Unicode
အခန်း (၁၁၅)
အရာအားလုံး မင်းအတွက်ပါပဲဟောက်ချန်ဟွမ်းသည် စုယန်ယန်ထံမှ ဗီဒီယိုဖုန်း ခေါ်ဆိုမှုကို လက်ခံရရှိသည့် အတွက် အရမ်း ဝမ်းသာသွားသည်။ သို့သော်လည်း စုယန်ယန်ရဲ့ ငိုသံကို ကြားလိုက် ရပြီးနောက် သူ့မျက်နှာဟာ ပျက်ယွင်း သွားသည်။
“ဘာဖြစ်လို့လဲ။ မင်းကို ဘယ်သူ အနိုင်ကျင့်တာလဲ”
သူတို့ လမ်းခွဲပြီးတော့ စုယန်ယန်က သူမရဲ့အဘိုးဖြစ်သူ ရောက်နေသည့် အတွက် အိမ်ပြန်မယ်လို့ ပြောခဲ့တာကို အမှတ်ရ လိုက်သည်။ ဟောက်ချမ်ဟွမ်းသည် သူ့ရင်ထဲ လှုပ်ခတ်သွားကာ မဝံ့မရဲ မေးသည်။
“မင်းအဘိုးက မင်းကို တစ်ခုခု ပြောလိုက်လို့လား။ ကိုယ့်အတွက်ကြောင့် မင်း အပြစ်တင် ခံရလို့လား”
“မဟုတ်ပါဘူး”
ဟောက်ချန်ဟွမ်းက အထင်လွဲနေတာကို မြင်လိုက်ရတော့ စုယန်ယန်ဟာ သူမခေါင်းကို အလျင်အမြန် ခါယမ်း လိုက်သည်။
“ကျွန်မ အဘိုးက ရှင်ထင်သလောက် မဆိုးပါဘူး။ သူက ရှင်နဲ့တွေ့ဖို့ တစ်ရက် ချိန်းလိုက်ဖို့ ကျွန်မကို ပြောထားတယ်။ ကျွန်မ အဆင်ပြေပါတယ်၊ အခု နည်းနည်း စိတ်လှုပ်ရှား နေမိရုံလေးပါပဲ”
“စိတ်လှုပ်ရှားနေတာလား”
စုယန်ယန်သည် သူမပါးစပ်ကို ဖွင့်ဟကာ တစ်ခုခုကို ပြောလိုက်ချင်ပေမယ့် ရုတ်တရတ် ရပ်တန့် သွားသည်။ သူမက အသက်ပြင်းပြင်းရှူပြီး ဝမ်းမြောက် ဝမ်းသာစွာ ဆက်ပြောသည်။
“ဟုတ်တယ်၊ အရင်ကတော့ ကျွန်မတို့ကို ကျွန်မရဲ့ မိသားစုဝင်တွေ ကောင်းချီး မပေးရင် ဆိုပြီး စိတ်ပိုင်းဆိုင်ရာ ပြင်ဆင်မှုတွေ ကြိုတင် ပြုလုပ်ခဲ့ပေမယ့် ကျွန်မ ဒါကို စိတ်ထဲမှာ အမြဲရှိနေခဲ့တယ်။ ဒါပေမယ့် သူတို့က ကျွန်မကို ခြွင်းချက်မရှိ နားလည် ပံ့ပိုးပေးနေတာကို မြင်လိုက်ရတော့ ကျွန်မကို စိုးရိမ်ပူပန်နေတဲ့ သူမရဲ့စိတ်ကို ကျွန်မကသာပဲ နားလည်မှု လွဲနေတာမှန်း နားလည် သဘောပေါက် သွားမိတယ်”
“အထူးသဖြင့် ကျွန်မရဲ့အဘိုးပေါ့။ ကျွန်မ ငယ်ငယ်တုန်းက ကျွန်မ မိဘတွေက စီးပွားရေး လုပ်ငန်းတွေ စတင်ကာစ ဖြစ်လို့ ကျွန်မကို ဂရုစိုက်ဖို့ အချိန်မရှိကြဘူး။ ကျွန်မကို အဘိုး တစ်ယောက်တည်းကပဲ ကျွေးမွေးပြုစု ပျိုးထောင်ပေးခဲ့။ အခုအချိန်မှာ ကျွန်မကို နားလည်မှုနဲ့ ပံ့ပိုးမှုတွေကို ပေးခဲ့ပြန်တော့ ကျွန်မ ပခုံးပေါ်က ဝန်ထုပ်ဝန်ပိုးတွေ ပြေလျော့သွားသလို ခံစားရပြီး ကျွန်မ အရမ်း ပျော်သွားတယ်”
YOU ARE READING
ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး
Romanceစာရေးသူ - Mu Kong ဘာသာပြန်ဆိုသူ - No Noe (Miracle_Phyu97) စာမိတ်ဆက် စုယန်ယန်သည် သူမကွယ်လွန်သွားပြီးမှသာ သူမဟာ မယ်ရီဆူးဇာတ်လမ်းတွင် ဓားစာခံဖြစ်လာသည့် အန္တရာယ်ရှိသော အမြောက်စာ အမျိုးသမီးဇာတ်ကောင် တစ်ဦးဖြစ်ကြောင်း သိရှိလာခဲ့ရသည်။ မမျှော်လင့်ပဲ သူမ ပြန်...