جامعٍ في ضحكتك كل محبوب

البارت السادس عشر

استغفر الله العظيم

صباح يوم جديد قامت الجده تسوي الفطور لـ احفادها
جو منال وعائشة
عائشة:عمه وراك ماقومتنا نساعدك
منال:طادژه
نوره:والله ماحبيت ازعجكم
منال:لا ياعمه وشهو لاهو ازعاج ولا شي
عائشة:أجل مدام الفطائر جاهزة انا بصلح الادام
منال:زين وانا بصلح القهوة والشاي
جت العمه حصه
حصه:وراكم ماقمتونِ  معاكم
منال:شفناك راقدة ولا حبينا نزعجك
حصه:اجل مادام الفطور جاهز اجل انا بروح أجهز المقلط ولا ودكم نفطر برا مدام الجوو غيم
نوره:وانا امك مدري
منال:دام الجوه حلوه خلونا نفطر برا
عائشة:اي والله الاجواء الاسبوع هاذا ترد الروح
حصه:اجل بروح اجهز الفرشه
وراحت حصه تجهز الفرشه والباقي يجهزون الفطور
والبنات والعيال نايمين
الجد اللي قام وقوم عياله معا
خالد:يبه خلنا نروح المزرعة دام الفطور باقي مجهز
احمد:زين يلا
عادل:العيال باقي نايمين
خالد:اضن سهرو
الجد:السهر مب زين خلهم ينامون بدري
خالد وعادل:ابشرر
وراحو متجهين لـ المزرعة
عند البنات
قامت سلمى تساعدهم
عائشة:لميس ما قامت
سلمى:اي لميس سهرت معاهم
منال:ليه انتن ماسهرتِ
سلمى :اي جلست معاهم شوي ورحت انام
نوره:روفي باقي نايمه
سلمى:ايي روفي اضن نامو البنات وهي باقي مانمت
عائشة:نومها لازم يتعدل
نوره:اي حاولو تعدلونه له
عند البنات قامت لميس
وراحت الحمام (أكرمكم الله) وغسلت وجهها
وجت عندهم وقررت تدرعم عليهم و قالت بصوت عالي شوي:صبحكم الله بالخير
ولفو كلهن عليها وهم يضحكون
عائشة:بسم الله وشفيك مدرعمه علينا
لميس:حبيت اسوي لكم سبرايز
منال:تعالي
لميس:سمي يا عمتي الحلوُه
منال:انتِن الحلوُه
لميس:اي بغيتِ شي ياعمه؟
منال:روحي صاحي البنات دام الكل بدو يصحون
لميس:ابشرِ
عند لميس
جتها فكره وقررت انها تولع النور وطفيه وفعلا سوتها اكثر من مره
روان قامت مفجوع وهي تشوف النور يطفى ويشتغل وكان في شخص واقف قدامها وجسمه كله ابيض (كانت لميس اللي لبست لها جلال عشان تخوفهم اكثر)
وريوف وقمر  نفس الشي وصارو يناضرون بعض وكل وحده خايفه
روان وهي تحرك ريوف بخفيف:تكفين ريوفي وش صار لك صحصحِ
ريوف اللي كانت خايفه وترجف:بنات وششش هاذا
روان:مدررري
قمر:بناتت جتني ام اركب
روان:قمر لا تخافين مافي شي اكيد احنا نتخيل
وفجاة وبدون اي مقدمات هجمت عليهم لميس
وفزو قمر روان وريوف وصارو يركضون عند امهاتهم
في المطبخ جهز الفطور وراحو الحوش وكان الكل موجود
وفجاة جو البنات يركضون ويصارخون
الجد:اقصر الصوت
خالد:وشفيكم انتن
روان وهي من ورا الباب:يبه فييي جنيه في الغرفة
الجد:وشهو تقولين
سعود:روان وشهو تخثردزِ انتِ(يعني تقول كلام مب مفهوم )
روان:اقولكم في جنيه فوق
وليد اللي انتبه انه لميس مب فيه:زوجتي زوجتي وينها
يزن:ابلشتنا ترا تقول محد متزوج غيرك
عادل:اي طادژ وينها لميس
عند لميس اللي كان بطنها يوجها من الضحك على البنات وكانت مهي قادره تمشي
الجد:أتركوا لميس الحين وروحو شوفو من هاذ اللي في غرفة البنات
وراح خالد وعادل والباقي جلسو بحكم انه البنات من غير جلال
خالد:بسم الله وفتح الباب وشاف لميس اللي تضحك
عادل:لميس وانا ابوك شسوين هنا وينه الجني
لميس اللي كانت غصب تتكلم وهي تضحك:انا يبه انا الجني
خالد:هاا كيف اشرحي
لميس:عمتي منال قالت لي اروح اقوم البنات وانا طق فيني عرق النذالة ولبست جلال ابيض وجلست اشغل النور واطفى عشان اخوفهم
خالد:والبنات محتاسين تحت كلن منهم ترجف خوف
عادل:حتى وانتِ متزوجة ماتبطلين الاستهبال حقك
تفشلت لميس
خالد:يلا يلا قدامي روحي اعتذري من البنات وزوجك يدورك على باله انه آكلك الجني وطلعت زوجته هي الجنيه بنفسها
روان:هاا يبه عسى بس لقيتها
خالد وهو يضحك:اي وانا ابوك طلعت الجنيه زوجت اخوك
روان:لميس الكلبه
ريوف وهي تبكي:حيوانه
قمر:اه طلعتي انتِ اجل ياخسارة دموعي اللي راحت
لميس:افاا صحتو
وراح عادل يعلم الباقي بسالفة
يزن:وليدو طلعت زوجتك مب هينه
وليد:اي
وجو البنات
عائشة:تعالي تعالي وجت لميس جلست جنبها ولأ كأن صار شي حذفتها ب الشبشب وقالت احنا مرسلتك عشان تقومين البنات وانتِ رايح تخوفينهم
لميس:والله مايخوف بس بناتكم خوفات
ريوف:اي اي خوفات
قمر:اضن حتى إللي مايخاف اول مايشوفك هيخاف
روان:اي والله
ريوف:الله يرزقك ي وليد زوجه صالح
وليد:لا لميس تكفي وتوفي
ريوف:ماظنيت
لميس:حبي انا زوجي مستحيل يلقى مثلي ابداا
الجد:عجيب ي لموس وانا اقول لميس عاقل
لميس اللي تفشلت وهي اصلا نست ان جدها وابوها وعمها موجودين
خالد :سعود وانا ابوك روحو شيكو على الحلال
سعود:ابشر يلا قم انت وياه
يزن:وش دخلنا احنا
سعود:وشهو اللي مادخلك
ياسر:وهو صادق عمي قال اسمك بس
سعود:اقول امشو بس
وراحو
المغرب
في الاسطبل عند سعود و ماهر
راح سعود يخم ماهر
سعود:اه ي ماهر ادري انِ ابطيت عليك بلحيل
يزن:المفروض تدلعه تقول له ميهارو ماهرو
سعود:انطم بس
يزن:مالت علي
سعود:يلا بس خل نروح لـ العيال
يزن:يلا
عند العيال
وليد: اه قلبي يحتاج عود واغاني وقصايد
ريان:اركض ي يزن جب العود ويلا سعود يقول قصيده وانت يا يزن قل اغاني وانا بعزف
ياسر:واحنا
سعود:صفقو
وجاب يزن العود وبدا ريان يعزف:سعود يلا وبعدك يزن
سعود:احمم

قلبي سراب ماتت حروفي ظما
وعيني الليلة سحاب ماهي
للقمرا سما وما بقى إلا العتاب ..
لا تجي الليلة ! الكلام العذب كلّه
خلّه باكر يمكن الخاطر يروق
أنا ناسي الحب والله ..
ماني فاكر وين دمي من
العروق اللي عندي ما يسرّ ..

الكل:الله الله
ياسر:يلا يزن اطربنا
يزن:ابشرو
وبدا يزن يغني لهم
ريان: بقول لكم قصيدة
وليد:اوو انت تقول قصايد
ريان:من كثر الضيقه بحاول اخليها قصيده
راح يزن يخم ريان:قل وشهو فيك تحس بشي فيه
ياسر ووليد:قل وشهو فيك
سعود:افاا تضيق واحنا موجودين قل وشهو اللي مضايقه
ريان:
يا عيال قلبي كل ماحل طاريه
يفّز له يا عيال تسعين فزّه
أغليه و أحبه و أودّه و أداريه
و أشتاق له يا عيال في كل حزه
سعود:ماعليك تهون تهون
ياسر:طيب اخطبها وارتاح
وليد:اي يا ريان ياسر صادق رح اخطبها قبل لا يجي احد ياخذها
ريان:زين
سعود:بكره قل لـ ابوك يكلم ابوها وعمتي تكلم امها
ريان:اخاف ترفض وحزتها بضيق
يزن:ترا يوم رحت تسلم على ابو فجر شفت بنت فاتحة الدريشة حق الغرفة
سعود:وراك ماتنزل عينك
ريان:احلف
يزن:والله
ياسر:اجل خلك  رجال وراحو اخطبها وابوي وعمي راح يجون معاك
ريان:بعد مانرجع من المزرعة بروح اخطبها
سعود:ياعيال اسمع صوت جدي
ياسر:اي والله
وليد:عز الله رحنا فيها
ريان:اجل يلا
يزن اللي انطلق اول واحد
سعود:اي اي انحش انحش
وراحو
سعود:سم ياجدي
الجد :وين كنت انت وياه
يزن:كنا عند الحلال
الجد :زين روحو تعشوا
ياسر:يلا يعيال ريحت الاكل ترد الروح
يزن:اي خل نلحق
وراحو يتعشون
يزن:ياسر اركض لـ البقاله جب لنا ببسي
سعود:وخبز
ياسر:يارجال مافي خبز الحين
ريان:ماعليك في خبز عند فاروق
ياسر:زين تبون شي ثاني
سعود:سلامتك
عند البنات
قمر:بنات طفش
ريوف:مره
روان:نروح الحوش
قمر:تم
ريوف:جدي اذا شافنا في الحوش بي سطرنا
روان:ماعليك جدي الحين تلاقينه قد نام
قمر:صادقه
روان:يلا انا بروح اجيب القهوة والشاي
قمر:ريوفي نروح انا وانتِن البقاله
ريوف:والله متكسره
راحت روان تسوي القهوة والشاي وقمر راحت البقاله
في البقاله عند ياسر
ياسر: فاروق انت متى قفل بقاله
فاروق:انا قفل بقاله ساعه ١٢
ياسر:اوكي ..
دخلت قمر اللي كانت لحالها اخذت الأغراض حقتها وراحت تحاسب
قمر:مدير عجل
ياسر:مين انتِن؟
قمر:مو لازم تعرف مين انا
ياسر:زين
وعم الصمت
ياسر:جايه لحالك
قمر:اي
وخلص فاروق حساب واعطاها اعراضها
ياسر:اصبري بجي معاك مو زين تمشين لحالك والطريق ماهي امن
قمر:زين عجل
اخذ ياسر اغراض وراحو
كانت قمر متوترة وخايفة وشوي وتلتفت
اما ياسر كان منزل عينه ويلعب به اغراضه
وصلو وركضت قمر عند البنات وياسر راح عند العيال
روان:بسم الله وراك تسذا تركضين
قمر:ابد
ريوف:يلا رحنا الحوش
وراحو الحوش وحطو القهوة والشاي والأغراض الباقي وجت ريوف تركض ومعها المسجل حق الاغاني
روان:شغلي ابو نور
ريوف:يعجبني جوك يشيخه
روان:اي لميس وينها ماجت وسلمى
قمر:لموس عند الحب وسلمى معا الحريم
روان:زين
شغلت ريوف المسجل وارتفع صوت ابو نور
وبدو البنات يغنون معاها
وريوف فكت شعرها اللي كان يغطي ضهرها وتلعبه وتغني معا ابو نور
وبعد ساعه انتهوا من فقره الاغاني والاكل والضحك والسوالف و لمو اغراضهم ودخلوا
وكل وحد سحبت لها فراش في الارض ونامو
عند لميس و وليد
وليد:عساك مرتاحه يابعدي
لميس:اي مرتاحه ياليت لو نسكن هنا
وليد:هاا؟ عشان مااشوفك الا بسنه مره
لميس:لا بس الاجواء ترد الروح
وليد:في ذي طاژه
وانتهت اليله

اعتذر اذا في اخطاء 🫶🏻.