ـــــــــــــــــــــــــــــــــــــــــــــــــــــــــــــــــــــــــــــــــــــ
حلا وهي تنزل من على حصانها تجري نحو اختها التي اشتاقت لها كثيرا... كان لقائهم يعد من أصعب الامور التي مرت عليهم فقد طال كثيرا
كان تقبلها في كل انش بوجهها ودموعهم تغرق وجنتيهم
حلا وهي تنظر بعين أختها بخوف شديد : وحشتيني اوي يا نور حياتي
نورا وهي تبتسم من بين دموعها : اخيرا شوفتك يا حلا اخيرا
حلا : الجوهرة كانت ليها رغبة ان كل واحدة فينا تكتشف قوتها الاول وبعدين نتقابل بس فراقك كان اصعب حاجه مريت بيها هنا انتي متعرفيش غيابك كان مأثر فيا ازاى يا نور
نورا وهي مبهورة بمظهر اختها : واو يا حلا شكلك اتغير كتير
ليقاطعهم خالد وهو يقف امامهم وينظر لحلا : تشرفنا يا اخت حلا ويمد يده ليصافحها
نظرت له بتفحص : وانت مين بقى
تدخلت نورا : ده خالد اخو تيم يا حلا
لتومأ بوجهها : اها افتكرتك... اهلا ثم تنظر لنورا...طمنيني عليكي يا نور... عامله ايه هنا
نورا : متقلقيش عليا يا حبيبتي انا كنت طول الوقت في امان لتنظر لخالد بحب... وكمان اكتشفت قوتي
حلا بذهول : بجد.. طب وايه رايك فيها
نورا بحماس : استني اوريكي حاجه
ليقاطعها خالد : لا والله مانتي متحركة من هنا... كفاية اوي اللي حصلي من ورا القوة بتاعتك... انا اتبهدلت
حلا باستغراب : هو انتي كنتي السبب في العاصفة اللي حصلت من شوية دي
لتهز رأسها بفخر : ايوة وانا كمان اللي واجهت (اتالانتا)
حلا وهي تعقد حاجبيها : انا كنت فاكره سبب الانفجار اللي حصل اتالانتا
نورا وهي تبتسم : تؤتؤ... انا كل اللي عملته اني وريته شوية من اللي عندي واذ فجأة لاقيته طار من هنا
حلا بسعادة لا تستطيع وصفها : بجد مش مصدقة انك بالقوة دي... وقبل ان تكمل كان وصل فهد لمكان تواجدهم
فهد باندفاع نحو حلا وغضب من تهورها : انتي ازاي تمشي لوحدك انتي عارفه كان ممكن يحصلك ايه
حلا وهي تتجاهل حديثه وترد بسخط : معلش
كان يصرخ بها : يعني ايه معلش دي... كنت هعمل ايه لو حصلك حاجه... ممكن تفهميني
نظرت له حلا من اعلى لاسفل: متعليش صوتك عليا... انا عارفه احمي نفسي كويس
فهد وهو يحاول تهدأة نفسه بصعوبة من ردودها الغير مبالية بما يشعر به : حلا... انا مش هحاسبك على كلامك ده... بس لو مقدرتيش انا بعمل ايه عشانك صدقيني هتندمي
تدخلت نورا بهذه المشدة بينهم وهي لا تعلم ما يحدث بين هذين الاثنين : احم... مين ده يا حلا
نظرت لها حلا وهي تشير له بأصبعها وتقول باتسفزاز : ده البودي جارد بتاعي
التفت لها بغضب : نعم... حلااا
رمقته بنظراتها العابثة : قصدي فهد الحاتمي...حامي قبيلة كاي اللي انا كنت مقيمة فيها وكمان مهمته انه يلاحق منى... ودي ليها علقه معايا بعدين
نورا بعدم فهم : ايه كل ده... لا احنا لازم نقعد مع بعض ونحكي عن كل اللي حصلنا من الاول
كان خالد يقف يشاهد بصمت ليحدث نفسه : هو ايه اللي انا اترميت فيه ده... واحد طالعلي شبه سلاحف النينجا والتانية طلعالي من فيلم كرتون... انا لو في حلم مش هيحصلي كل ده..ياني يا دماااغي اللي هطق 🤦🏻♂️
انا حاسس اني ناسي حاجه ايه ده تيم فين ليعلي صوته نورا تعالي نشوف تيم وارابيلا
اقتربت منه نورا وهي تضرب رأسه : احنا نسيناهم خالص تعالى نروح نشوفهم لتنتبه لها حلا
حلا : تيم كان معاكم لتومأ لها بنعم... طب خلاص انا هروح اشوفه وانتم خليكم هنا لترحل بعدها متوجهة نحو القصر
رجعت بعد مده
حلا: ملقتش حد في القصر بس لاقيت الرسالة دي كانت الرسالة من ارابيلا (انا اسفة يا خالد بس لازم تيم يرجع لاصله ولعيلته انا وديته لمملكته اتمنى لو بتقرأ السالة دي متدورش عليه لان مستحيل تعرف تشوفه تاني
تحياتي ارابيلا)
رفع عينه عليها : انا مبقتش قادر يا نورا انا بقيت لوحدي وضهري انحنى... انا جيت هنا ازاي واتفرقت عن اهلي واخويا لتنزل دموعه
لتقترب منه نورا وتمسد على ذراعه حتى يهدأ : اهدى يا حبيبي وان شاء الله هتجتمع باخوك وهنرجع كلنا بس انت اتماسك
ــــــــــــــــــــــــــــــــــــــــــــــــــــــــــــــــــــــــــــــــــــــــــ
كانت تقف آرابيلا عند شلال الظلام لتنادي بكل ما تملك من قوة ( جرملاردا)
بعد منادتها لعدة مرات.. صدر صوت صرخات مرعبة من الشلال لتندفع المياه مُشكلة وحش مائي.. كان شكله أقرب الى الحوت ولكنه أصغر
نظرت لعينيه لتتحدث بلغة مختلفة عن البشر :(ارتارا.. لتشير لتيم الملقى بجوارها... كا.. ماز لوريان)
بمعنى خذنا لمملكة لوريان
اقترب جرملاردا منها ليخرج من جوفه مادة لازجة عليها وعلى تيم ومن ثم ابتلعهم
#يتبع
#رايكم في البارت يا سكاكر 😍😘😘
YOU ARE READING
معك إلى عالم أخر©️
Science Fictionما بين عاملنا وعالم مليئ بالغموض والخيال، أُحب أن أخذكم معي إلى عالم الفوضي عالم لا يعرف المستحيل ولتسبحوا فى أعماق تلك الرحلة عليكم بإلتزام الصمت 🤫 فما ستراه أعينكم لا يجب أن تخبروه لإحد . ستجدون قلوب متيمة بالعشق وستجدون الشر يحوم لتفرقتهم، ستجد...
بارت 16 (الجزء الثاني)
Start from the beginning
