاة احسن
قمر:نخلي العيال يساعدنا
لميس:اي يجون يساعدنا لان حوش جده كبير
روان:مرا لا
ريوف:اي نبي ناخذ راحتنا
قمر:اجل خلونا نريحه شوي
ليلى:كم باقي على صلاة العصر
لميس:ساعتين
ريوف:ساعتين هاذي بنام فيها
روان:نامي وترا بتقومين
ريوف:ماني نايمه بروح ادور لي شي حتى يأذن
روان:بنات نروح عند فجر
ليلى:احس عيب احين نجيهم
قمر:لا مهو عيب ولا شي
ريوف:الا عيب
لميس:اي
روان:طيب وشهو نسوي طفش
قمر:بناتتتت
ريوف:خير ان شاء الله فقعتي اذني وشهو عندك
قمر:وشهو رايكم نروح عند عمتي خميسه(وحده من عجايز الديره)
روان:وشهو نسوي عندها
قمر: نسولف معها و نشتري لنا قرقيعان من عندها
ريوف:يوهه كيف نسينا مانشتري
ليلى:جدتي ماشرت لنا؟
لميس:لا تقول حجزتها بس باقي ماخذتها
روان:بس بنات برا شمس
ريوف:لا مو شمس غيم الجوه
قمر:اجل يلا رحنا
ريوف:ياليلى اعطيني جلالي من عندك
ليلى:خذي
روان:لميس هيا  ترا مابقى الا انتِ مالبستي جلالك
لميس:يلا
قمر:وقفو خلني اشوف زوجه اخوي بتروح معانا ولا ودقت على فجر
فجر:هلاااا قمر كيفك
قمر:بخير الحمدلله وانتن كيفك
فجر:نحمد الله
قمر:فجر تروحين معانا عند عمتي خميسه نشتري لنا قرقيعان ولا قد شريتي
فجر:لا نسيت ماتشتري اصبري بس احين اطلع لك
لبست فجر جلالها وطلعت لهم
فجر:كيفكم بنات
البنات:بخير
روان:مشينا
ريوف:مشينا
جلسو البنات يسولفون وياخذون اخبار فجر وهي تاخذ اخبارهم وتسالهم اذا سوا زينه رمضان
ريوف:يوهه قبل شوي خلصنا تزين
روان:تخيلي من الساعه ١٢:٣٠ حتى الحين وحنا من بيت لبيت نزين
فجر:يوهه انا من اليل اني اسوي فيها
فجر:بكره الفطور عند عمتي نوره
ليلى:اي عند جدتي
روان:اكيد رمضان مهو رمضان اذا ماتجمعنا عند جدتي
ريوف:اي والبنات بيجون
فجر:اي يمكن
لميس:ويمكن حتى اليوم يتسحرو عند جدتي
ريوف:اي يمكن
وجلسو يسولفون
بعد شوي كذا وصلو
ريوف:من تطق الباب
روان:انا بطق
ريوف:يلا طقي
روان:طق طق ياهل البيت ياعمتي خميسه
فتحت العمه خميسه الباب لهم
خميسه:يامرحبا يامرحبا تو مانور بيتي اقلطوا اقلطوا
دخلو البنات الصاله وجابت لهم العمه خميسه قهوة ومعمول
خميسه:اخباركم يابنات
البنات:بخير الحمد لله انتن اخبارك
خميسه:نحمد الله اخبار اهلكم وجدتكم
البنات:كلهم بخير
خميسه:اخبارك يافجر واخبار امك
فجر:الحمدلله بخير
وجلسو يسولفون وياخذون اخبار بعض
روان:عمه خميسه
خميسه:سمي
روان:جدتي حاجزه عندك قرقيعان
خميسه:اي لكم ولا اهلكم تعالو اوريكم
وراحو معها يشوفون وفجر راحت تختار لها ولا امها
خميسه:هاذي هي شوفو
ريوف:تجنن
لميس:مره
فجر:طيب ياعمه بختار لي ولا امي
خميسه:امك كلمتني امس وحجزت ذي هي اللي حجزتها لك امك
جلسو البنات يشوفون
طق الباب وراحت العمه خميسه تفتح الباب
خميسه:ياهلاااا اقلطوا اقلطوا
سديم و زهراء :اخبارك ياعمه
خميسه:بخير الحمدلله انتن اخباركم واخبار اهلكم
سديم وزهراء:بخير ويسلون عليك
خميسه:وصل سلامهم
وجت بتصب لهم قالو لها مانبي
خميسه:افاااا مالكم ولا ماعد اعجبتكم قهوتي
سديم:يازينها قهوتك بس والله ذلحين شاربين دله كامله
زهراء:اي والله
خميسه:دامها قهوة امكم في هي ماتتفوت
زهراء:أي قهوة امي محد يفوتها
سديم:ياعمه القرقيعان اللي حجزناها وينها
خميسه:تعالو معي اوريكم بها
زهراء:عسى من عندك ياعمه
خميسه:ريوف و روان وفجر وليلى ولميس وقمر
سديم:البنات هنا
خميسه:اي جو عشان القرقيعان
سديم:بناتتت
وراحو يسلمون على البنات
زهراء:كيفكم
البنات:بخير وانتم كيفكم
زهراء وسديم:نحمد الله
واخذو إخبار بعض ونسو القرقيعان
خميسه:اجل تعالو الصاله وسولفو
راحو البنات الصاله وصبت لهم العمه خميسه القهوة
وجلسو يسولفون
البنات:يلا عاد حنا رايحين
خميسه:اجلسو معنا
ريوف: الود ودنا لكن حوش ام خالد ينادي
خميسه:الله يعينكم
البنات:امين
سديم:زهراء نروح معاهم
زهراء:يلا
سديم:بنات اصبرو بنروح معاكم
روان:الله يالوناسه حياكم
خميسه:الله يحفظكم يابنات
البنات:امين