جامعٍ في ضحكتك كل محبوب

البارت الخامس والعشرين

بسم الله
استغفر الله واتوب اليه
لا اله الا الله
الحمدلله
.
.
.
.
صباح يوم جديد كان الكل صاحين فطرو وراحو والجد وعياله والعيال والبنات الجبل اللي كان كله تراب واخذو معاهم أكياس يجلسون عليها ركبو الجبل وكان الجد معاهم كانو بيلعبون
الجد:بسم الله يالله سباق اللي يوصل اول واحد تحت هو الفايز وله من عندي خمس ميه
يزن:والله الخمس ميه ماهي عاديه
سعود:نشوف يايزون انا ولا انت اللي بيحصل على الخمس ميه
يزن:نشوف
البنات ماكن لهم نفس يلعبون فـ جلسو يشوفون
خالد:يالله واحدد اثنين ثلاثثة
انطلقو العيال والجد معاهم وعادل كان معاهم وخالد كان الحكم حقهم والبنات يعززون لهم
فاز عادل
يزن:اح راحت الخمس ميه
سعود:راحت لعمي عادل
ياسر:معوضين خير
الجد:خذ هاذي الخمس ميه حقتك ومبروك الفوز
عادل:ماله داعي يبه تعالو يعيال
يزن:بيقسم علينا اكيد
سعود:ليه متأكد انه بيقسم علينا
يزن:نبره توزيع الفلوس اعرفها انا
سعود:من كثر اللي يعطونك حتى تعرفها
يزن:سعودو وشهو رايك تكرمنا بسكوتك مو احسن
سعود:لا مو احسن
راحو عند عادل واعطى كل واحد خمسين والبنات خمسين
يزن:يزينها هاذي الخضراء
وكملو سوالف وبعد صلاة الضهر رجعو وراحو البنات يسون الغداء
الجده:يلا تعالو الغدا جهز
يزن:جاين جاين
سعود:الله ريحه الاكل تفتح النفس
ياسر:اي والله
جلسو وبدو يتغدون
الجد:مابقي على رمضان الا اسبوعين خلونا نرجع ومن بكره تبدون تشترون زينه رمضان
يزن:الله مابقى على رمضان الا اسبوعين
روان:يونس
سعود:يجي رمضان وناكل سبوسة ولقيمات
ريان:انتم ماهمكم الا الاكل
سعود:في شي احلى من الأكل ياحبيبي
يزن:اكيد مافي
ياسر:خلاص انطمو
ليلى:جدي اليوم بنرجع الديره ولا
الجد:اي بنرجع العصر ان شاء الله
الجده:اجل هيا يا حريم خلونا نروح نمشي دام الجوه غيم
ليلى:زياد تعال امسك غنى
زياد:بتروحين معاهم
ليلى:اي
زياد:هاتيها. بسم الله عليك يبه
عائشة:هاا ياعمه وين نروح
الجده:نمشي شوي حتى يروح الم رجولنا
منال:اي والله خلونا نمشي
الجد:اجل روحو امشو وانتم ياعيالي روحوا امشو معاهم ترا الجلسه مهي زينه لـ الرجول
سعود:طرد من ورا التريلات
يزن:جدي قل انك ماتبغانا وخلاص
الجد:روحو بس
راحو العيال والبنات والحريم يمشون ويسولفون
يزن:نتسابق حتى الشجر هاذيك
سعود:قدامم
البنات:تممم
الجده:وانا الحكم حقكم
ريوف:وش ذي الجده البطلة
الجده:بطله من يوم يومي يلا واحد اثنين ثلاثه انطلاق
جرو العيال والبنات وكل واحد يركض بقوه
يزن:ماحد فايز علي
سعود:تخسي وتعقب انا بفوز عليك
روان:تخسون انتم الاثنين تفوزون عليه
ريوف:كملو سواليف خلني افوز عليكم
كان بفوز يزن لكنه لقى له حجر وطاح على وجهه أنتبهت روان لـ يزن وصرخت:وقفووو يزن طاح
وقفو الكل وراحو يشوفون يزن وش صار له
سعود:هيه انت تسمعني
ريان:يزن قوم خل المزح عنك الحين
قمر شوي وتصيح:يزن وشهو فيك قمم
بعد خمس دقائق ويزن الا الان ماقام
سعود:هاتو مويا
قام يزن وهو يضحك: اصبر كنت امزح معاكم
انتبه لـ قمر اللي تصيح
يزن: قمر وشهو فيك تبكين
قمر:يزن
يزن:ياعيون يزن انتِ تعالي انا حمار يوم اخلي اختي تبكي عشاني وراح يضمها
نزلو العيال راسهم اما البنات كانو يتأملون معامله يزن لـ اخته كيف كانت
اما ريوف اللي تذكرته موقف ياسر وزياد معاها
مسحت قمر دموعها وبعد يزن عنها وراح يجري عشان يفوز
سعود:هاذا ما يعقل حتى وهو تو طايح على وجهه له خلق يجري
ياسر:هاذ هو يزن مستحيل يبين حزنه لـ احد ودايم روحه سعيده واذا ضحك يضحك الكل معاه ماعمري شفته يشكي
سعود:اي والله الله يديم له هاذي الضحكه ولا يفارقها عنه
ياسر:امين
وراحو عنده
مد لسانه يزن وقال:فزت عليكم
سعود:عادي
يزن:لا مو عادي
سعود:لا عادي
يزن:لا مو عادي ههههههه
سعود:لا عادي
ريان:خلاص انتم
ورجعو عند الجده
راح يزن يركض:ياجده فزتتتت عليهم
الجده:اي هاذا يزن الكفوو واعطه خمس ريال
يزن بمزح:ياجده ترا الخمس ريال ماعد تجيب لك شي
حصه:يزنن
يزن:هههههههه امزح شكرا يا جدتي العزيزة على هاذا المال
الكل:ههههههههههههههههههههههههههههههههههه
الجده:يلا رجعنا
يزن:رجعنا
راجعو وهم في طريقهم عند الرجال راح يزن عند روان وقال
يزن:شكرا روان
روان:على وش؟
يزن:وقت ماطحت كنت احسبك راح تروحين بس صرختي عشان العيال يجون شكرا
روان:العفو
وراح يزن عشان يسبقهم عند الجد
العصر
الجد:يلا شيلو اغراضكم ويلا مشينا
الجده:يلا
وصلو وكل واحد راح بيته ينام
وبعدها قامو ومر اليوم عادي

اعتذر اذا في اخطاء 🫶🏻.