جامعٍ في ضحكتك كل محبوب

البارت الخامس عشر

سبحان الله وبحمده
الله اكبر

في حوش الجده
الجد:اسمعو ترا بنروح المزرعة الحاضر يعلم الغايب
سعود:جدي بنطول فيها
الجد:اي بنجلس اسبوع
فيصل:هيي بنروح المزرعة وجلس يدور وراح يجلس في حضن جده
الجد وهو يضحك:اي يا اميرنا بنروح
فيصل:اي وبروح العب معا ماهر
سعود:لا ماهر حقي انا
فيصل:لا حقي
سعود:لا حقي
فيصل:عمي خالد شوف سعود
خالد وهو يضحك:وش فيك ياسعود عليه
سعود:تعال تعال يشاكي
فيصل:لا انت مو صاحبي
يزن:طيب انا صاحبك ولا
فيصل:لا انت تعصب علي
يزن وهو يضحك: مين اللي يعصب عليك
فيصل:كل تبن بس تحسبني بخاف منك
الكل:ههههههههههههههههههههههههههه
ريوف وهي ترفعه:كفو تربيتي
عادل بضحكه:فيصل وانا ابوك من اللي معلمك تقول كذا
فيصل:روفي قالت لي اذا احد عصب عليك قله كل تبن
خالد:وانا عمك ياريوفي لاتعمليه بهذا الكلام
ريوف:لاخله يتعلم عشان اذا احد عصب عليه يقله
يزن:طيب يافاصوليا
فيصل:مانييي فاصوليا!!!!!!!
ياسر:يزن الا فاصوليا
الجد:تعال يافيصل اترك يزن
فيصل:جدي شوفه يقولي فاصوليا
الجد:ماعليك منه
فيصل بهمس:جدي خلاه يروح بي البقاله ولا يشتريلي من البقاله
الجد وهو يضحك:ابشر
الجد:يزننن!!
يزن:بسم الله سم سم
الجد:روح اشترا لـ اميرنا من البقاله
يزن:اه لعب عليك بكلمتين وصدقته ياجدي هاا يافاصوليا وشهو تبي
فيصل:اخوي اسمي فيصل مهو فاصوليا وابي عسكريم
ياسر:اجلس يايزن عندنا في البيت كثير
يزن:اي عندك كثير وتبيني اطق لك مشوار
عادل:ايوه وشهو قلتم عن الطلعه
الجده:خلينا نروح بعد الفطور
الجد:زين
ريان:يعني بنطول فيها
خالد:اي اخذو لكم اغراض تكفي
ليلى:جدي انا مقدر اروح معاكم
الجد:ليه يابنتي اميرتنا تعبانه ولا انتِ تعبانه ناجل الطلعه
(كان الجد ينادي غنى اميرتنا
وفيصل اميرنا)
ليلى:لا لا روحو وانبسطو غنى تعبانه شوي وزياد بيجلس عندي
الجد:اجل يازياد انتبه لها ولا اميرتنا واذا جاكم شي اتصلو ولا تخليها في البيت لحالها جبها عندنا واتصلو طمنونا عنكم وعن اميرتنا
زياد:ابشر
يزن:وش فيها غنى تعبانه
ليلى:اي شكلها سخونه داخليه
ريان:طيب اروح اجيب لها دواء ولا شراب ولاشي
ليلى:لا لا اجلس بعدين انا بقول له زياد يروح بها المستشفى
ريان:زين براحتك
يزن:وياقلبي اللي تعبانه انادي جدتي ولا امـ
حصه:ليلى يمه وشهو فيك تعبانه ولا اميرتنا تعبانه
ليلى:يمه شكل غنى جتها سخونة داخليه
حصه:هاتيها اروح بها عند امي تشوف وش فيها
يزن:بروح معاك يمه
حصه:تعال
حصه:يمه يمه
يزن:جده ياجده اين انتِ ياجده
الجده:جيت جيت وشهو فيكم
يزن:عالجي لنا هاذي الحلوه
حصه:يمه شوفي غنى وش فيها ليلى تقول تعبانه
ليلى اللي جت:اي ياجده من البارح تصيح مدري وش فيها
الجده:اشوفها
الجده:بسم الله عليك
سادحتها على ركبتها وبدا تهزها على خفيفه وتسمي عليها
بسم الله بسم لله
يزن:يمه الحين تسكت ولا وش
حصه:اي تسكت وتنام
الجده:الله يسقي ايام كنت اسوي بكم كذا
يزن:اما وكنت انام
الجده:مو بس تنام الا تشخر
يزن:شكلها يدك ياجده فيها مخدر يخلينا ننام
حصه:أسكت
يزن:يلا انا بروح
ليلى:جده وشهو معاها
الجده:هاذا مغص اذا جاها سوي بها كذا
ليلى:طيب جده هو يجلس معاها حتى متى
الجد:يوم كذا ويروح ويجيها مرا ثانيه
حصه:خلاص اجل اذا خف عليها تعالو انتي وزياد
ليلى:زين
الجده:خلاص اجل اليوم لا تحركينها كثير
ليلى:اجل بنجيكم بعد بكره
في الحوش
الجد:يلا يلا
عادل:اجل يلا روحو جيبو اغراضكم
وراح كلن منهم يجيب اغراضه
وبعد ساعه اجتمعو كلهن
الجد:اجل يلا نسري
وتوزعو في ثلاث سيارات
الجد:زياد بعدين تعال انت وزوجتك بسيارة حقتك
زياد:ابشر اذا اميرتنا تحسنت
الجد:يوسف زوجتك معاك ولا
يوسف:اي معي
الجد:زين اجل خلنا نركب في سيارتك وهي تركب معا البنات
وتوزعو في ثلاث سيارات
السياره الاولى:خالد عادل عائشة منال الجده فيصل
السياره الثانية:الجد احمد يوسف ياسر ريان
السياره الثالثه:سعود يزن قمر ريوف روان سلمى
روان:شغلو لنا شي خل نروق
ريوف وقمر:اي والله
وشغل لهم سعود اغنيه
وبعد ساعه كذا وصلو
وصلو وبدو ينزلون الاغراض
وبعد ماخلصو اجتمعو الرجال في المقلط والحريم راحو يسوون الغداء
ياسر:اه يعيال متت جوع
وليد:اه مثلك
يزن:وش رايكم نروح المطبخ نسرق لنا اكل
سعود:تم
ريان:ادعو ان الحريم مب في المطبخ
ياسر:يارب انهم مب في المطبخ
واتجهو العيال لـ المطبخ
يزن من عند الباب الثاني حق المطبخ اللي كان مطل على المزرعة
يزن:تعالو مافي احد
سعود:يلا ادخلن وحنا وراك
ودخل يزن والباقي وراه
يزن:يعيال ترا في كبسه هناك بروح اغرف لي منها
العيال:واغرف لنا معاك
وجلسو يزن يغرف لـ العيال منها وقطعهم شهقت ريوف
وفزو العيال اللي مسح الاكل ولا كأنه اكل واللي نقز وخب الاكل واللي مدري وش يسوي واللي كان بيهرب
ريوف:ياويلي ويلااا وش تسوون انتِن وياه
قمر:وانت ي يزن وين طاير ترا شفناك
يزن:اماا شفتني
روان:المهم وش تسوون هنا
سعود:ابد جعنا وقررنا ناكل والفكره كانت فكره يزن
يزن:ياكذاب انا اصلا توني اجيت
روان:اي اي توك جيت لدرجه صرت تمشي عكس
ريوف:طيب ليه ماصبرتو حتى يجي الغداء
ياسر:متنا جوع
ريوف:اجل خل الجوع ينفعكم عند الخيزرانه ابو خالد
سعود:اقول ريوف لا تصيرين مطيريه وتعلمين جدي
ريان:اي حنا مساكين
ريوف:اوكي بس بشرط
سعود:وشهو الشرط
ريوف:تاخذنا البقاله ونشتري اللي نبي وعلى حسابكم
سعود:بس اجل يلا امشو
وراحو البقاله (كان الجد حاط بقالة جنب المزرعة)
واخذو البنات اشياء لـ سهره وطلعو
وبعدها بساعه جاء الغداء وتغدو وراح الجد يقيل
والباقي يسولفون
اخر اليل الساعه 1:30
يزن:وش رايكم نروح ننادي البنات ونجتمع كلنا ونغني ونقول قصايد
الكل:تم
ياسر:يلا ي سعود قل قصيده
سعود:احم

ليتَ اللَّيالي تُنسي قَلبي الألمَا،
والنَّجم يُنِبئها عَني بِما عَلِما
لعَينيكَ يا ليلُ سِرٌّ لا تبوحُ بِهِ،
أُغمضتْ عَنهُ عيونُ النَّاسِ
فانكَتَما إلَّا عيونِي مَا أغمَضَتْ سَاهِدَها،
فبِتْنَ يرقبنَ مِنكَ النَّوءَ والظُلمَا

وارتفعت الأصوات قائلا (الله عليك | انشهد وباقي الردود)
وليد:دورك يزن
يزن:احمممم اسمعوني
وبدا يزن يغني
وانتهت اليله

اعتذر اذا في اخطاء 🫶🏻.