unicode
အခန်း(၅၉) - ဆေးလိပ် လျှော့သောက်သင့်သည်
ရှားကျွင်းရှန့်သည် စုယန်ယန်ကို မှီလာခဲ့ပြီး မဝံ့မရဲ မေးမြန်းလိုက်သည်။ “နင် နျဥ်ချီလွေ့နဲ့ ပြဿနာ တစ်ခုခုများ ရှိနေလို့လား။”
“မရှိပါဘူး”
ရှားကျွင်းရှန့်သည် သူမပြောတာကို မယုံပဲ ဆက်လက်မေးမြန်းပြန်သည်။ “ဒါဆို မင်းတို့နှစ်ယောက် ခုနတုန်းက ဘာပြောနေတာလဲ...”
“ညီမတို့ ဒီအတိုင်း ဟိုဟိုဒီဒီ စကားစမြည်ပြောတာပါ။ သူက ညီမအပေါ် အထင်မှားနေတာမျိုး ရှိနေတယ်ဆိုတာကိုတော့ ညီမ မငြင်းချင်ပါဘူး။ ဒါပေမယ့် ခုနကမှ ညီမတို့ ပထမဆုံးအကြိမ် တွေ့ဖူးတာပါ။”
စုယန်ယန်၏ စကားများသည် ရိုးရှင်းသော်လည်း အဓိပ္ပါယ်များစွာပါဝင်နေသည်။
အကြောင်းပြချက်မရှိပဲ ပထမဆုံးအကြိမ် တွေ့ဆုံကြတဲ့ သူစိမ်းတွေဆို ဒီလိုရန်လိုနေမှာလဲ။ အထူးသဖြင့် တစ်ဖက်က သူမ ဘယ်သူဆိုတာကို ပြောလိုက်တာနဲ့ သူမရဲ့ နာမည်အပြည့်အစုံနှင့် မိသားစုနောက်ခံအကြောင်းကိုပါ သိရှိနေချိန်မှာပေါ့။
စုယန်ယန်က သူကိုယ်တိုင်နဲ့ ရန်ငြိုးမရှိတာ သေချာသောကြောင့် သူ့ကို တစ်ယောက်ယောက်က ကတုန်းကတိုက်ပြောဆိုထားတာ ဖြစ်ရမယ်။
ရှားကျွင်းရှန့်၏ မျက်လုံးတွေက အနည်းငယ် မှုန်မှိုင်းသွားသော်လည်း နောက်ပိုင်းတွင် သူ ဘာလုပ်ရမလဲဆိုတာကို သိလိုက်သည်။
စုယန်ယန်က ရှားကျွင်းရှန့်ထံ အကြည့်တစ်ချက်ပို့လိုက်ပြီး သူ့ကို သတိပေးလိုက်သည်။ “အစ်ကိုကျွင်းရှန့် အစ်ကိုက ညီမထက် အထက်တန်းစား အသိုင်းအဝိုင်းကို ပိုနှံ့စပ်တယ်မလား။ နျဥ်နဲ့ ချီ မိသားစုအကြောင်းကို အစ်ကို သိတယ်မလား။”
နျဥ်နဲ့ ချီလား။ ရှားကျွင်းရှန့်သည် အချိန်ခဏလောက် စဥ်းစားလိုက်ပြီးနောက် ရုတ်တရတ် တစ်စုံတစ်ခုကို နားလည်သဘောပေါက်သွားပုံရပြီး သူ့မျက်နှာက သိသိသာသာ ပြောင်းလဲသွားသည်။ “ညီမလေး ဆိုလိုတာက...”
“အစ်ကို ဒီကိစ္စနဲ့ ပတ်သက်ပြီး စောစောစီးစီး ကြိုတင်ကာကွယ်မှုတွေ လုပ်ထားသင့်တယ်။”
YOU ARE READING
ကျွန်မကို မြတ်နိုးစွဲလမ်းနေတဲ့ အမျိုးသားဇာတ်လိုက်ရဲ့ ဦးလေး
Romanceစာရေးသူ - Mu Kong ဘာသာပြန်ဆိုသူ - No Noe (Miracle_Phyu97) စာမိတ်ဆက် စုယန်ယန်သည် သူမကွယ်လွန်သွားပြီးမှသာ သူမဟာ မယ်ရီဆူးဇာတ်လမ်းတွင် ဓားစာခံဖြစ်လာသည့် အန္တရာယ်ရှိသော အမြောက်စာ အမျိုးသမီးဇာတ်ကောင် တစ်ဦးဖြစ်ကြောင်း သိရှိလာခဲ့ရသည်။ မမျှော်လင့်ပဲ သူမ ပြန်...