خرج موسى من أوضه ياسين وراح اوضته ولقا اسينا نايمه
قفل موسى الباب بالمفتاح وقال: اسينا انتى نمتى؟
اسينا بصوت نايم: اه يا بابا خلاص بروح فى النوم
موسى باعتراض: لا قومى اصحى
اسينا: انا تعبانه سيبنى انام بقا
راح موسى ناحيتها وقال بقلق: انتى بقيتى تنامى كتير اوى انتى كويسة
اسينا بنعاس: اه متقلقش
موسى بغيره: ما تقومى بقا ولا انتى بتقومى لياسين بس
قعدت اسينا وقالت: اهو يا سيدى قومت
موسى بزعل مصتنع: لا نامى انا كمان اصلا هنام
اسينا بهزار: انتى بتغيري من ياسين يا بطه
موسى بهزار: انا موسى الصياد يتقاله يا بطه
اسينا بضحك: ملناش دعوه بموسى الصياد ده موسى حبيبى انا هو الى بطه
*بعد مرور شهر كان فريد وليلى اتجوزوا وراحل وسارة كمان وخالد وهمسه قربوا على امتحاناتهم اما عرابى وعصام بدوا يزرعوا جواسيس مابين رجالة فريد وراحل وموسى فى نفس الوقت كانوا التلاته بدوا يظبطوا خطتهم علشان يخلصوا منهم واسينا بدأت تشوف مدرسه مناسبة لياسين علشان تقدمله لما التقديم يبدأ...واتعلقوا كلهم بياسين وحبوه وهو اتعود عليهم وعلى حياته الجديده
*فى فيلا موسى
كانت اسينا واقفه فى المطبخ هى وساره وليلى بيجهزوا الأكل
ليلى بضحك: والله فريد طيب خالص بس ليه حركات كده تودى فى داهية
اسينا بضحك: اول مره شوفته مكنتش مقابله لطيفه ابدا
سارة بهزار: راحل حكالى بجد الله يكون فى عونك من الخضه دى
فجأه حطت اسينا اديها على بقها وجريت على الحمام
ليلى بخضه: ايه يا اسينا مالك
وراحوا الاتنين وراها
سمع موسى صوتهم لأنه كان قاعد مع فريد وراحل فى الصالون
راح موسى ناحيتهم وقال: فى ايه؟
سارة بقلق: مش عارفه اسينا فجأه جريت على الحمام شكلها بترجع
قرب موسى من باب الحمام وقال: حبيبى انتى كويسة
بعد تقريبا خمس دقايق خرجت اسينا من الحمام
موسى بخوف عليها: ايه يا اسينا مالك؟ تعالى نروح المستشفى انتى تعبانه بقالك مده
اسينا بابتسامة تعب: حبيبى انا دكتوره وعارفه ده شوية برد فى بطنى من اكتر
اتنهد موسى وقال: طيب لو تعبتى تانى عرفينى وهنروح لدكتور غصب عنك
اسينا بضحك: حاضر
مشى موسى وراح مكان ما كان قاعد تاني
ليلى: بت انتى بتكدبى! برد ايه ده؟
اسينا بضحك: ما انا بكدب فعلا
سارة بتزمر: فهموونى حاسه انى زى الأطرش فى الزفه
اسينا: طب تعالوا فى المطبخ بس
ودخلوا التلاته المطبخ
اسينا بكسوف: هو انا يعنى شاكه انى حامل
حضنتها ليلى وقالت: الف مبروووووك يا سوسو
ساره بفرحه: ايه الأخبار الحلوه دى
وحضنتها هى كمان
اسينا: وطوووا صوتكوا بقول شاكه لسة
ليلى بحماس: طب يلا بسرعه اطلبى اختبار حمل من الصيدليه عايزين نفرح
جابت اسينا موبايلها واتصلت بالصيدلية وعملت الأوردر
بعد تقريبا نص ساعه وصلت الصيدليه بره
اتصل الحرس بموسى
موسى: الو
الحرس: فى دليفري صيدلية بره يا باشا
موسى: ثوانى كده
قال موسى بصوت عالى: اسينا انتى طلبتى الصيدلية
خرجت اسينا من المطبخ وقالت: اه طلبت
موسى: اه احنا طلبنا خد منه الدوا وحاسبه
خمس دقايق وضرب جرس الفيلا
جريت اسينا هى على الباب واخدت كيسة الصيدلية
موسى بتساؤل: انتى طالبه ايه؟
اسينا بكذب: ده دوا لبطنى علشان البرد
واخدت اسينا الكيس وراحت ناحية المطبخ تانى
سارة بتشوق: يلا اعملى التيست بسرعه
ليلى بتمنى: ان شاء الله تبقى حامل
اسينا بتمنى: يارب
بعد مده كانت اسينا عملت التيست ومستنيين النتيجه
اسينا بتوتر: ياااربى هو مظهرش لحد دلوقتي ليه؟
ليلى: يابنتى احنا لحقنا اصبرى
بعد دقايق ظهرت شرطتين على التيست
اسينا بسعاده: حاااامل اشكرك يااارب
حضنوها الأتنين
ساره: الف مبروك يا سوسو
ليلى: تقوملنا بالف سلامه
اسينا بفرحه: الله يبارك فيكى....يااارب عقبالكوا
سارة وليلى فى نفس واحد: يارب
اسينا: اوعى تقولوا هعمل لموسى مفاجأه بس بعد الغدا
جهزوا التلاته الغدا وحطوه على السفره واتجمع الكل وبدأوا يكلوا
YOU ARE READING
نعم يا حبيبَتىِ (مكتمله)
Romanceكان هناك سؤال دائما يراودنى...هل يمكن للحب ان يصنع المعجذات؟؟؟ هل للحب سابق إنذار!!! عندما رأيتها للمره الأولى خفق قلبى بطريقة غريبة ربما لم اجربها من قبل...بل لم اجربها اطلاقاً... بقلم/رقيه حمدى
